Rwy’n hyrwyddo pwysigrwydd y Gymraeg a diwylliant Cymru wrth gefnogi dysgwyr.

Rwy’n deall diben Mesur y Gymraeg (Cymru) 2011 – sy’n datgan bod gan y Gymraeg statws swyddogol yng Nghymru, ac rwy’n gwneud darpariaethau i hyrwyddo a hwyluso’r defnydd ar y Gymraeg.

Rwy’n deall diben Safonau’r Gymraeg – creu hawliau i bobl ddefnyddio’r Gymraeg, hybu ei defnydd, a sicrhau nad yw’r iaith yn cael ei thrin yn llai ffafriol na’r Saesneg o fewn fy sefydliad.

Rwy’n cynghori dysgwyr am eu hawliau, sydd wedi’u cynnwys yn Safonau’r Gymraeg, i gael at wasanaethau trwy gyfrwng y Gymraeg, gan eu hannog i ddefnyddio gwasanaethau cyfrwng Cymraeg a dwyieithog.

Rwy’n ceisio cyfleoedd yn weithgar i ddathlu diwylliant Cymru a’i lle yn y byd, ac i gefnogi datblygiad dysgu cyd-destunol yn gysylltiedig â’r maes hwn.

Rwy’n hyrwyddo’r Gymraeg a diwylliant Cymru yn weithgar.

Rwy’n cynghori dysgwyr am eu hawliau, yn Safonau’r Gymraeg, i gael at wasanaethau trwy gyfrwng y Gymraeg, gan eu hannog i ddefnyddio gwasanaethau cyfrwng Cymraeg.

Rwy’n llysgennad ar gyfer pob agwedd ar y Gymraeg ac rwy’ wedi llunio cysylltiadau ag unigolion a sefydliadau ar draws Cymru a thu hwnt i ddatblygu fy ngwybodaeth a meithrin dealltwriaeth ar y cyd.

Rwy’ wedi gwreiddio dwyieithrwydd yn fy ymarfer.

Rwy’n cynghori dysgwyr am eu hawliau, yn Safonau’r Gymraeg, i gael at wasanaethau trwy gyfrwng y Gymraeg, gan eu hannog i ddefnyddio gwasanaethau cyfrwng Cymraeg.

Rwy’n ymrwymo i ddatblygu fy sgiliau Cymraeg fy hun a sgiliau Cymraeg fy nysgwyr

Rwy’n ymrwymo i ddatblygu fy sgiliau Cymraeg fy hun yn barhaus ac rwy’n mynd ar drywydd cyfleoedd i ddefnyddio ac ymestyn fy nealltwriaeth a’m sgiliau yn weithgar.

Rwy’n cefnogi darparu cyfleoedd i ddysgwyr ddatblygu’u sgiliau Cymraeg ymhellach.

Rwy’n hyrwyddo buddion y Gymraeg, fel sgil cyflogadwyedd, i ddysgwyr, cydweithwyr a chyflogwyr.

Rwy’n eiriolydd hyderus ar gyfer ac ar ran y Gymraeg ac yn defnyddio fy sgiliau a’m gwybodaeth i danio brwdfrydedd dysgwyr a chydweithwyr i ddatblygu’u sgiliau Cymraeg.

Rwy’n cefnogi dwyieithrwydd i sicrhau bod pob dysgwr yn cael eu hannog i ddatblygu’u sgiliau Cymraeg a’u bod yn cael cyfleoedd i wneud, beth bynnag yw eu man cychwyn.

Rwy’n hyrwyddo buddion y Gymraeg, fel sgil cyflogadwyedd, i ddysgwyr, cydweithwyr, cyflogwyr a rhanddeiliaid ehangach (gan gynnwys, lle bo’n briodol, rheini/gofalwyr a chyflogwyr).

Rwy’n cymryd rhan mewn cyfleoedd datblygu proffesiynol i sicrhau bod gennyf ddealltwriaeth dda o gydraddoldeb, amrywiaeth a chynhwysiant.

Rwy’n arddangos fy ngwybodaeth trwy ymarfer cynhwysol – gan drin pawb yn gyfartal ac yn deg, ni waeth  am unrhyw nodweddion gwarchodedig sydd ganddynt a deall yr effaith y gall nodweddion gwarchodedig unigolion ei chael ar eu profiad.

Mae gennyf ddealltwriaeth o Anghenion Dysgu Ychwanegol (ADY) ac effaith y rhain ar addysgu, dysgu a deilliannau asesu.

