Gwlad ddwyieithog yw Cymru, gyda dros 900,000 o siaradwyr Cymraeg. Felly, dylai’r dewis i weithio trwy gyfrwng y Gymraeg fod yn hygyrch i bawb.
If you are looking to work in the sector and would like to work in the medium of Welsh, there is lots of support available to help you.
Cymraeg 2050
Mae Llywodraeth Cymru wedi gosod targed uchelgeisiol o filiwn o siaradwyr Cymraeg erbyn y flwyddyn 2050. Cymraeg 2050 yw Strategaeth newydd Llywodraeth Cymru ar gyfer y Gymraeg ac mae’n amlinellu sut mae’r llywodraeth yn bwriadu cyflawni’r uchelgais hwn.
Darllenwch fwy am y strategaeth Cymraeg 2050 yma
Yn y sector addysg ôl-16, prif bwyslais y strategaeth yw meithrin cynnydd a grymuso unigolion o bob gallu i ddatblygu sgiliau Cymraeg, yn bersonol ac yn broffesiynol. Mae hyn yn golygu bod arnom angen mwy o athrawon ac aseswyr sy’n gallu addysgu ac asesu trwy gyfrwng y Gymraeg, ac sy’n barod i wneud hynny.
Ni waeth beth fo’ch lefel hyfedredd bresennol, p’un a ydych yn siaradwr Cymraeg rhugl, yn ddysgwr sy’n dymuno magu mwy o hyder, neu’n rhywun sy’n chwilfrydig ynglŷn â dysgu, mae cyrsiau a rhaglenni wedi’u teilwra ar gael i weddu i’ch anghenion.
Mae’r Coleg Cymraeg Cenedlaethol, Sgiliaith, a Dysgu Cymraeg yn cynnig amrywiaeth eang o adnoddau sy’n addas i ddysgwyr ar bob cam o’u taith Gymraeg.
Cyllid ar gyfer Hyfforddi Athrawon
Os ydych yn siarad Cymraeg, ac yn awyddus i ddechrau gyrfa addysgu ym maes addysg bellach, mae Cynllun Cymhelliant Hyfforddi Athrawon Llywodraeth Cymru yn cynnig grant ychwanegol o £1,000 i’r rhai sy’n astudio am Dystysgrif Addysg i Raddedigion (TAR) amser llawn mewn addysg bellach trwy gyfrwng y Gymraeg.