Rwy’n cadw i fyny â datblygiadau lleol a chenedlaethol i sicrhau bod gennyf ddealltwriaeth gyfredol o’r arfer diweddaraf yn fy maes. Hefyd, rwy’n nodi cyfleoedd yn weithgar i feincnodi gwaith yn y fy maes i yn erbyn arferion gorau mewn mannau eraill.

Lle bo’n berthnasol, rwy’n sefydlu ac yn cynnal cysylltiadau â chyflogwyr, cyrff rheoleiddio a sefydliadau eraill o fewn y sector, gan ennill cipolygon gwerthfawr i arloesiadau perthnasol a’m helpu i feincnodi gwaith yn fy maes yn erbyn arfer gorau mewn mannau eraill.

Rwy’n cynnal gwybodaeth gyfredol am ddatblygiadau lleol a chenedlaethol sy’n berthnasol i fy maes i yn y sefydliad ac rwy’n rhannu fy ngwybodaeth gyda chydweithwyr ar draws fy nhîm/nhimau.

Rwy’n cofleidio cyfleoedd i ymhél ag amrywiaeth o rwydweithiau, gan gynnwys gweithio gyda busnesau a chyrff cynrychioliadol, i sicrhau bod arfer o fewn fy nhîm/nhimau yn bodloni anghenion presennol y diwydiant.

Rwy’n meithrin diwylliant o welliant parhaus ar draws fy sefydliad, gan osod pwyslais cryf ar gynnal ymwybyddiaeth o ddatblygiadau ac arloesiadau allweddol a sicrhau ein bod ni’n cofleidio tueddiadau sy’n dod i’r amlwg ac arfer blaengar.

Rwy’n cymryd rhan mewn ymchwil weithredol weithgar, i wella ymarfer o fewn fy maes, gan nodi meysydd posibl i ymchwilio iddynt a chymryd rhan mewn prosiectau ymchwil, lle mae cyfleoedd perthnasol i wneud hynny.

Rwy’n cefnogi ac yn hwyluso cyfleoedd i alluogi ymchwil weithredol a gweithio i ddeall a lledaenu canlyniadau prosiectau ymchwil weithredol sy’n cael eu cyflawni o fewn fy nhîm/nhimau, a hynny’n weithredol.

Rwy’n adolygu ac yn cefnogi ymchwil cydweithwyr/darpar arweinwyr, lle bo’n briodol

Rwy’n annog ac yn galluogi ymchwil weithredol ar draws fy sefydliad yn weithredol, fel modd o wella addysgu a dysgu ac annog diwylliant o welliant parhaus. Hefyd, rwy’n defnyddio canfyddiadau ymchwil weithredol i lywio datblygiad strategaethau i fynd i'r afael ag unrhyw anghenion sydd wedi’u nodi a hyrwyddo gwelliant parhaus.

Rwy’n ceisio cyfleoedd yn weithgar i hyrwyddo cydraddoldeb, amrywiaeth a chynhwysiant, ac i annog cydweithwyr i sicrhau bod yr holl ddysgwyr a rhanddeiliaid yn cael eu trin yn gyfartal ac yn deg.

Rwy’ wedi cwblhau’r holl hyfforddiant gofynnol (e.e. ymwybyddiaeth amrywiaeth) ac rwy’n manteisio ar gyfleoedd ychwanegol i wella fy sgiliau er mwyn bod yn eiriolydd effeithiol a gwybodus dros gydraddoldeb, amrywiaeth a chynhwysiant o fewn fy sefydliad.

Rwy’n cofleidio amrywiaeth a chyfle cyfartal ac yn gweithredu polisïau’n weithgar sy’n hybu amgylchedd cynhwysol.

Rwy’n sicrhau fy mod i a phawb yn fy nhîm/nhimau wedi cwblhau’r holl hyfforddiant gofynnol (e.e. ymwybyddiaeth amrywiaeth).

Rwy’n manteisio ar gyfleoedd ychwanegol i wella fy sgiliau er mwyn bod yn eiriolydd effeithiol a gwybodus dros gydraddoldeb, amrywiaeth a chynhwysiant.

Rwy’n cofleidio cyfleoedd i rannu fy ngwybodaeth a’m profiad gyda chydweithwyr yn fy nhîm/nhimau.

Rwy’n arwain trwy enghraifft wrth hyrwyddo cydraddoldeb a chyfle cyfartal.

Rwy’n cyfrif am safbwyntiau amrywiol ac yn meithrin cyfathrebu effeithiol rhwng rhanddeiliaid. Mae hyn yn caniatáu i mi gyfrannu’n effeithiol at ddatblygiad polisïau a mentrau sy’n helpu i gyflawni diwylliant sefydliadol cynhwysol a pharchus.  

Rwy’n gweithio i greu sefydliad lle mae cydweithwyr a dysgwyr yn cael eu hannog i ddatblygu dealltwriaeth ddyfnach o gydraddoldeb, amrywiaeth a chynhwysiant ac i gofleidio cyfleoedd i ymhél â’r themâu hyn.

