Beth yw’r safonau proffesiynol?
Mae safonau proffesiynol yn disgrifio’r sgiliau, y wybodaeth a’r ymddygiadau sy’n dangos ymarfer rhagorol ac yn cefnogi datblygiad proffesiynol.
Mae’r safonau proffesiynol yn ffurfio fframwaith dyheadol sy’n eich grymuso i fod yr addysgwr gorau posibl.
Maen nhw’n rhan hollbwysig o gefnogi’r holl ymarferwyr yn ein sector wrth iddynt ymwneud â dysgu a datblygiad proffesiynol.
Mae’r safonau hyn, a luniwyd ar y cyd â rhanddeiliaid allweddol yn y sector, yn ffrwyth ymdrech ar y cyd gan y gweithlu, ar ran y gweithlu. Maen nhw’n ymgorffori arbenigedd a gweledigaeth gyffredin gweithwyr proffesiynol fel chi, sy’n rhannu ymrwymiad i gael yr effaith fwyaf posibl ar ddysgwyr.
Rhoddir isod ddolenni i safonau proffesiynol sydd wedi’u teilwra i’ch rôl benodol; ar gyfer athrawon addysg bellach, ymarferwyr dysgu seiliedig ar waith, athrawon sy’n cyflwyno addysg oedolion yn y gymuned, a staff cymorth ac arweinwyr mewn addysg bellach a dysgu seiliedig ar waith.
Defnyddio’r safonau
Bydd defnyddio’r safonau hyn yn eich helpu i gael trafodaethau agored gyda’ch cymheiriaid, gan feithrin sgyrsiau ystyrlon i ffurfio nodau datblygiad proffesiynol. Maen nhw hefyd yn helpu i ddarparu fframwaith ar gyfer hunanfyfyrio, o ran eich ymarfer a damcaniaeth addysgu.
Adnoddau allweddol yw’r rhain i gyflawni dealltwriaeth ddyfnach o’ch ymarfer, a hybu eich twf fel gweithiwr proffesiynol.
Adnoddau allweddol yw’r rhain i gyflawni dealltwriaeth ddyfnach o’ch ymarfer, a hybu eich twf fel gweithiwr proffesiynol.
- Gosod disgwyliadau clir ar gyfer sut dylech chi a’ch cydweithwyr weithio.
- Myfyrio ar eich ymarfer – yn unigol ac fel rhan o dîm, a helpu i ddiffinio llwyddiant fel addysgwr.
- Amlygu meysydd allweddol i ganolbwyntio arnynt ar gyfer eich datblygiad proffesiynol a’ch dysgu parhaus eich hun.
- Diffinio’r llwybr tuag at gamu ymlaen yn eich gyrfa, gan roi trywydd clir i chi i wella’ch gyrfa.
Adnoddau Defnyddiol
Mae adnoddau defnyddiol sy’n gysylltiedig â safonau proffesiynol isod
Y Pasbort Dysgu Proffesiynol