BETH YW ATHRO?
Rydym yn creu amgylchedd dysgu lle mae addysg yn dod yn fyw. Amgylchedd lle mae dysgwyr yn cael eu hysbrydoli fel y gallant ffynnu a chyflawni eu nodau a'u huchelgeisiau. Rydym yn sicrhau bod gan bob dysgwr y sgiliau sydd eu hangen i ymgysylltu fel dinasyddion gweithredol yn ein cymunedau. Rydym yn ysbrydoli, cymell, a magu hyder, gan helpu hyd yn oed y dysgwyr mwyaf amharod i lwyddo ym mhob agwedd ar addysg.
Rydym yn gweithio gyda dysgwyr o bob oed, mor ifanc â thair oed hyd at ddeunaw oed. Rydym yn hyblyg ac yn addasadwy i sicrhau ein bod bob amser yn diwallu anghenion ein dysgwyr. Mae rhai ohonom hefyd yn arbenigo mewn gweithio gyda dysgwyr ag anghenion dysgu ychwanegol.
Yn dibynnu ar y cyfnod rydym yn gweithio, gallwn gallwn ddysgu ystod o feysydd dysgu a phrofiad neu ganolbwyntio ar un maes.
Bob dydd, rydym ni'n defnyddio ein hyfforddiant, sgiliau, gwybodaeth a phrofiad bywyd i helpu dysgwyr i ddatgelu eu gwir botensial. Rydym yn gweithio mewn partneriaeth â'n cydweithwyr, gan ddarparu cyngor ac arweiniad i staff cymorth addysgu a chydweithio i sicrhau bod ein dysgwyr yn barod i ddysgu trwy gydol eu hoes.
Mae ein cyfrifoldebau yn cynnwys cynllunio a pharatoi gwersi ac adnoddau o ansawdd uchel. I ni, mae addysgu'n fwy na gwyddoniaeth, mathemateg a Saesneg yn unig - mae'n cynnwys llenyddiaeth a thirweddau; gwaith metel a gwaith nodwydd. Rydym yn monitro cynnydd ein dysgwyr yn gyson, gan ddarparu adborth a chyngor gwerthfawr tra hefyd yn sicrhau'r safonau a'r ymddygiad uchaf.
Rydym hefyd yn rhan annatod o gymuned ehangach yr ysgol, gan weithio ar y cyd â chydweithwyr, cyfrannu at gyfarfodydd staff, hyrwyddo digwyddiadau dysgu proffesiynol, ac ymgysylltu â rhieni, gofalwyr ac asiantaethau cymorth eraill. Oherwydd gyda'n gilydd, credwn ein bod am greu amgylchedd dysgu cefnogol ac ysgogol er budd pawb sy'n cymryd rhan.
Y CYMWYSTERAU BYDD EU HANGEN ARNOCH
Er mwyn bod yn gymwys fel athro, mae angen Statws Athro Cymwysedig (SAC) trwy Addysg Gychwynnol i Athrawon (AGA). Rhaid i fyfyrwyr sy’n dymuno dilyn cymhwyster AGA fodloni’r gofynion mynediad lleiaf. I gael gwybod mwy am ofynion mynediad cliciwch yma. Ar ôl i chi ennill SAC bydd angen i chi gwblhau cyfnod sefydlu. Mae sawl llwybr AGA yng Nghymru.
Chwilio darparwyr cymwysterau yma
Mae'r gwasanaeth hwn ar gyfer cyrsiau yng Nghymru. Dysgu mwy am hyfforddiant athrawon yn Lloegr, yr Alban a Gogledd Iwerddon.
Gall athrawon ysgol cymwys o bedwar ban byd wneud cais am gydnabyddiaeth yng Nghymru.
O 1 Ionawr 2021, gall unrhyw athro a gymhwysodd y tu allan i Gymru ond sydd eisiau gweithio yng Nghymru fel athro ysgol cymwys wneud cais i gydnabod ei gymwysterau gan y CGA.
Dysgwch fwy am gwneud cais am gydnabyddiaeth yma
CYLLID
Gall graddedigion sydd â graddau penodol fod yn gymwys i gael ystod o gymhelliant i ymgymryd â TAR yng Nghymru. Os ynych chi’n dewis astudio trwy gyfrwng Cymraeg mae £5,000 ychwanegol ar gael. Mae £5,000 ar gael i athrawon dan hyfforddiant o gefndiroedd Du, Asiaidd a Lleiafrifoedd Ethnig.
Dysgwch fwy am gymhelliant yma
Gall myfyrwyr sy’n dilyn cyrsiau AGA hefyd fod yn gymwys i gael cyllid myfyrwyr drwy Cyllid Myfyrwyr Cymru.
Mae dwy fath o ysgoloriaeth ar gael trwy’r Coleg Cymraeg ar gyfer myfyrwyr sy’n astudio BA Addysg os ydych yn ymgymryd â rhan o'ch astudiaethau trwy gyfrwng y Gymraeg. Yr Ysgoloriaeth Cymhelliant a’r Brif Ysgoloriaeth.
Mae'r cyflog a amlinellir isod wedi'i fwriadu fel canllaw.