Rwy’n monitro ac yn gwerthuso effeithiolrwydd polisïau a mentrau’n gysylltiedig â chydraddoldeb, amrywiaeth a chynhwysiant.

Rwy’n herio gwahaniaethu ac ymddygiad annerbyniol lle bynnag y byddaf yn dod ar ei draws (neu pan rwy’n cael gwybod amdano) ac yn cefnogi creu amgylchedd lle  mae dysgwyr a chydweithwyr yn teimlo’n ddiogel i wneud hynny.

Rwy’n deall polisïau fy sefydliad ynghylch gwahaniaethu a gwrth-hiliaeth ac rwy’n helpu i roi cymorth i gydweithwyr pan fyddant yn delio â materion anodd neu sensitif.

Rwy’n herio gwahaniaethu ac ymddygiad annerbyniol lle bynnag y byddaf yn dod ar ei draws (neu pan rwy’n cael gwybod amdano). Hefyd, rwy’n gweithredu polisïau sy’n galluogi cydweithwyr i wneud hynny, gan feithrin diwylliant sefydliadol cynhwysol a pharchus sy’n rhoi pwys ar amrywiaeth ac sy’n hybu cyfle cyfartal i bawb.

Rwy’n eiriolydd dros ymarfer gwrth-hiliol ac yn ymdrechu i greu amgylchedd cynhwysol i bob myfyriwr.

Rwy’n fodel o ymddygiad yn fy sefydliad o ran cydraddoldeb, amrywiaeth a chynhwysiant, gan herio gwahaniaethu ac ymddygiad annerbyniol lle bynnag y byddaf yn dod ar ei draws (neu pan rwy’n cael gwybod amdano).

Rwy’n hyrwyddo arfer gwrth-hiliol ac yn ymrwymo i feithrin amgylchedd cynhwysol i bob myfyriwr.

Rwy’n sicrhau bod polisïau a phrosesau ar waith a’u bod yn cael eu monitro’n weithgar o ran eu heffeithiolrwydd wrth alluogi staff i herio gwahaniaethu.

Rwy’n myfyrio’n feirniadol ar oblygiadau materion yn ymwneud ag amrywiaeth, cyfle cyfartal a chynhwysiant i fy ymarfer fy hun, ac rwy’n cynorthwyo ac yn annog cydweithwyr i wneud yr un peth.

Rwy’n datblygu fy nealltwriaeth o wahaniaethu trwy edrych y tu hwnt i fy sefydliad ac rwy’n rhannu arfer gorau gyda chydweithwyr.

Rwy’n deall pwysigrwydd polisïau a strategaethau effeithiol er mwyn llywodraethu fy sefydliad yn effeithiol.

Rwy’n helpu i weithredu polisïau a strategaethau fy sefydliad ac rwy’n gweithio i sicrhau bod fy nghydweithwyr yn gwneud hynny hefyd.

Rwy’n gweithio gyda chydweithwyr ar draws fy nhîm/nhimau i sicrhau eu bod yn defnyddio amrywiaeth o strategaethau addysgu, dysgu ac asesu, gan ddefnyddio dulliau addysgegol priodol i sicrhau bod dysgwyr yn gyfranogwyr gweithgar, fel unigolion ac fel aelodau o grwpiau cydweithredol.

Rwy’n cyfrannu at ddatblygu a/neu weithredu polisïau a mentrau sy’n gyrru datblygiad addysgu a dysgu o ansawdd uchel, yn cyd-fynd â chenhadaeth ac amcanion y sefydliad. Rwy’n gweithredu er mwyn mynd i’r afael â beichiau gweinyddol a biwrocratig nad ydynt yn ychwanegu gwerth i ddysgwyr.

Rwy’n annog cydweithwyr i ymgysylltu â’r Safonau Digidol, datblygu sgiliau digidol a defnyddio platfformau addysgu a dysgu digidol i gefnogi addysgu, dysgu ac asesu blaengar.

Rwy’n gweithredu polisïau sefydliadol ynghylch defnyddio platfformau addysgu a dysgu digidol i sicrhau bod fy nhîm/nhimau yn defnyddio technoleg yn greadigol i gefnogi addysgu, dysgu ac asesu, a helpu dysgwyr i ddatblygu’u sgiliau digidol. Hefyd, rwy’n monitro ac yn gwerthuso effaith y dechnoleg hon ar ddeiliannau dysgwyr ac yn gwneud addasiadau, fel y bo angen.

Rwy’n annog cydweithwyr o fewn fy nhîm/nhimau i ymgysylltu â’r Safonau Digidol i’w helpu i ddatblygu sgiliau digidol i gefnogi addysgu, dysgu ac asesu arloesol.

Rwy’n cyfrannu at bolisïau a strategaethau sy’n annog y defnydd blaengar o ddysgu ac addysgu digidol ar draws fy sefydliad. Rwy’n cofleidio technoleg newydd i wella addysgu ac i gynorthwyo ein dysgwyr â datblygu sgiliau digidol. Hefyd, rwy’n sicrhau fy mod i’n wybodus am dechnolegau sy’n dod i’r amlwg a’u potensial i wella dysgu ac addysgu ymhellach.