Rwy’ wedi cwblhau hyfforddiant gofynnol fy sefydliad yn gysylltiedig â chydraddoldeb, amrywiaeth a chynhwysiant.

Rwy’n cofleidio amrywiaeth a chyfle cyfartal o fewn fy ymarfer. Hefyd, rwy’n helpu dysgwyr i ddatblygu eu dealltwriaeth eu hunain o’r materion hyn ac o fuddion cymdeithasau amrywiol a chynhwysol.

Mae gennyf wybodaeth gadarn am amrywiaeth eang o Anghenion Dysgu Ychwanegol (ADY) ac anableddau a all effeithio ar gyflawniad. Rwy’n defnyddio amrywiaeth o ddulliau i oresgyn yr heriau hyn.

Rwy’n cefnogi ac yn annog dysgwyr i ddatblygu dealltwriaeth ddyfnach o syniadau am gydraddoldeb, amrywiaeth a chynhwysiant ac rwy’n cofleidio cyfleoedd i ymhél â’r materion hyn. 

Rwy’n myfyrio’n feirniadol ar oblygiadau materion yn ymwneud â chydraddoldeb, amrywiaeth a chynhwysiant yn fy ymarfer i, ac yn cefnogi ac yn annog cydweithwyr i wneud yr un peth.

Rwy’n defnyddio fy ngwybodaeth a’m profiad i wella fy ymarfer yn barhaus ac rwy’n eiriol dros wreiddio cydraddoldeb, amrywiaeth a chynhwysiant yn fy sefydliad.

Rwy’n defnyddio fy ngwybodaeth am Anghenion Dysgu Ychwanegol (ADY) a hygyrchedd, a’m dealltwriaeth ohonynt, i ddatblygu ymagweddau hyblyg, cynhwysol sy’n bodloni anghenion penodol dysgwyr unigol. 

Rwy’n herio gwahaniaethu ac ymddygiad annerbyniol lle bynnag y byddaf yn dod ar eu traws (neu’n cael gwybod amdanynt), gan helpu i greu amgylchedd lle mae dysgwyr a chydweithwyr hefyd yn teimlo’n ddiogel i wneud hynny.

Rwy’n deall polisïau fy sefydliad ynghylch gwahaniaethu a gwrth-hiliaeth ac rwy’n gwybod ble i droi os bydd angen cymorth ychwanegol arna’ i wrth ddelio â materion anodd neu sensitif.

Rwy’n herio gwahaniaethu ac ymddygiad annerbyniol lle bynnag y byddaf yn dod ar eu traws (neu’n cael gwybod amdanynt) gan helpu i greu amgylchedd lle mae dysgwyr a chydweithwyr hefyd yn teimlo’n ddiogel i wneud hynny.

Rwy’n parhau i ddatblygu fy nealltwriaeth o bob agwedd ar wahaniaethu, a’i effeithiau ar gydweithwyr a dysgwyr.

Rwy’n eiriol dros ymarfer gwrth-hiliaeth ac yn ymdrechu i greu amgylchedd cynhwysol i bob myfyriwr.  

Rwy’n herio gwahaniaethu ac ymddygiad annerbyniol lle bynnag y byddaf yn dod ar eu traws (neu’n cael gwybod amdanynt) gan helpu i greu amgylchedd lle mae dysgwyr a chydweithwyr hefyd yn teimlo’n ddiogel i wneud hynny.

Rwy’n datblygu fy nealltwriaeth o wahaniaethu trwy edrych o fewn a’r tu allan i fy sefydliad am enghreifftiau o arfer ograu, gan drafod syniadau newydd ac arfer gorau gyda chydweithwyr.

Rwy’n hyrwyddo ymarfer gwrth-hiliol ac rwy’n ymrwymo i feithrin amgylchedd cynhwysol i bob myfyriwr.

Rwy’n gwrando ar safbwyntiau dysgwyr, cydweithwyr a rhanddeiliaid (gan gynnwys, lle y bo’n berthnasol, safbwyntiau rhieni/gofalwyr a chyflogwyr dysgwyr) ac yn ymateb yn gadarnhaol iddynt, ac yn sicrhau bod gan bob unigolyn gyfle cyfartal i gael eu clywed.

