Ym Mhrifysgol De Cymru, rydyn ni'n creu graddedigion sy'n barod ar gyfer yfory. Mae gennym hanes hir o hyfforddi'r genhedlaeth nesaf o athrawon, gweithwyr addysg proffesiynol a gweithwyr ieuenctid a chymunedol. Pobl sy'n barod i adeiladu eu gyrfaoedd yn y sector addysg a dilyn eu hangerdd. Beth bynnag yw'ch nod, rydyn ni'n cynnig ystod o gyrsiau i'ch helpu chi i lwyddo.
Gwell yfory heddiw. Dechreuwch eich yfory yn ein Diwrnod Agored nesaf. Neilltuwch le nawr.
Cyrsiau Israddedig
BA (Anrh) Addysg Gychwynnol Athrawon Cynradd gyda SAC
Cynhelir y cwrs Addysg Gychwynnol Athrawon hwn drwy gyfrwng y Gymraeg. Bydd yn rhoi cyfleoedd dysgu personol a phroffesiynol rhagorol i chi gyda'r nod o ddiwallu anghenion athrawon dan hyfforddiant unigol a dysgwyr mewn ysgolion.
Bydd y BA (Anrh) Addysg yn datblygu'r wybodaeth, y sgiliau a'r angerdd am addysg mewn ystod o gyd-destunau ac yn eich paratoi i ymateb i ofynion addysg gyda dull creadigol ac addasol. Bydd eich astudiaethau'n canolbwyntio ar ddatblygiad plant a sut mae plant a phobl ifanc yn dysgu trwy'r cwricwlwm Cymreig.
BA (Anrh) Addysg ac Ymarfer Blynyddoedd Cynnar (gyda statws Ymarferydd Blynyddoedd Cynnar)
Mae’r cwrs hwn ar gyfer myfyrwyr sy’n dymuno dod yn rhan allweddol o weithlu addysg y blynyddoedd cynnar. Wedi’i gynllunio yn unol ag ymchwil flaengar ac arfer cyfredol, nod y cwrs yw rhoi’r wybodaeth, y set sgiliau, a’r hyder i chi fod yn gyflogadwy o fewn gweithlu’r blynyddoedd cynnar.
BA (Anrh) Addysg y Blynyddoedd Cynnar (Atodol)
Mae’r cwrs BA (Anrh) Addysg y Blynyddoedd Cynnar (Atodol) yn archwilio arfer gorau mewn addysg plentyndod cynnar o bob rhan o’r byd, gyda ffocws ar ddatblygu sgiliau meddwl beirniadol, gwybodaeth ddamcaniaethol a chael profiad yn y byd go iawn mewn lleoliadau addysg lleol. Wedi’u haddysgu gan ddarlithwyr profiadol, mae myfyrwyr yn ennill gwybodaeth, mewnwelediad a dealltwriaeth sylfaenol o ddysgu yn y Blynyddoedd Cynnar.
BA (Hons) Working with Children and Families
Mae’r cwrs Gweithio gyda Phlant a Theuluoedd yn darparu’r wybodaeth a’r sgiliau sydd eu hangen arnoch i weithio gyda phlant a theuluoedd mewn amrywiaeth o leoliadau. Byddwch yn archwilio materion sy’n dylanwadu ar fywydau a lles plant a theuluoedd yn y gymdeithas sydd ohoni. Bydd eich astudiaethau'n cynnwys ystod o wasanaethau, systemau, polisïau ac arferion gwaith sy'n cefnogi plant a theuluoedd. Ochr yn ochr â’ch astudiaethau academaidd, bydd cwblhau lleoliadau yn y gweithle yn caniatáu ichi weld sut mae theori, polisi ac ymarfer yn berthnasol i’w gilydd, a bydd yn eich paratoi ar gyfer amrywiaeth o gyfleoedd gyrfa. Mae llwybrau gyrfa fel arfer yn cynnwys gwaith mewn ysgolion, elusennau plant, canolfannau plant integredig, a lleoliadau gofal cymdeithasol, yn ogystal ag astudiaethau ôl-raddedig mewn addysg, gwaith ieuenctid a chymunedol neu waith cymdeithasol.
