Gweithiwr Arweiniol (ar gyfer Pobl Ifanc)

Gweithiwr Arweiniol (ar gyfer Pobl Ifanc)
Disgrifiad swydd
Rydyn ni'n recriwtio Gweithwyr Arweiniol (ar gyfer Pobl Ifanc) yng Nghyngor Bwrdeistref Sirol Caerffili.

Oriau gwaith: 37 a 25 Oriau
Math o gontractCyfnod penodol tan fis Mawrth 2025, 1 Llawn Amser ac 1 rhan amser

Lleoliad: Canolfan Ieuenctid Parc Virginia, Caerffili

Mae hwn yn gyfle cyffrous i ymuno â Thîm Caerffili a darparu cymorth ar draws y Gwasanaeth Ieuenctid ehangach.

Rydyn ni'n talu cyflog deniadol o £19,776 - £32,076 ac yn cynnig mynediad at gyfleoedd hyfforddi a datblygu.

Bydd yr ymgeisydd llwyddiannus yn ymgysylltu â phobl ifanc mewn amrywiaeth o leoliadau, gan gynorthwyo'r tîm gwaith ieuenctid i nodi ac olrhain pobl ifanc sydd mewn perygl o ymddieithrio. Drwy weithio fel rhan o dîm, byddwch chi'n darparu cymorth gweithiwr arweiniol i bobl ifanc wedi'u nodi eu bod nhw'n wynebu amrywiaeth o amgylchiadau anodd, gan gynnwys y rhai a allai fod mewn perygl o fod yn ddigartref, i ailgysylltu neu gynnal eu hymgysylltiad ag addysg, cyflogaeth neu hyfforddiant.

Bydd y swydd yn cynnwys gweithio oriau anghymdeithasol gan gynnwys penwythnosau.

Ar gyfer y rôl, rydyn ni'n gofyn i chi fod â'r canlynol:

• Cymhwyster Lefel 3 perthnasol ar Fframwaith Credydau a Chymwysterau Cymru. Er enghraifft, Gwaith Ieuenctid a Chymunedol, Datblygu Cymunedol, Cyfiawnder Troseddol, Y Blynyddoedd Cynnar, Addysg, Addysgu, Gwaith Cymdeithasol.
  
• Dealltwriaeth o'r ffactorau cyfrannol sy'n arwain at ymddieithrio ymhlith pobl ifanc
• Sgiliau cyfathrebu rhagorol gyda'r gallu i ymgysylltu â'r bobl ifanc anoddaf eu cyrraedd

Mae gennym ni fuddion rhagorol gan gynnwys Cynllun Pensiwn Llywodraeth Leol, patrymau gweithio ystwyth a chynlluniau disgownt i staff.

I weld y Disgrifiad Swydd a Manyleb y Person, dewiswch yr atodiad perthnasol o’r rhestr atodiadau

Ar ôl darllen y Swydd Ddisgrifiad a Manyleb Person, os hoffech gael trafodaeth anffurfiol am y rôl cysylltwch â Nikki Taylor ar 07771886874 neu ebost: taylon@caerphilly.gov.uk

Gellir cyflwyno ceisiadau yn Gymraeg. Ni fydd unrhyw gais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Mae'n ofyniad cyfreithiol arnom i ofyn i chi ddarparu tystiolaeth o'ch hawl i weithio yn y DU. Gofynnir i ymgeiswyr llwyddiannus ddarparu dogfennau priodol megis tystysgrif geni, pasbort neu drwydded waith yn unol â Deddf Mewnfudo, Lloches a Chenedligrwydd 2006.

Mae'r swydd hon yn cael ei heithrio o Ddeddf Ailsefydlu Troseddwyr (1974) a bydd proses sgrinio gynhwysfawr yn cael ei gynnal ar bob ymgeisydd llwyddiannus. Bydd hyn yn cynnwys gwiriad manylach gyda'r Gwasanaeth Datgelu a Gwahardd.

Swyddi Gweithwyr Ieuenctid sydd angen cofrestru gyda Chyngor y Gweithlu Addysg:

Mae Deddf Addysg (Cymru) 2014 a Rheoliadau Cyngor Gweithlu Addysg, (Prif Swyddogaethau) (Cymru) 2015 fel y’u diwygiwyd yn nodi'r gofyniad i weithwyr ieuenctid cymwys a gweithwyr cymorth ieuenctid cymwys gael eu cofrestru yn y categori neu'r categorïau cofrestru ar gyfer y gwaith y maent yn ei wneud.

Bydd eich cyflogaeth yn dibynnu ar dystiolaeth ddigonol o’ch cofrestriad a’ch cofrestriad parhaol, fel Gweithiwr Ieuenctid Cymwys neu Gynorthwyydd Gweithiwr Ieuenctid cymwys.

Gellir dod o hyd i wybodaeth am sut i gofrestru â Chyngor y Gweithlu Addysg ar y wefan hon https://www.ewc.wales/site/index.php/cy/ neu drwy ffonio 02920 460099. Eich cyfrifoldeb ydi sicrhau eich bod yn cofrestru ac yn parhau i gofrestru yn unol â thermau a thelerau eich cyflogaeth.

Os ydych yn cael unrhyw anhawster i wneud cais ar-lein, cysylltwch â webrecruitment@caerphilly.gov.uk

am ragor o wybodaeth