Rwy’n arwain ac yn cefnogi cydweithwyr i ddefnyddio platfformau digidol yn effeithiol o fewn eu hymarfer ac i gymryd rhan mewn cyfleoedd dysgu proffesiynol perthnasol i gefnogi addysgu, dysgu ac asesu.

Rwy’n cynnal gwybodaeth am bolisïau ac ymarfer mewn diwydiant (lle y bo’n berthnasol ac yn briodol). Hefyd, rwy’n gweithio gyda chydweithwyr i sicrhau ein bod ni’n rhoi gwybodaeth gyfredol i ddysgwyr.

Rwy’n cadw i fyny â’r datblygiadau diweddaraf mewn diwydiant, mewn meysydd sy’n berthnasol i fi a fy nhîm/nhimau.

Rwy’n sicrhau bod gwybodaeth a sgiliau pobl o fewn fy nhîm/nhimau yn gyfredol a bod eu haddysgu yn cyd-fynd â pholisïau, strategaethau ac ymarfer cyfredol mewn sectorau perthnasol.

Rwy’n gweithio i sicrhau bod gennyf wybodaeth gyfredol am sectorau perthnasol ac o arfer da gan sefydliadau eraill, sy’n fy helpu i  gyfrannu at ddatblygu a gweithredu polisïau a strategaethau sy’n cyd-fynd â nodau sefydliadol a thueddiadau’r diwydiant.

Mae gennyf wybodaeth dda am y rhaglenni o fewn fy maes yn y sefydliad ac rwy’n gweithio gyda chydweithwyr i sicrhau bod eu gwybodaeth yn gyfredol. Hefyd, rwy’n ymdrechu i ddeall sut mae’r rhaglenni hyn yn cyd-fynd â’r nodau sefydliadol ehangach.

Rwy’n cynnal gwybodaeth gyfredol am y rhaglenni sy’n cael eu cyflwyno gan fy nhîm/nhimau ac rwy’n gweithio gyda chydweithwyr i helpu sicrhau eu bod yn cynnal eu gwybodaeth a’u dealltwriaeth eu hunain o’r rhaglenni rydym ni’n eu cynnig.

Rwy’n cadw i fyny â newidiadau i’r cwricwlwm, tueddiadau’r diwydiant ac anghenion rhaglen sy’n dod i’r amlwg i gefnogi fy sefydliad o ran cynllunio’r cwricwlwm, datblygu rhaglenni a  chyflwyno rhaglenni yn gynhwysfawr.

Rwy’n sicrhau fy mod i’n weithgar mewn grwpiau priodol yn fewnol ac yn allanol.

Rwy’n sicrhau fy mod i’n weithgar mewn amrywiaeth o grwpiau, lle rwy’n cynrychioli fy nhîm/nhimau/y sefydliad.

Rwy’n chwarae rhan flaenllaw mewn grwpiau penderfynu allweddol o fewn fy sefydliad, gan fanteisio ar fy ngwybodaeth a’m profiad i lywio a dylanwadu ar benderfyniadau.

Hefyd, rwy’n cynrychioli’r sefydliad yn allanol mewn cyfarfodydd, cynadleddau, gweithgorau, rhwydweithiau a fforymau, gan gyflwyno delwedd gadarnhaol a dylanwadu ar y tirlun addysg ehangach.

Rwy’n defnyddio fy sgiliau trafod i feithrin cydweithredu ac i ddatrys unrhyw broblemau neu wrthdaro a allai godi o fewn fy maes yn gyflym.

Rwy’n defnyddio fy sgiliau trafod i feithrin cydweithredu o fewn fy nhîm/nhimau a’r tu hwnt, gan wrando’n weithredol ar bob ochr y ddadl a dod o hyd i atebion sy’n bodloni anghenion pawb.

Rwy’n defnyddio fy sgiliau trafod wrth ryngweithio â rhanddeiliaid mewnol ac allanol, i ddylanwadu ar a chynnig arweinyddiaeth strategol effeithiol trwy wrando’n weithredol ar bob ochr y ddadl a dod o hyd i atebion sy’n bodloni anghenion pawb.

Rwy’n cadw i fyny â pholisi a deddfwriaeth sy’n berthnasol i fy maes academaidd.

Rwy’n ymhél â ffynonellau ymchwil credadwy, gan helpu i mi fyfyrio ar fy ymarfer ac ymarfer fy nghydweithwyr, a’i wella.

Rwy’n ymgyfarwyddo â gwahanol fethodolegau ymchwil ac rwy’n myfyrio ar sut gall y rhain gael eu cymhwyso i wneud penderfyniadau o fewn fy sefydliad.

Rwy’n ymhél yn barhaus ag amrywiaeth o ymchwil, gan werthuso’n feirniadol ei hansawdd ac ystyried sut gallai gwybodaeth a chipolygon newydd gael eu defnyddio i wella fy sefydliad a gwella deilliannau a phrofiad dysgwyr.

Rwy’n cofleidio gwneud penderfyniadau wedi’i yrru gan dystiolaeth ac yn sicrhau bod cydweithwyr yn fy nhîm/nhimau yn gwneud hynny hefyd.