Rwy’n ceisio safbwyntiau dysgwyr, cydweithwyr a rhanddeiliaid (gan gynnwys, lle bo’n berthnasol, safbwyntiau rhieni/gofalwyr a chyflogwyr dysgwyr) yn weithgar, ac yn gweithredu arnynt i ddatblygu fy ymarfer a bodloni anghenion dysgwyr amrywiol.

Rwy’n ymwneud yn rheolaidd â dysgwyr, cydweithwyr a rhanddeiliaid (gan gynnwys, lle bo’n berthnasol, rhieni/gofalwyr a chyflogwyr dysgwyr) a’r gymuned ehangach, gan fyfyrio ar eu barn a’u safbwyntiau, i gynnig cipolwg i fy ymarfer ac i’m helpu i wella’n barhaus fel gweithiwr proffesiynol. 

Rwy’n cydnabod fy nghyfrifoldeb personol fel model o ymddygiad a ffigur cyhoeddus, i gynnal ffydd a hyder y cyhoedd yn y proffesiwn addysg.

Rwy’n ymddwyn yn gyfrifol bob amser ac yn gweithio gydag uniondeb a gonestrwydd, yn unol â Chod Ymddygiad ac Ymarfer Proffesiynol CGA.

 Rwy’n adolygu fy agweddau a’m credoau proffesiynol a phersonol fy hun i sicrhau fy mod i’n dangos ymddygiadau priodol sy’n adlewyrchu fy nghyfrifoldeb fel model o ymddygiad a ffigur cyhoeddus.

Rwy’n arwain trwy esiampl trwy fodelu ymddygiadau teg, cwrtais a pharchus tuag at gydweithwyr a dysgwyr bob amser.

Rwy’n cynnal gwybodaeth am faes penodol fy nghyfrifoldeb (gan gynnwys trwy gofleidio cyfleoedd dysgu proffesiynol sy’n cael eu darparu gan fy nghyflogwr), fel y gallaf gefnogi dysgwyr yn effeithiol.

Rwy’n cadw i fyny â datblygiadau allweddol sy’n berthnasol i fy rôl trwy fy Natblygiad Proffesiynol Parhaus (DPP), gan fesur ac integreiddio fy nysgu yn fy arferion dyddiol yn weithgar.

Rwy’n cadw i fyny â’r meddwl diweddaraf ym maes penodol fy nghyfrifoldeb fel y gallaf gefnogi dysgwyr yn effeithiol. Rwy’n defnyddio’r wybodaeth hon i sicrhau bod adnoddau a deunyddiau dysgu yn gyfredol.

Rwy’n deall anghenion dysgwyr ar sail gwybodaeth a rannwyd o amrywiaeth o ffynonellau. Rwy’n gallu adolygu ac addasu’r cymorth rwy’n ei roi ar sail anghenion esblygol dysgwyr.

Rwy’n ymgysylltu’n barhaus â datblygiadau ym maes penodol fy nghyfrifoldeb, er mwyn meithrin fy ngwybodaeth ac arbenigedd.

Rwy’n meithrin dealltwriaeth ehangach o ddatblygiadau y tu hwnt i faes penodol fy nghyfrifoldeb, lle gallai’r rhain wella’r cymorth rwy’n ei roi.

Rwy’n parhau i ddatblygu fy sgiliau i sicrhau fy mod i’n gallu cyflwyno’r cymorth mwyaf priodol gyda chyd-destunoli priodol.

Rwy’n gwerthuso anghenion y bobl rwy’n eu cefnogi er mwyn datblygu mewn ffordd wedi’i bersonoli.

Rwy’n cwblhau uwchsgilio/ hyfforddiant rheolaidd er mwyn sicrhau fy mod i’n gallu datblygu amrywiaeth o ddulliau wedi’u gwahaniaethu i gefnogi dysgwyr wrth iddynt wneud cynnydd.

Rwy’n defnyddio ymarfer cynhwysol wrth weithio gyda’r bobl rwy’n eu cefnogi i sicrhau bod eu hanghenion yn cael eu bodloni.

Rwy’n gweithio’n hyblyg, gan ddefnyddio amrywiaeth o adnoddau a dulliau, i fodloni anghenion gwahanol (ac, weithiau, gymhleth) dysgwyr unigol.  

Rwy’n meithrin amgylchedd dysgu cadarnhaol, gan gyfleu brwdfrydedd tuag at ddysgu ac annog agweddau cadarnhaol ymhlith dysgwyr tuag at eu hastudiaethau.

