BETH YW RHEOLWR ANSAWDD?

Rydym yn defnyddio ein hangerdd a’n brwdfrydedd dros addysgu a dysgu i ysgogi gwelliant ansawdd ar draws pob maes y cwricwlwm. Rydym yn sicrhau bod gweithdrefnau sicrhau ansawdd trylwyr yn cael eu gweithredu a’u monitro. Rydym yn darparu arweinyddiaeth a gweledigaeth strategol ynghylch pob agwedd ar y cwricwlwm ac ansawdd, ac rydym yn sicrhau cydymffurfedd â sefydliadau dyfarnu a gwelliant ansawdd.

Rydym yn rheoli’r cylch ansawdd yn unol â blaenoriaethau sefydliadol, gofynion Llywodraeth Cymru, a meysydd arolygu Estyn. Rydym yn sicrhau bod gwella ansawdd yn gyfannol ar draws pob agwedd ar daith y dysgwr a gweithgarwch uwch reolwyr, er mwyn ysgogi perfformiad staff a chyfoethogi taith y dysgwr. Rydym yn cefnogi gwelliant ansawdd wrth fonitro a datblygu Cynlluniau Datblygu Ansawdd adrannol, a thrwy adroddiadau hunanarfarnu’r sefydliad.

Mae ein ffocws cryf ar sicrhau a gwella ansawdd yn sefydlu profiad rhagorol i’n dysgwyr ac yn eu cefnogi i gyflawni eu potensial llawn. Rydym yn ymdrechu i sicrhau gwelliant parhaus, ac yn gweithio i gryfhau a datblygu safonau academaidd. Rydym yn ysgogi datblygiad proffesiynol parhaus ac yn cefnogi twf unigolion er mwyn sicrhau perfformiad uchel parhaus.

Rydym yn cadw mewn cysylltiad agos â chyrff dyfarnu, ac yn cydlynu’r gwaith o fonitro sicrwydd ansawdd. Rydym yn lledaenu gwybodaeth berthnasol i gydweithwyr er mwyn sicrhau cydymffurfedd barhaus â systemau a gweithdrefnau’r cyrff dyfarnu.

Rydym yn arwain ar sicrhau bod ‘llais y dysgwr’ yn rhan annatod o bopeth a wnawn, a bod dysgwyr yn cymryd rhan mewn llunio addysgu a dysgu. Rydym yn angerddol dros sicrhau bod pob dysgwr yn cael profiad o’r radd flaenaf, ac mae gweld effaith ein gwaith ar ddysgwyr a chanlyniadau yn rhan werthfawr dros ben o’r swydd.