Rwy’n annog cydweithwyr yn weithgar i gadw i fyny â’r datblygiadau diweddaraf yn eu meysydd.

Rwy’n cynnal trosolwg cyfredol o ddatblygiadau mewn polisi addysg a newidiadau deddfwriaethol sy’n effeithio ar fy sefydliad, gan sicrhau bod sylw unigolion perthnasol ar bob lefel yn cael ei dynnu i faterion pwysig.

Rwy’n annog cydweithwyr ar draws fy sefydliad yn weithgar i gadw i fyny â’r datblygiadau diweddaraf yn eu meysydd a cheisio datblygu diwylliant lle mae unigolion yn cymryd cyfrifoldeb am wneud hynny.

Rwy’n arwain y sefydliad wrth geisio defnyddio ymchwil a thystiolaeth yn weithgar i ategu strategaethau a nodau hirdymor.

Rwy’n cydweithredu â chydweithwyr, gan rannu a thrafod syniadau ac arloesiadau newydd.

Rwy’n ymgysylltu’n weithgar â rhwydweithiau dysgu proffesiynol ac yn rhannu arfer gorau a chanfyddiadau ymchwil gyda chydweithwyr i gefnogi gwelliant parhaus ar draws fy nhîm/nhimau.

Rwy’n cychwyn a (lle bo’n briodol) yn arwain rhwydweithiau dysgu proffesiynol cydweithredol sy’n ehangu cyfleodd dysgu proffesiynol i fy hunan ac i gydweithwyr ar draws fy sefydliad. O fewn y rhwydweithiau hyn, rwy’n hwyluso trafodaethau ar y damcaniaethau a’r ymchwil ddiweddaraf, ac rwy’n annog dadansoddiad beirniadol o’u perthnasedd yng nghyd-destun ein harweinyddiaeth.

Rwy’n datblygu fy sgiliau rhyngbersonol ac yn cymryd rhan yn weithgar mewn rhwydweithiau o fewn fy sefydliad.

Rwy’n creu amgylchedd gwaith cadarnhaol ac yn llunio perthnasoedd effeithiol â dysgwyr, cydweithwyr a rhanddeiliaid eraill, yn seiliedig ar gyfathrebu a gwrando gweithredol rhagorol.

Rwy’n meithrin perthnasoedd cadarnhaol v chydweithwyr a dysgwyr ar draws y sefydliad.

Rwy’n annog diwylliant o gydweithredu o fewn fy nhîm/nhimau, er mwyn cyflawni ein nodau. Hefyd, rwy’n gweithio i nodi a datrys gwrthdaro sy’n codi o fewn y tîm neu gyda rhanddeiliaid allanol.

Rwy’n gweithio’n agos gyda rhanddeiliaid allanol, mewn meysydd sy’n berthnasol i fy nhîm/nhimau ac yn meithrin y perthnasoedd hyn.

Rwy’n deall pwysigrwydd partneriaeth gymdeithasol ac yn cofleidio cyfleoedd i gydweithredu â chyflogwyr, undebau a’r llywodraeth i helpu datblygu darpariaeth, yn fy maes, sy’n bodloni anghenion dysgwyr, sy’n grymuso addysgwyr ac yn gwella’r profiad dysgu cyffredinol.

Rwy’n cynnal perthnasoedd rhagorol â chydweithwyr ar draws y sefydliad, yn ogystal â gyda dysgwyr.  

Rwy’n datblygu ac yn meithrin partneriaethau â rhanddeiliaid allanol ac yn annog cydweithredu, yn ehangach, i helpu cyflawni ein cenhadaeth a’n hamcanion.

Rwy’n cofleidio partneriaeth gymdeithasol yn weithgar, gan gydweithredu â chyflogwyr, undebau llafur, y llywodraeth a rhanddeiliaid eraill, trwy ddulliau ffurfiol ac anffurfiol, i sicrhau bod fy sefydliad yn cyfrannu at ddatblygu system sgiliau sy’n grymuso addysgwyr ac sy’n darparu llwybrau cydlynol ar gyfer gwaith galwedigaethol, technegol a medrus o fewn ein rhanbarth daearyddol.

Rwy’n dysgu ac yn cynrychioli gwerthoedd a nodau’r sefydliad yn weithredol ymhlith cydweithwyr, dysgwyr a rhanddeiliaid eraill o fewn maes fy ngwaith.

Rwy’n llysgennad ar ran y sefydliad, gan fodelu, atgyfnerthu a mynegi ein gwerthoedd a’n nodau’n gyson i gynulleidfa ehangach o randdeiliaid mewnol ac allanol. Hefyd, rwy’n nodi cyfleoedd i hyrwyddo cenhadaeth a chyflawniadau’r sefydliad.

Rwy’n llysgennad strategol ar ran y sefydliad, gan feithrin perthnasoedd ac eiriol ein gwerthoedd a’n nodau yn weithgar ar lefel ranbarthol a chenedlaethol. Rwy’n defnyddio fy rôl arwain i sicrhau sylw cadarnhaol yn y cyfryngau a chydnabyddiaeth gyhoeddus i gyflawniadau’r sefydliad, gan ddylanwadu’n gadarnhaol ar amgyffredion o’r sefydliad o fewn y gymuned ehangach.