Rwy’n cynorthwyo dysgwyr i nodi eu hanghenion a’u nodau ac yn eu cynorthwyo ag ymgymryd â gwaith sy’n eu hysbrydoli a’u hymestyn nhw, yn unol â’u cynllun dysgu.

Rwy’n cofleidio amrywiaeth o ddulliau i gefnogi, herio ac ysbrydoli dysgwyr.

Rwy’n nodi meysydd lle mae angen cymorth ar ddysgwyr yn rhagweithiol ac yn gweithio gydag unigolion, gan eu helpu i osod nodau uchelgeisiol.

Rwy’n ymdrechu i nodi a defnyddio amrywiaeth eang o ddulliau cymorth ac rwy’n myfyrio ar eu heffeithiolrwydd yn barhaus. Hefyd, rwy’n rhannu a lledaenu arfer gorau i gydweithwyr.

Rwy’n gosod disgwyliadau cyson uchel, gan herio ac ysbrydoli dysgwyr a rhoi cymorth iddynt sydd wedi’i deilwra i’w hanghenion unigol. Hefyd, rwy’n arddangos yr ymarfer hwn i gydweithwyr.

Rwy’n hwyluso cyfleoedd cydweithredol i sicrhau bod dysgwyr yn cael eu cefnogi’n gyfartal ym mhob agwedd ar eu dysgu.

Rwy’n cydweithio â chydweithwyr, dysgwyr a rhanddeiliaid eraill (gan gynnwys, lle bo’n briodol, rhieni, gofalwyr a chyflogwyr) i sicrhau bod dysgwyr yn cael eu cefnogi’n llawn. Rwy’n adolygu fy mherfformiad fy hun ac effaith fy nghefnogaeth ar ddeilliannau dysgwyr.

Rwy’n cydweithio ag ystod gynyddol o gydweithwyr a rhanddeiliaid (gan gynnwys, lle bo’n briodol, rhieni, gofalwyr a chyflogwyr) i sicrhau bod dysgwyr yn cael eu cefnogi’n llawn, er mwyn gyrru dilyniant dysgwyr a lleihau rhwystrau rhag dysgu.

Rwy’n defnyddio fy ngwybodaeth am gefnogaeth o fewn fy sefydliad i ddatblygu cymunedau o ymarfer a rhwydweithiau proffesiynol, i rannu arfer da.

Rwy’n cymryd rhan mewn rhwydweithiau dysgu proffesiynol y tu mewn a’r tu allan i’m sefydliad i gadw i fyny â datblygiadau newydd, i sicrhau bod dysgwyr yn cael cefnogaeth lawn.

Rwy’n cefnogi cynnydd dysgwyr trwy weithio gyda chydweithwyr i gynorthwyo â chyflwyno rhaglenni. Lle bo’n briodol, gall hyn gynnwys cynorthwyo â pharatoi, cyflwyno a/neu asesu rhaglenni.

Rwy’n defnyddio amrywiaeth o strategaethau i gynnig cymorth i ddysgwyr, gan helpu i sicrhau eu bod yn cymryd rhan yn weithgar fel unigolion ac wrth weithio fel aelodau o grwpiau cydweithredol.

Rwy’n myfyrio ar fy mhrofiadau i nodi meysydd ymarfer sydd wedi cael effaith gadarnhaol ar gynnydd dysgwyr.

Hefyd, rwy’n rhannu gwybodaeth ddefnyddiol gyda chydweithwyr ac yn gweithio gyda nhw i roi cymorth effeithiol i ddysgwyr.

Rwy’n gwneud arsylwadau perthnasol am gynnydd dysgwyr ac yn rhannu’r rhain gyda chydweithwyr.

Rwy’n deall sut mae fy rôl yn cyfrannu at ddilyniant dysgwyr trwy hwyluso mynediad i amgylcheddau addysgu effeithiol a chynhwysol.

Rwy’n chwarae rôl bwysig wrth hwyluso mynediad dysgwyr i addysgu a dysgu effeithiol, gan gynnwys (lle bo’n berthnasol) darparu cymorth a chyngor teilwredig yn gysylltiedig ag asesu, i helpu eu cynnydd.

Rwy’n gallu nodi a chyflwyno amrywiaeth o strategaethau i hwyluso dysgu, addysgu ac asesu effeithiol, gan helpu i sicrhau bod profiad addysgol pob dysgwr yn cael ei gyfoethogi a’i fwyhau i’r eithaf.

