Gweithiwr Ieuenctid (Gweithiwr Arweiniol)

Gweithiwr Ieuenctid (Gweithiwr Arweiniol)
Disgrifiad swydd
Rydyn ni'n recriwtio Gweithiwr Ieuenctid (Gweithiwr Arweiniol) yng Nghyngor Bwrdeistref Sirol Caerffili.
Oriau gwaith: 37 Oriau
Math o gontract: Parhaol/ Amser Llawn/ Yn Ystod y Tymor yn Unig (39 wythnos)
Lleoliad: Canolfan Addysg Rhymni

Rydyn ni'n talu cyflog deniadol o £25,742 - £28,211 ac yn cynnig mynediad at gyfleoedd hyfforddi a datblygu.

Mae gan Gyngor Bwrdeistref Sirol Caerffili gyfle gwych ar gyfer Gweithiwr Ieuenctid Arweiniol fel rhan o'n Prosiect Innovate. Mae’r prosiect yn ddarpariaeth EOTAS (Addysg Heblaw yn yr Ysgol) sy’n canolbwyntio ar iechyd emosiynol, lles a datblygiad personol lle rydyn ni'n darparu cymorth dwys i bobl ifanc sy'n agored i niwed ag ymddygiad heriol a all fod wedi ymddieithrio, neu mewn perygl o ymddieithrio o Addysg.

Bydd deiliad y swydd yn cysylltu â phobl ifanc i ddiwallu eu hanghenion penodol am ba bynnag reswm na allan nhw fynychu ysgol brif ffrwd er mwyn ailgysylltu neu gynnal eu hymgysylltiad a chynhwysiant mewn Addysg.

Cynorthwyo'r person ifanc i osod a chyflawni targedau realistig, gyda’r nod o sicrhau ei fod yn
ail-gysylltu ag addysg, hyfforddiant neu gyflogaeth barhaus.

Ar gyfer y rôl, rydyn ni'n gofyn i chi fod â'r canlynol:

• Cymhwyster Lefel 3 perthnasol ar Fframwaith Credydau a Chymwysterau Cymru. Er enghraifft, Gwaith Ieuenctid a Chymunedol, Datblygu Cymunedol, Cyfiawnder Troseddol, Y Blynyddoedd Cynnar, Addysg, Addysgu, Gwaith Cymdeithasol
• Parodrwydd i gyflawni cymhwyster Lefel 3 ar Fframwaith Credydau a Chymwysterau Cymru mewn Gwaith Ieuenctid a Chymunedol a chofrestriad CGA o fewn amserlen i'w chytuno gyda'ch rheolwr llinell ar ôl penodi
• Trwydded yrru lawn Categori B (Ceir) y DU a defnydd o gerbyd modur wedi'i yswirio at ddibenion busnes/gwaith i deithio ledled y Fwrdeistref Sirol i ymweld â phobl ifanc a'u cludo nhw'n rheolaidd yn ystod yr wythnos

Mae gennym ni fuddion rhagorol gan gynnwys Cynllun Pensiwn Llywodraeth Leol a chynlluniau disgownt i staff.

I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau

I gael rhagor o wybodaeth neu sgwrs anffurfiol am y rôl, gweler ein Disgrifiad Swydd a Manyleb y Person sydd ynghlwm yma neu gysylltwch â Beverley Horrell ar 07977 901591 neu e-bostio horreb@caerffili.gov.uk neu Gareth Jones ar 07720 762624 neu e-bostio jones14@caerffili.gov.uk

Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.

Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk

am ragor o wybodaeth

Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.

Mae Deddf Addysg (Cymru) 2014 a Rheoliadau Cyngor Gweithlu Addysg, (Prif Swyddogaethau) (Cymru) 2015 fel y’u diwygiwyd yn nodi'r gofyniad i weithwyr ieuenctid cymwys a gweithwyr cymorth ieuenctid cymwys gael eu cofrestru yn y categori neu'r categorïau cofrestru ar gyfer y gwaith y maent yn ei wneud.

Bydd eich cyflogaeth yn dibynnu ar dystiolaeth ddigonol o’ch cofrestriad a’ch cofrestriad parhaol, fel Gweithiwr Ieuenctid Cymwys neu Gynorthwyydd Gweithiwr Ieuenctid cymwys.

Gellir dod o hyd i wybodaeth am sut i gofrestru â Chyngor y Gweithlu Addysg ar y wefan hon https://www.ewc.wales/site/index.php/cy/ neu drwy ffonio 02920 460099. Eich cyfrifoldeb ydi sicrhau eich bod yn cofrestru ac yn parhau i gofrestru yn unol â thermau a thelerau eich cyflogaeth.