Rwy’n arwain trwy esiampl bob amser, gan ddangos uniondeb, cwrteisi a pharch yn fy rhyngweithiadau â chydweithwyr, dysgwyr a rhanddeiliaid.

Rwy’n pwysleisio pwysigrwydd ymddygiad parchus a moesegol ymhlith y bobl rwy’n eu rheoli (gan gynnwys, lle y bo’n berthnasol, ymhlith isgontractwyr) ac rwy’n arwain trwy esiampl wrth bwysleisio bod uniondeb a pharch yn werthoedd hanfodol.

Rwy’n cydnabod fy nghyfrifoldeb personol fel model o ymddygiad, i gynnal ffydd a hyder y cyhoedd yn y proffesiwn addysg. 

Rwy’n gosod y naws i’m sefydliad wrth ymddwyn yn deg, yn gwrtais ac yn barchus tuag at gydweithwyr, dysgwyr a rhanddeiliaid. Rwy’n blaenoriaethu uniondeb a pharch yn fy rhyngweithiadau a’m penderfyniadau.

Rwy’n meithrin diwylliant o gyfathrebu agored ac atebolrwydd o fewn y sefydliad, lle mae’r holl staff yn teimlo’n gyfforddus i godi pryderon am ymddygiad amharchus neu anfoesegol.

Rwy’n sicrhau bod dysgwyr, cydweithwyr a rhanddeiliaid yn cael cyfleoedd i leisio’u barn a sicrhau bod gan bob unigolyn siawns deg o gael eu clywed.

Rwy’n ceisio barn dysgwyr, cydweithwyr a rhanddeiliaid yn weithgar.

Lle bo angen, rwy’n gweithio i roi newidiadau perthnasol ar waith ar draws fy nhîm/nhimau, er mwyn mynd i’r afael â materion a godwyd.

Rwy’n ymgysylltu fel mater o drefn gyda dysgwyr, cydweithwyr a rhanddeiliaid, gan fyfyrio ar eu meddyliau a’u safbwyntiau. Yna, rwy’n cyfleu’r wybodaeth hon i randdeiliaid perthnasol ac yn eu cynnwys yn fy mhenderfyniadau, i helpu gyrru diwylliant o welliant parhaus.

Rwy’n hyrwyddo pwysigrwydd y Gymraeg a diwylliant Cymru wrth gefnogi dysgwyr.

Rwy’n ceisio cyfleoedd yn weithgar i ddathlu diwylliant ac iaith Cymru a’i lle yn y byd ac rwy’ wedi gwreiddio gwerth dwyieithrwydd yn fy ymarfer.

Rwy’n llysgennad dros ddiwylliant Cymru a’r Gymraeg. Rwy’n chwarae rôl allweddol wrth lywio ymagwedd y sefydliad at ddathlu diwylliant Cymru a’r Gymraeg ac rwy’ wedi meithrin cysylltiadau ag unigolion a sefydliadau ar draws Cymru a’r tu hwnt, i ddatblygu fy ngwybodaeth a helpu i feithrin dealltwriaeth ar y cyd.

Rwy’n ymrwymo i ddatblygu fy sgiliau Cymraeg fy hun a sgiliau dysgwyr. Rwy’n deall diben Safonau’r Gymraeg – i greu hawliau i bobl ddefnyddio’r Gymraeg, hyrwyddo’i defnydd a sicrhau nad yw’r Gymraeg yn cael ei thrin yn llai ffafriol na’r Saesneg o fewn fy sefydliad.

Rwy’n cynghori dysgwyr am eu hawliau, wedi’u hamlinellu o fewn Safonau’r Gymraeg, i gael at wasanaethau trwy gyfrwng y Gymraeg, gan eu hannog i ddefnyddio gwasanaethau cyfrwng Cymraeg.

Rwy’n parhau i ddatblygu fy sgiliau Cymraeg a mynd ar drywydd cyfleoedd i ymestyn fy nealltwriaeth a’m sgiliau yn weithgar.

Rwy’n cofleidio cyfleoedd i ddefnyddio’r iaith o fewn y gweithle, gyda dysgwyr a chydweithwyr.

Rwy’n defnyddio arferion addysgu sy’n darparu cyfleoedd i ddysgwyr ddatblygu eu sgiliau Cymraeg ymhellach.

Rwy’n hyrwyddo buddion y Gymraeg, fel sgil cyflogadwyedd, i ddysgwyr, staff a chyflogwyr.

Rwy’n cynghori cydweithwyr o fewn fy nhîm/nhimau am hawliau dysgwyr, sydd wedi’u hamlinellu o fewn Safonau’r Gymraeg, i gael at wasanaethau trwy gyfrwng y Gymraeg.

Rwy’n eiriolydd hyderus dros ac ar ran y Gymraeg ac rwy’n gweithio i hwyluso dwyieithrwydd o fewn fy sefydliad.

