Athro/Athrawes Datblygu'r Gymraeg a Dwyieithrwydd

Cyflog: £33,731 - £51,942 (MPR2 - UPR3)

Ynglŷn â'r swydd wag

Cyfeirnod y Swydd Wag: 4053

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Parhaol Amser Llawn

Lleoliad:

Sir Gaerfyrddin

Gradd:

Athrawon Ysgol

Cyflog:

£33,731 - £51,942 (MPR2 - UPR3)

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£26.43 - £32.11

Oriau Contract:

32 awr 30 munud

Dewch i ymuno â'n tîm

Sir Gâr Ddwyieithog

Yn eisiau cyn gynted â phosibl

Athro/Athrawes Datblygu'r Gymraeg a Dwyieithrwydd
Cyflog: M2 - U3
Llawn Amser a Pharhaol

Cyfle Cyffrous i Ymuno â Sir Gâr Ddwyieithog, Gwasanaeth Y Gymraeg mewn Addysg yr awdurdod, ar gyfnod cyffrous yn ei ddatblygiad wrth i ni barhau i ehangu ac arloesi.

Ein Gweledigaeth ydy:

Grymuso ysgolion i lunio dyfodol dwyieithog hyderus.

Gyda'n gilydd, byddwn yn gwneud dwyieithrwydd yn rhan hyderus, gynhwysol a chadarnhaol o fywyd bob dydd yn Sir Gâr.

Ein Gwerthoedd Craidd ydy:

Cymreictod - Creadigrwydd - Cydraddoldeb - Dyfalbarhad

Dyma gyfle unigryw i gael effaith wirioneddol drwy gefnogi gweithrediad un o brif flaenoriaethau'r Cyngor.

• Ydych chi'n athro neu athrawes ragorol sy'n angerddol am godi safonau'r Gymraeg?
• A allwch chi ysbrydoli dysgwyr o bob oed i symud yn hyderus ar hyd y continwwm iaith?
• Ydych chi'n awyddus i chwarae rôl allweddol wrth ddatblygu addysg Gymraeg a dwyieithog ar draws ein hawdurdod lleol?

Y Rôl:

Mae Cyngor Sir Caerfyrddin yn chwilio am ymarferydd rhagorol, ysbrydoledig ac ymroddedig i ymuno â thîm Cymraeg Dwyieithog Sir Gâr.

Mae hwn yn gyfle cyffrous i chwarae rhan allweddol wrth gefnogi dysgwyr ar eu taith iaith Gymraeg. Bydd yr ymgeisydd llwyddiannus yn helpu i sicrhau caffael iaith effeithiol drwy hwyluso pontio esmwyth o addysg gynradd i addysg uwchradd cyfrwng Cymraeg, gan ddarparu darpariaeth trochi a/neu Gloywi Iaith o ansawdd uchel ar gyfer grwpiau penodol o ddysgwyr mewn ysgolion uwchradd.

Gan weithio'n agos gydag ysgolion cynradd ac uwchradd ledled Sir Gaerfyrddin, bydd deiliad y swydd yn adnabod disgyblion a fyddai'n elwa ar gymorth iaith ychwanegol ac yn darparu cymorth wedi'i deilwra wrth iddynt symud ymlaen i addysg uwchradd. Drwy'r gwaith hwn, bydd yr ymgeisydd llwyddiannus yn helpu dysgwyr i feithrin hyder, cryfhau eu sgiliau Cymraeg a chyflawni deilliannau llwyddiannus o fewn addysg cyfrwng Cymraeg.

Mae'r rôl yn cynnwys addysgu mewn ysgolion uwchradd dynodedig ledled y sir, yn ogystal â chydlynu darpariaeth trochi a chymorth iaith a gyflwynir gan staff mewn ysgolion uwchradd eraill, er mwyn sicrhau profiad dysgu cyson ac effeithiol i bob dysgwr.