Rwy’n manteisio ar amgylcheddau dysgu allanol i archwilio’r cyfleoedd maen nhw’n eu cynnig.

Rwy’n darllen, yn ystyried ac yn gweithredu ar ddatblygiadau/ymchwil sy’n berthnasol i faes fy ymarfer.

Rwy’n defnyddio ymchwil o amrywiaeth o ffynonellau i ymestyn fy nealltwriaeth o faes fy ymarfer, ac i wella profiadau dysgwyr, gan werthuso defnydd ymarferol o’r ymchwil i sicrhau effeithiolrwydd.

Rwy’n ymhél yn weithgar ag ymchwil, o amrywiaeth o ffynonellau, ac yn nodi sut gallaf i gymhwyso fy nysgu i wella fy ymarfer.

Rwy’n annog ac yn cefnogi cydweithwyr i ymhél ag ymchwil.

Rwy’n gwerthuso effaith ymchwil rwy’ wedi’i chymhwyso yn fy ymarfer ac rwy’n ceisio mireinio a gwella fy nulliau yn barhaus, gan sicrhau bod cipolygon seiliedig ar dystiolaeth yn llywio ac yn optimeiddio fy mhenderfyniadau proffesiynol.

Rwy’n manteisio ar gyfleoedd i rannu profiadau ac ymchwil gyda chydweithwyr.

Rwy’n manteisio ar gyfleoedd i rannu profiadau ac ymchwil gyda chydweithwyr.

Rwy’n ceisio cyfleoedd yn weithgar i rannu a lledaenu canfyddiadau o fy ymarfer gydag eraill, gan gydweithredu ar draws fy sefydliad a helpu eraill trwy rannu fy nghanfyddiadau.

Rwy’n cymryd rhan weithgar mewn rhwydweithiau dysgu proffesiynol i rannu arfer gorau a chanfyddiadau ymchwil gyda chydweithwyr.

Rwy’n llunio perthnasoedd effeithiol ac yn cyfathrebu’n briodol â dysgwyr, cydweithwyr a rhanddeiliaid eraill, gan gynnwys (lle bo’n briodol) rhieni/gofalwyr a chyflogwyr dysgwyr.

Rwy’n cydweithredu â dysgwyr, cydweithwyr ac eraill, gan ddatblygu perthnasoedd rhyngbersonol rhagorol.

Rwy’n parchu, yn cefnogi ac yn cydweithredu â chydweithwyr, a grwpiau mewnol ac allanol perthnasol i gyflawni’r deilliannau dysgu gorau.

Rwy’n ceisio cyfleoedd yn weithgar i weithio gyda chydweithwyr i adolygu effaith cymorth ar ddeilliannau dysgwyr a sut gall hynny gael ei wella.

Rwy’n rhannu fy mhrofiadau a’m gwybodaeth i’m helpu i ac ymarferwyr eraill i ddatblygu a chynnal arfer gorau.

Rwy’n chwarae rhan weithgar mewn rhwydweithiau dysgu proffesiynol.

Rwy’n ymhél yn frwd â chyfleoedd i ymestyn fy ngwybodaeth trwy brofiadau cydweithredol.

Rwy’n cymryd rhan mewn amrywiaeth o rwydweithiau dysgu proffesiynol ac yn cofleidio cyfleoedd i rannu fy ngwybodaeth a’m profiad (yn fewnol ac yn allanol) i ddylanwadu’n gadarnhaol ar ymarfer pobl eraill.

Rwy’n annog unigolion i nodi nodau a thargedau realistig ar gyfer eu dysgu. Hefyd, rwy’n annog dysgwyr i adolygu eu cynnydd eu hunain.

Rwy’n cynorthwyo dysgwyr i nodi nodau a thargedau heriol ac yn eu cynorthwyo i werthuso’u cynnydd yn erbyn y rhain.

Rwy’n rhannu fy ngwybodaeth a’m syniadau am gynorthwyo dysgwyr i gymryd cyfrifoldeb am eu dysgu eu hunain, a gwerthuso’u cynnydd eu hunain yn erbyn nodau a thargedau uchelgeisiol.

Rwy’n cyfathrebu’n weithgar â dysgwyr, cydweithwyr a rhanddeiliaid (gan gynnwys cyflogwyr, rhieni/gofalwyr), gan rannu gwybodaeth berthnasol yn agored ac annog pobl eraill i wneud yr un peth (yn unol â pholisïau a gweithdrefnau sefydliadol a deddfwriaeth berthnasol).