Rwy’n defnyddio fy sgiliau a’m gwybodaeth i danio brwdfrydedd dysgwyr a chydweithwyr i ddatblygu’u sgiliau Cymraeg.

Rwy’n cefnogi methodolegau addysgu dwyieithog i sicrhau bod pob dysgwr yn cael eu hannog a’u bod yn cael cyfleodd i ddatblygu’u sgiliau Cymraeg, beth bynnag yw eu man cychwyn.

Rwy’n hyrwyddo buddion y Gymraeg, fel sgil cyflogadwyedd, i ddysgwyr, cydweithwyr, cyflogwyr a rhanddeiliaid ehangach, gan sicrhau bod cyfleoedd datblygu proffesiynol ar gael i gydweithwyr sy’n dymuno gwella’u sgiliau Cymraeg.

Rwy’n sicrhau bod ystyriaeth briodol yn cael ei rhoi i ofynion y Gymraeg ar gyfer rolau gwahanol o fewn fy sefydliad, pan fyddwn ni’n cynnal ymarferion recriwtio.

Rwy’n sicrhau bod cydweithwyr ar draws fy sefydliad yn deall y lefelau gwasanaeth gofynnol sydd wedi’u hamlinellu yn Safonau’r Gymraeg a’n dyletswydd sefydliadol i gydymffurfio â nhw.

Rwy’n hyrwyddo ymagweddau dysgwr ganolog sy’n pwysleisio cyfrifoldeb ar y cyd, rhwng dysgwyr a staff addysgu.

Rwy’n gweithio gyda chydweithwyr i helpu dysgwyr unigol i nodi nodau a thargedu uchelgeisiol ar gyfer eu dysgu, gan roi adborth iddynt a chefnogi eu cynnydd.

Rwy’n sicrhau bod ymagweddau dysgwr ganolog wedi’u gwreiddio ar draws fy nhîm/nhimau ac rwy’n hyrwyddo cyfrifoldeb ar y cyd, rhwng dysgwyr a staff addysgu.

Rwy’n sicrhau bod cydweithwyr yn cefnogi cyfleoedd i ddysgwyr nodi nodau a thargedau uchelgeisiol ar y cyd, gan roi adborth iddynt ar eu cynnydd a’u helpu i werthuso’u cynnydd eu hunain

Rwy’n cyfrannu at, ac yn dylanwadu ar, ddatblygiad polisïau a strategaethau sy’n gwreiddio cyfrifoldeb cyffredin am ddysgu ac asesu fel elfen ganolog o ymagwedd addysgol fy sefydliad.

Rwy’n rhannu fy ngwybodaeth a’m sgiliau gydag eraill, i ddangos sut rwy’n grymuso dysgwyr i gymryd cyfrifoldeb am eu dysgu ac i werthuso cynnydd yn erbyn nodau a thargedau uchelgeisiol.

Hefyd, rwy’n monitro effaith yr arferion hyn ar ddeilliannau dysgwyr ac yn defnyddio’r wybodaeth hon i lywio datblygiad pellach.

Rwy’n cyfathrebu’n dda â dysgwyr, cyflogwyr, cydweithwyr a rhanddeiliaid eraill, gan rannu gwybodaeth berthnasol ac annog eraill i wneud yr un peth (yn unol â pholisïau a gweithdrefnau sefydliadol a deddfwriaeth berthnasol).

Rwy’n sicrhau bod cydweithwyr o fewn fy nhîm/nhimau yn cyfathrebu’n effeithiol â dysgwyr, cyflogwyr, cydweithwyr a rhanddeiliaid eraill, er mwyn helpu i gyflawni’r deilliannau gorau i ddysgwyr.

Rwy’n modelu cyfathrebu effeithiol â dysgwyr, cydweithwyr, cyflogwyr a rhanddeiliaid ar draws y gymuned ehangach.

Rwy’n sicrhau bod dulliau ar waith i hwyluso perthnasoedd cydweithredol llwyddiannus â rhanddeiliaid mewnol allweddol er mwyn helpu i gyflawni’r deilliannau gorau i ddysgwyr.

Rwy’n ymwneud â chynllunio strategol a llywodraethu sefydliadol. Lle bo angen, rwy’n gwasanaethu ar fyrddau a phwyllgorau, gan ganiatáu i mi gymryd rhan mewn penderfyniadau a datblygu polisïau sy’n cyfrannu at lywodraethu’r sefydliad yn effeithiol.

Rwy’n ymwneud â chynllunio strategol a llywodraethu sefydliadol. Rwy’n gwasanaethu ar fyrddau a phwyllgorau, gan ganiatáu i mi gymryd rhan mewn penderfyniadau a datblygu polisïau sy’n cyfrannu at lywodraethu’r sefydliad yn effeithiol ac rwy’n chwarae rhan flaenllaw mewn prosesau llywodraethu sy’n berthnasol i fy nhîm/nhimau.

Rwy’n cyfrannu at ddatblygu a gweithredu cynlluniau, polisïau a phrosesau strategol sy’n sicrhau llywodraethu effeithiol ar draws y sefydliad cyfan, yn sail i gyflawni ein nodau sefydliadol yn effeithiol.