BA (Hons) Youth and Community Work
Ydych chi eisiau gwneud gwahaniaeth gwirioneddol i fywydau pobl ifanc a chymunedau? Addysgir un diwrnod yr wythnos yr ystafell ddosbarth. Mae’r cwrs hwn sy’n cael ei gymeradwyo gan Safonau Addysg a Hyfforddiant Cymru (ETS) yn dysgu ffordd i chi weithio gyda phobl ifanc i ddod o hyd i’r gorau ynddynt, eu cefnogi fel unigolion i ddatblygu a ffynnu yn y pen draw. Mae pob person ifanc yn haeddu'r cyfle i fod y fersiwn orau ohonyn nhw eu hunain ac mae'r cwrs hwn yn eich dysgu sut i wneud hynny.
Cyrsiau Ôl-raddedig
TAR Addysg Gychwynnol i Athrawon Cynradd gyda SAC
Ydych chi eisiau addysgu mewn ysgol gynradd a chael effaith go iawn a chadarnhaol ar fywydau plant? Os ydych yn raddedig ac yn angerddol am ddysgu ac addysgu arloesol yna mae'r cwrs TAR hwn yn addas i chi. Mae'r cwrs blwyddyn hwn yn arwain at ddyfarnu statws athro cymwysedig.
Tystysgrif Broffesiynol mewn Addysg a Hyfforddiant Ôl-orfodol (PcET)
Mae'r Dystysgrif Broffesiynol mewn Addysg a Hyfforddiant Ôl-Orfodol (PcET) yn eich cymhwyso i ddysgu yn y sector addysg bellach, addysg oedolion a galwedigaethol. Mae'n gymhwyster addysgu llawn, a gydnabyddir yn genedlaethol, wedi'i gynllunio'n benodol ar gyfer y rhai sy'n anelu at ddysgu pwnc galwedigaethol.
Tystysgrif Broffesiynol i Raddedigion (PgCE) Mewn Addysg a Hyfforddiant Ôl-orfodol (PcET)
Mae'r cwrs hwn yn eich paratoi ar gyfer gyrfa fel athro yn y sector Ôl-Orfodol ac mae hefyd yn rhoi cyflwyniad i astudio prifysgol mewn amgylchedd cyfeillgar a chefnogol. Mae'n gymhwyster addysgu llawn, a gydnabyddir yn genedlaethol, wedi'i gynllunio'n benodol ar gyfer y rhai sy'n anelu at ddysgu pwnc galwedigaethol mewn meysydd fel Busnes, Iechyd a Gofal Cymdeithasol, y Cyfryngau a TG.
Tystysgrif Addysg i Raddedigion (PcET)
Mae'r Dystysgrif Ôl-raddedig mewn Addysg a Hyfforddiant Ôl-orfodol (PcET) yn eich cymhwyso i ddysgu yn y sector addysg bellach, addysg oedolion a galwedigaethol. Mae'n gymhwyster addysgu llawn, a gydnabyddir yn genedlaethol.
Tystysgrif Addysgu Ôl-raddedig mewn Addysg Uwch
Mae'r cwrs hwn yn targedu academyddion sy'n newydd i'r rôl neu academyddion sydd am loywi eu sgiliau addysgu mewn addysg uwch. Ei nod yw cefnogi a gyrru cyfranogwyr i'w gyrfaoedd academaidd, gyda dealltwriaeth glir o arferion a dulliau sefydliadol o ddysgu ac addysgu mewn addysg uwch.
MA CAMH (Iechyd Meddwl Plant a'r Glasoed)
Mae'r cwrs CAMH hwn yn datblygu gweithwyr proffesiynol gwybodus a myfyriol sy'n gallu tynnu ar arfer sy'n seiliedig ar dystiolaeth mewn ffyrdd a fydd yn effeithio ar y gweithle ac ar ganlyniadau i'r plant a'r bobl ifanc yn y gwasanaethau hynny.