Rwy’n cyfathrebu’n effeithiol â dysgwyr, cydweithwyr ac amrywiaeth eang o randdeiliaid (gan gynnwys cyflogwyr, rhieni/gofalwyr) i gyflawni’r deilliannau gorau i ddysgwyr.

Rwy’n dangos ac yn modelu cyfathrebu effeithiol â dysgwyr a chydweithwyr ar draws fy sefydliad a gyda rhanddeiliaid ar draws y gymuned ehangach.

Rwy’n datblygu perthnasoedd cydweithredol â rhanddeiliaid allweddol (gan gynnwys cyflogwyr, rhieni/gofalwyr) i ddylanwadu ar gynnydd dysgwyr a’i lywio, i gyflawni’r deilliannau dysgu gorau.

Rwy’n dangos dealltwriaeth o bwysigrwydd cynaliadwyedd yn fy ymarfer i ddysgwyr a chydweithwyr.

Rwy’n cofleidio cyfleoedd i amlygu materion cynaliadwyedd, helpu gwreiddio’r maes hwn mewn rhaglenni dysgu a rhannu gwybodaeth a chipolygon yn weithgar gyda dysgwyr a chydweithwyr.

Rwy’n hyrwyddo ymagwedd sefydliad cyfan at gyflawni sero net ac yn cofleidio cyfleoedd i dynnu sylw dysgwyr a chydweithwyr i faterion cynaliadwyedd.

Rwy’n deall gwerth datblygu cynaliadwy ac yn cyfleu ei bwysigrwydd i ddysgwyr.

Rwy’n cynorthwyo â datblygu dulliau sy’n cynorthwyo dysgwyr i adeiladu eu gwybodaeth, eu sgiliau a’u hymddygiadau cynaliadwyedd.

Rwy’n cefnogi ac yn annog cydweithwyr a dysgwyr i ddatblygu dealltwriaeth ddyfnach o gynaliadwyedd a chofleidio cyfleoedd i ymhél â’r materion hyn a gwneud awgrymiadau am welliannau pellach.

Rwy’n myfyrio ar fy ngwybodaeth am lythrennedd, rhifedd a llythrennedd digidol, ynghyd â sgiliau proffesiynol eraill sy’n berthnasol i fy rôl, i sicrhau fy mod i’n gallu cefnogi dysgwyr yn effeithiol.

Rwy’n myfyrio’n gyson ar fy ngwybodaeth o ran llythrennedd, rhifedd a llythrennedd digidol, ynghyd â sgiliau proffesiynol eraill sy’n berthnasol i fy rôl, i sicrhau bod y sgiliau hyn wedi’u gwreiddio’n effeithiol yn fy ymarfer, i gefnogi dysgwyr.

Rwy’n modelu arfer da i gydweithwyr, gan ddangos fy mod i wedi gwreiddio gwybodaeth a sgiliau allweddol a dangos i eraill sut rwy’n myfyrio’n feirniadol ar fy ymarfer a pharhau i sicrhau bod fy sgiliau yn gyfredol, i sicrhau fy mod i’n cefnogi dysgwyr yn effeithiol.

Rwy’n cynorthwyo cydweithwyr i wreiddio’r sgiliau hyn yn eu hymarfer eu hunain ac rwy’n dangos sut i ddod o hyd i ffyrdd blaengar o gefnogi dysgwyr.

Rwy’n arfarnu fy ymarfer a’i effaith ar ddysgwyr yn feirniadol, gan gymryd adborth gan gydweithwyr a’r dysgwyr eu hunain i ystyriaeth, a defnyddio hyn i ddatblygu fy ymarfer a’m ymagwedd.

Rwy’n arfarnu fy ymarfer a’i effaith ar ddysgwyr yn feirniadol yn gyson, gan gydweithredu â chydweithwyr ac eraill, ac rwy’n defnyddio hyn i ddatblygu fy ymarfer a’m ymagwedd.

Rwy’n arddangos i gydweithwyr sut rwy’n myfyrio’n feirniadol ar adborth i arfarnu fy ymarfer a sut mae’n effeithio ar ddysgwyr yn effeithiol. Rwy’n defnyddio’r myfyrdodau hyn i lywio, addasu a datblygu fy ymarfer a’m ymagwedd ac rwy’n cefnogi pobl eraill i wneud yr un peth.