Rwy’n sicrhau bod cydweithwyr a llywodraethwyr yn cael gwybodaeth lawn am ddatblygiadau allweddol o fewn y sefydliad, eu bod yn deall ein gweledigaeth a’n hamcanion strategol a’u bod yn cyfrannu’n effeithiol at fframwaith llywodraethu cyffredinol y sefydliad. 

Rwy’n datblygu fy nealltwriaeth yn barhaus o sut mae arweinyddiaeth strategol a llywodraethiant effeithiol yn cyfrannu at fodloni anghenion dysgwyr, cydweithwyr a rhanddeiliaid. Rwy’n ceisio cyfleoedd yn weithgar i ddysgu oddi wrth gydweithwyr sy’n ymwneud â chynllunio strategol a llywodraethiant.

Rwy’n trosi gweledigaeth a nodau strategol y sefydliad yn weithgar yn gynlluniau y gellir eu rhoi ar waith o fewn fy nhîm, gan sicrhau eu bod yn mynd i’r afael ag anghenion dysgwyr, cydweithwyr a rhanddeiliaid. Rwy’n ystyried effaith fy mhenderfyniadau ac arferion llywodraethu ar y grwpiau hyn.

Rwy’n hyrwyddo cyfeiriad strategol sy’n blaenoriaethu anghenion dysgwyr, cydweithwyr a rhanddeiliaid. Rwy’n sicrhau bod cynllunio strategol a phrosesau llywodraethu yn casglu ac yn ystyried cyfraniadau rhanddeiliaid yn weithgar i lywio penderfyniadau

Rwy’n meithrin brwdfrydedd yn weithgar ac yn gweithio gyda chydweithwyr i helpu dysgwyr i wneud y mwyaf o’u galluoedd.

Rwy’n nodi anghenion a dyheadau dysgwyr unigol ac yn gosod gwaith sy’n eu hysbrydoli a’u hymestyn.

Rwy’n gweithio i greu amgylchedd dysgu cadarnhaol, lle byddwn, gyda’n gilydd, yn cofleidio amrywiaeth o ddulliau addysgu ac asesu i ymestyn, herio ac ysbrydoli dysgwyr.

Rwy’n cymryd cyfrifoldeb o ddydd i ddydd am iechyd a diogelwch, diogelu a lles cyffredinol o fewn fy nhîm/nhimau ac rwy’n nodi yn rhagweithiol feysydd sydd angen cymorth.

Rwy’n cyfrannu at ddatblygu a gweithredu strategaethau a dulliau (yn unol â’n cenhadaeth a’n gwerthoedd) sy’n ysbrydoli, yn cefnogi ac yn herio dysgwyr.

Rwy’n sicrhau bod profiad addysgol, iechyd, diogelwch a lles dysgwyr yn ganolog i bopeth rydym ni’n ei wneud.

Mae gennyf gyfrifoldeb cyffredinol am daith a deilliannau dysgwyr ar draws y sefydliad.

Rwy’n gosod y weledigaeth ar gyfer llwyddiant dysgwyr yn fy sefydliad. Rwy’n sefydlu disgwyliadau uchel ac yn meithrin diwylliant lle mae cydweithwyr yn herio ac yn ysbrydoli dysgwyr yn barhaus ac yn darparu cefnogaeth sydd wedi’i theilwra i anghenion unigol.

Rwy’n ymrwymo i les a diogelwch dysgwyr. Rwy’n cydweithio (gyda chydweithwyr, dysgwyr a rhanddeiliaid) i gefnogi ac annog eu cynnydd a dileu rhwystrau rhag dysgu.

Rwy’n adolygu fy mherfformiad fy hun ac effaith fy ngwaith ar ddeilliannau dysgwyr.

Rwy’n cymryd rhan mewn cyfleoedd dysgu proffesiynol ac yn cydweithio â chydweithwyr i gefnogi eu datblygiad ac i rannu arfer gorau.

Rwy’n ymrwymo i les a diogelwch dysgwyr. Rwy’n cydweithio â nhw, ynghyd â chydweithwyr (a rhanddeiliaid perthnasol eraill) i gefnogi ac annog eu cynnydd ac i ddileu rhwystrau rhag dysgu.

Rwy’n adolygu fy mherfformiad a pherfformiad fy nhîm/nhimau i ddeall effaith ein haddysgu ar ddeilliannau dysgwyr.

Rwy’n sicrhau bod gennyf y sgiliau a’r wybodaeth i gefnogi dysgwyr. Hefyd, rwy’n cynnig cyfleoedd i gydweithwyr yn fy nhîm/nhimau gymryd rhan mewn cyfleoedd dysgu proffesiynol a chydweithio â chydweithwyr i rannu arfer gorau. Hefyd, rwy’n monitro ac yn gwerthuso effeithiolrwydd datblygiad proffesiynol, gan sicrhau ei fod yn bodloni anghenion fy nhîm/nhimau.