Rydym yn chwilio am ymarferydd angerddol ac arloesol sydd â hanes profedig o addysgu'r Gymraeg yn effeithiol yng Nghyfnod Allweddol 2 a/neu Gyfnod Allweddol 3. Bydd yr ymgeisydd llwyddiannus yn athro/athrawes greadigol ac ysbrydoledig sy'n gallu ysgogi dysgwyr, addasu dulliau addysgu i ddiwallu anghenion unigol, a sicrhau cynnydd cadarn i bob disgybl.

Bydd y deiliad hefyd yn:

• Cydweithio'n agos ag arweinwyr ysgolion, athrawon a chynorthwywyr addysgu
• Gweithio mewn partneriaeth â chydweithwyr mewn canolfannau trochi
• Sicrhau darpariaeth drochi a gloywi uwchradd ardderchog ac ecwiti i bob dysgwr

Mae dealltwriaeth gadarn o fethodoleg caffael iaith, anghenion dysgu ychwanegol (ADY), niwrowahaniaeth a dulliau sy'n ymwybodol o drawma yn hanfodol ar gyfer y swydd hon.

Rydym yn disgwyl safonau addysgu uchel, ymrwymiad cryf i les dysgwyr, a'r gallu i weithio'n effeithiol fel rhan o dîm proffesiynol ac uchelgeisiol.

Beth mae ein dysgwyr yn ei ddymuno?

• Athro neu athrawes sy'n gwrando ac yn ein trin gyda pharch
• Rhywun sy'n ein gwneud i deimlo'n ddiogel, yn hyderus ac yn barod i roi cynnig ar bethau newydd
• Gwersi diddorol, creadigol ac ysbrydoledig sy'n ein helpu i wneud cynnydd
• Athro sy'n ein hannog ac yn ein cefnogi pan fydd pethau'n anodd
• Rhywun sy'n ein gwneud i deimlo'n rhan o dîm ac yn dathlu ein llwyddiannau

Beth allwn ni ei gynnig?

• Cyfle i wneud gwahaniaeth gwirioneddol i fywydau dysgwyr
• Amgylchedd gwaith cefnogol a chydweithredol gyda thîm proffesiynol angerddol ac ymroddedig
• Cyfleoedd datblygu proffesiynol rhagorol, gan gynnwys hyfforddiant arbenigol ym maes trochi iaith a chaffael iaith
• Profiad gwerthfawr ar lefel system awdurdod lleol
• Diwylliant sy'n gwerthfawrogi lles staff, cydweithio a rhannu arfer dda
• Cyfle i ymuno â gwasanaeth sydd newydd dderbyn arolygiad Estyn llwyddiannus iawn

Rhagor o wybodaeth:

• Bydd y broses ddethol yn cynnwys arsylwad gwers, a dim ond yr ymgeiswyr llwyddiannus fydd yn symud ymlaen i gyfweliad ffurfiol
• Rhaid i ymgeiswyr ddangos ac egluro'n glir eu profiad perthnasol ac effaith eu gwaith, gan ddarparu tystiolaeth o sut y maent yn bodloni gofynion hanfodol y rôl fel y nodir yn y Proffil Swydd
• Mae'r gallu i weithio drwy gyfrwng y Gymraeg yn ofyniad hanfodol ar gyfer y swydd hon. Bydd sgiliau Cymraeg ymgeiswyr yn cael eu hasesu yn ystod y broses ddethol

Ydych chi'n barod i ymuno â ni?

Os ydych yn barod am her, yn arloesol, yn gynhwysol ac yn angerddol am gaffael yr iaith Gymraeg, rydym am glywed gennych.

Am sgwrs anffurfiol, mae croeso cynnes i chi gysylltu â Christopher Newcombe ( CJNewcombe@sirgar.gov.uk )

Dilynwch gyfrif Instagram Sir Gâr Ddwyieithog: @sirgarddwyieithog

Disgrifiad Swydd:

Proffil Swydd - Athro-Athrawes Datblygu'r Gymraeg a Dwyieithrwydd.pdf - 212KB ~~EFORM_FILE_NEW_WINDOW~~

Dyddiad disgwyliedig y cyfweliad:

25 Tachwedd 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 16/11/2026, 12:00

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.