Itec Training Solutions Limited

Rydym ni yn un o brif ddarparwyr sgiliau a chyflogaeth yng Nghymru. Rydym yn cefnogi dysgwyr a chyflogwyr drwy Hyfforddeiaethau, Sgiliau Cyflogadwyedd, Prentisiaethau, Twf Swyddi Cymru, a Kickstart. Mae ein ethos yn syml. Rydym yn helpu unigolion i ddechrau a datblygu eu gyrfaoedd drwy baru eu sgiliau â sgiliau cyflogwyr lleol. Alinio'r cyflenwad a'r galw fel hyn yw'r unig ffordd o sicrhau bod ein rhaglenni yn ystyrlon, yn effeithiol, yn werthfawr ac yn gynaliadwy i unigolion a chyflogwyr.

ACT

Wedi'i sefydlu yn 1988, mae gennym beth wmbredd o brofiad mewn cyflwyno hyfforddiant pwrpasol ar gyfer unigolion a chyflogwyr yng Nghymru. Rydym yn darparu rhestr hir o raglenni hyfforddiant a chymwysterau sydd wir yn helpu pobl i gyrraedd eu llawn botensial. O Hyfforddeiaethau, Prentisiaethau a Phrentisiaethau Uwch mewn 30 o sectorau gwahanol, i hyfforddiant cyflogadwyedd a chyrsiau masnachol byr.

Panda Education and Training Ltd

Rydym yn angerddol am godi safon yr addysgu, hyfforddiant ac asesu mewn addysg ôl-16. Rydym yn darparu datblygiad proffesiynol o ansawdd uchel ac atyniadol ar gyfer tiwtoriaid, hyfforddwyr ac aseswyr. Rydym yn canolbwyntio'n llwyr ar ymarferwyr ôl-16 a gwaith, gan wella eu sgiliau addysgu, hyfforddiant ac asesu. Rydym yn cynnig amrywiaeth o gymwysterau Dysgu a Datblygu a gweithdai pwrpasol gan gynnwys Aseswr, IQA, cymwysterau Dyfarniad mewn Addysg a Hyfforddiant. Rydym yn ddwyieithog.

Coleg Gwent

Fel un o'r colegau sy'n perfformio orau yng Nghymru, rydym yn goleg AB cynhwysfawr ac amrywiol, gyda 5 campws ym Mrynbuga, Glynebwy, Crosskeys, Casnewydd a Chwmbrân. Rydym yn cynnig cyrsiau llawn amser, rhan amser, addysg uwch, e-ddysgu a phrentisiaethau ar gyfer bob lefel. Felly, pa un ai eich bod yn cychwyn eich taith yn y sector addysg, yn newid gyrfa, eisiau gwella eich set sgiliau, neu'n dychwelyd at addysg ar ôl ychydig o flynyddoedd, byddwch yn siŵr o lwyddo yn Coleg Gwent.

Safonau Addysg Hyfforddiant

Mae ETS Cymru yn gofalu bod rhaglenni hyfforddi gweithwyr ieuenctid yn ddigon da i ddiwallu anghenion cyflogwyr, y gweithwyr eu hunain a'r bobl ifanc sy'n ymwneud â nhw. Mae'n cyflawni'r gwaith hwnnw ar ran y Cydbwyllgor Negodi dros Weithwyr Ieuenctid a Chymuned (JNC).

Coleg Penybont

Sefydliad Addysg Bellach aml ei wobrau yn ne Cymru yw Coleg Penybont, sy'n cefnogi dros 7,500 o fyfyrwyr bob blwyddyn ar draws cyrsiau llawn amser a rhan amser, cymwysterau Addysg Uwch a rhaglenni dysgu seiliedig ar waith.

Coleg Sir Benfro

Gyda dros 25 mlynedd o brofiad yn helpu pobl i ennill y cymwysterau sydd eu hangen i addysgu mewn lleoliadau ôl-16, mae Coleg Sir Benfro yn fan cychwyn gwych i'r rheini sydd newydd gychwyn ar eu taith addysgu, yn ogystal â chynnig datblygiad proffesiynol parhaus i ymarferwyr profiadol. Cewch eich dysgu gan ddarlithwyr profiadol, gyda mynediad i'r adnoddau addysgu diweddaraf, a byddwch chi'n gorffen eich cymhwyster gyda'r wybodaeth a'r hyder i allu addysgu mewn amrywiaeth o leoliadau ôl-16.

Coleg y Cymoedd

Mae dros 10,000 o ddysgwyr yn astudio yng Ngholeg y Cymoedd bob blwyddyn gyda safleoedd yn Aberdâr, Nantgarw, y Rhondda (Llwynypia) ac Ystrad Mynach. Mae'r Coleg yn cynnig ystod eang o gyrsiau llawn amser a rhan amser o Lefel Mynediad i Radd mewn dros 15 o feysydd cwricwlwm. Gan weithio mewn partneriaeth â mwy na 800 o gyflogwyr, mae tîm Gwasanaethau Busnes y Coleg yn cynnig ystod eang o brentisiaethau a phecynnau hyfforddiant masnachol wedi'u teilwra.

Mae Young Enterprise, sy'n adnabyddus am ddatblygu a chyflwyno hyfforddiant Datblygiad Proffesiynol Parhaus o ansawdd uchel ar Addysg Ariannol i athrawon, yn frwd ynglŷn â darparu'r wybodaeth a'r sgiliau y mae eu hangen ar athrawon ac addysgwyr i helpu pobl ifanc i lwyddo.

Consortiwm Canolbarth y De

Mae Consortiwm Canolbarth y De (CCD) yn Wasanaeth Addysg ar y Cyd i bum awdurdod lleol, sef: • Pen-y-bont ar Ogwr • Caerdydd • Merthyr Tudful • Rhondda Cynon Taf • Bro Morgannwg Mae'r Consortiwm wedi'i gomisiynu gan, ac yn gweithredu ar ran y pum awdurdod lleol i ddarparu gwasanaeth gwella ysgolion sy'n herio, monitro ac yn cefnogi ysgolion i godi safonau.

Grŵp Llandrillo Menai

Sefydlwyd Grŵp Llandrillo Menai yn 2012 yn dilyn uno Coleg Llandrillo, Coleg Menai a Choleg Meirion-Dwyfor. Mae'n cyflogi 2,000 o staff ac yn darparu cyrsiau i tua 21,000 o fyfyrwyr, gan gynnwys dros 1,500 o fyfyrwyr addysg uwch, ledled Ynys Môn a siroedd Conwy, Dinbych a Gwynedd.

ITEC Abertawe

Ni yw Abertawe ITeC! Rydym yn dîm bach tyn sy'n gweithio gyda'n gilydd i ddarparu hyfforddiant a Gwasanaethau TG o ansawdd yng Nghymru. Er ein bod wedi ein lleoli yn Abertawe, rydyn ni'n cyflwyno prentisiaethau ledled De Cymru gan gynnwys Caerdydd, Pen-y-bont ar Ogwr a Sir Benfro - rydyn ni hyd yn oed wedi eu cyflwyno yng Ngorllewin a Gogledd Cymru!