Rwy’n hyrwyddo diwylliant o ddatblygiad proffesiynol parhaus trwy fuddsoddi mewn rhaglenni hyfforddiant staff a mentrau mentora, a thrwy annog cyfleoedd i rannu arfer gorau ar draws y sefydliad.

Rwy’n cefnogi datblygiad cymunedau o ymarfer / rhwydweithiau proffesiynol a’u cynnal, lle y caiff arfer gorau ei rhannu, o fewn fy sefydliad.

Rwy’n manteisio ar arbenigedd mewnol a rhwydweithiau allanol i fod yn wybodus am dueddiadau addysgol ac arferion gorau sy’n helpu dysgwyr i lwyddo.

Rwy’n hunanfyfyrio, gan adolygu gwybodaeth fy maes pwnc a sgiliau proffesiynol eraill sy’n berthnasol i fy rôl yn rheolaidd, i sicrhau bod gennyf yr arbenigedd angenrheidiol i gefnogi cydweithwyr ac i wella profiad dysgwyr.

Rwy’n hunanfyfyrio a, hefyd, yn annog eraill ar draws fy nhîm/nhimau i wneud, i wella’u gwybodaeth am eu maes pwnc a’u sgiliau proffesiynol eraill.

Rwy’n pwysleisio pwysigrwydd ymarfer myfyriol i gydweithwyr, o ran eu datblygiad proffesiynol a gwella profiad addysgol dysgwyr.  

Rwy’n modelu ymarfer myfyriol ac yn gwerthuso fy arddull arwain fy hun yn rheolaidd.

Rwy’n annog diwylliant o hunanfyfyrio ar draws y sefydliad, lle caiff cydweithwyr gyfle i werthuso’u sgiliau a’u gwybodaeth ac effeithiolrwydd eu harweinyddiaeth a’u hymarfer i annog gwelliant.

Rwy’n arfarnu’n feirniadol fy arferion addysgu a dysgu, gan ystyried yr effaith ar ddysgwyr. Rwy’n ceisio adborth yn weithgar gan gydweithwyr a dysgwyr ac yn defnyddio’u cipolygon i ddatblygu fy sgiliau a gwella profiad y dysgwr.

Rwy’n arfarnu fy ymarfer yn feirniadol ar draws amrywiol feysydd arweinyddiaeth, gan ystyried ei effaith ar ddysgwyr a’r tîm. Rwy’n ceisio ac yn dadansoddi adborth gan gydweithwyr a dysgwyr ar wahanol lefelau yn weithgar. Rwy’n defnyddio’r adborth hwn i wella fy arweinyddiaeth yn barhaus ac i ddatblygu strategaethau effeithiol i gefnogi fy nhîm wrth wella profiad y dysgwr.

Rwy’n myfyrio’n feirniadol ar adborth i werthuso fy arweinyddiaeth fy hun ac ystyried sut mae’n effeithio ar gydweithwyr a dysgwyr.

Rwy’n cefnogi cydweithwyr i wreiddio’r sgiliau hyn yn eu hymarfer eu hunain ac i ddod o hyd i ffyrdd arloesol o gefnogi dysgwyr a gwella dysgu.

Rwy’n gweithio gyda chydweithwyr i weithredu polisïau sefydliadol yn gysylltiedig â chynaliadwyedd o fewn fy maes.

Rwy’n sicrhau bod yr holl bolisïau, gweithdrefnau ac arferion perthnasol yn gysylltiedig â chynaliadwyedd yn cael eu deall, eu hyrwyddo a’u gweithredu’n gywir ar draws fy nhîm/nhimau.

Rwy’n goruchwylio datblygiad polisïau, gweithdrefnau ac arferion yn gysylltiedig â chynaliadwyedd ar draws fy sefydliad. Rwy’n hyrwyddo’r polisïau hyn ac yn monitro’u gweithredu.  

Rwy’n hyrwyddo cynaliadwyedd o fewn fy maes gwaith yn weithgar, gan annog cydweithwyr a dysgwyr i fabwysiadu arferion cyfrifol yn amgylcheddol ac yn gymdeithasol. Rwy’n nodi cyfleoedd i integreiddio egwyddorion cynaliadwyedd i’m harferion dysgu ac addysgu.

Rwy’n hyrwyddo cynaliadwyedd yn fy nhîm ac ar draws y sefydliad. Rwy’n gweithio gyda chydweithwyr i ddatblygu a gweithredu strategaethau sy’n annog arferion cyfrifol yn amgylcheddol ac yn gymdeithasol. Rwy’n nodi cyfleoedd i integreiddio egwyddorion cynaliadwyedd i amrywiol agweddau ar weithrediadau’r tîm.  

Rwy’n darparu arweinyddiaeth strategol ar gyfer cyflawni sero net o fewn y sefydliad. Rwy’n datblygu ac yn hyrwyddo dull sefydliad cyfan ar gyfer cynaliadwyedd, gan gysoni ein harferion â chynllun sero net Llywodraeth Cymru. Rwy’n ceisio cyfleoedd yn weithgar i gydweithredu â rhanddeiliaid allanol i ddatblygu mentrau cynaliadwyedd.