Mae’r MA Addysg Cenedlaethol (Cymru) yn rhaglen wirioneddol drawsnewidiol sy’n arwain y sector ar gyfer gweithwyr addysg proffesiynol yng Nghymru, o athrawon ar ddechrau eu gyrfa i uwch arweinwyr. Bydd y cwrs hwn yn sicrhau bod pob gweithiwr addysg proffesiynol yng Nghymru yn cael yr un cyfle o ansawdd uchel i wella eu gwybodaeth broffesiynol, ymgysylltu ag ymchwil, ac i wella eu harfer proffesiynol.
MA Addysg (Arloesi mewn Dysgu ac Addysgu)
Mae'r cwrs ôl-raddedig hwn mewn Addysg wedi'i gynllunio ar gyfer ystod o gefndiroedd proffesiynol gan gynnwys athrawon, darlithwyr a rheolwyr yn y sector addysg bellach; therapyddion lleferydd ac iaith, therapyddion galwedigaethol, nyrsys, bydwragedd ac aelodau o'r lluoedd arfog a gwasanaeth yr heddlu.
MA Arweinyddiaeth a Rheolaeth (Addysg)
Mae MA Arweinyddiaeth a Rheolaeth (Addysg) ar gyfer y rhai sydd, neu'n dyheu am fod, yn arweinwyr neu'n rheolwyr mewn lleoliad addysgol. Byddwch yn ennill dealltwriaeth ddyfnach ac ehangach o'r datblygiadau diweddaraf yn y sector, yn ymgysylltu'n feirniadol â syniadau ac ymchwil theori addysgol a rheolaeth ac yn cymhwyso'ch dysgu i'ch ymarfer eich hun.
MA SEN / ALN (Anghenion Dysgu Ychwanegol)
Mae'r cwrs MA SEN / ALN (Anghenion Dysgu Ychwanegol) ar gyfer y rhai sy'n gweithio gyda phlant neu bobl ifanc y mae anawsterau dysgu neu ymddygiad yn effeithio ar eu datblygiad. Mae ein cwrs yn cynnig ffocws manwl ar safbwyntiau cyfoes o AAA / ADY, anableddau dysgu ac ymarfer cynhwysol ynghyd â'r cyfle i ehangu dealltwriaeth ddamcaniaethol myfyrwyr trwy ymchwil a gwerthuso o fewn eu priod rolau proffesiynol.
Mae'r cwrs MA SEN / ALN (Awtistiaeth) yn unigryw yng Nghymru. Dyma'r unig astudiaeth awtistiaeth yn y rhanbarth sy'n seiliedig ar ymarfer ac mae'n denu ystod eang o fyfyrwyr o dde Cymru a gorllewin Lloegr, yn ogystal â myfyrwyr rhyngwladol. Mae cynnwys modiwlaidd wedi'i gynllunio i roi'r cyfle i deilwra'ch gradd ôl-raddedig i ddiwallu'ch anghenion proffesiynol neu bersonol unigol.
MA Gweithio i Blant a Phobl Ifanc (Cymhwyso Cychwynnol Gwaith Ieuenctid)
Mae'r cwrs wedi'i gynllunio i adlewyrchu'r newid yn y sector cymdeithasol ac addysg statudol a gwirfoddol sy'n cynnwys gweithwyr proffesiynol sy'n gweithio ym maes Gwaith Ieuenctid, datblygu cymunedol, iechyd, addysg, gofal cymdeithasol a chyfiawnder ieuenctid. Bydd myfyrwyr hefyd yn datblygu sgiliau arwain, ynghyd â gwell dealltwriaeth o gyd-destun polisi ac ymarfer y maes penodol hwn o waith proffesiynol, trwy ddysgu academaidd a lleoliadau ymarferol.