Pennaeth Dyniaethau - Ysgol Bro Dinefwr

Cyflog: £33,731 - £51,942 (MPR2 - UPR3)

Ynglŷn â'r swydd wag

Cyfeirnod y Swydd Wag: 3943

Sefydliad:

Ysgolion

Nifer y swyddi gwag:

1

Math o gontract:

Parhaol Amser Llawn

Lleoliad:

Llandeilo

Gradd:

Athrawon Ysgol

Cyflog:

£33,731 - £51,942 (MPR2 - UPR3)

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£26.43 - £32.11

Oriau Contract:

32 awr 30 munud

Dewch i ymuno â'n tîm

Mae Ysgol Bro Dinefwr yn chwilio am Bennaeth Dyniaethau uchelgeisiol, ysbrydoledig ac ymroddedig i arwain Maes Dysgu a Phrofiad y Dyniaethau. Mae hwn yn gyfle cyffrous i arweinydd rhagorol gyfrannu at gyfeiriad strategol yr ysgol, arwain tîm o staff arbenigol a sicrhau addysgu, dysgu a chyflawniad o'r safon uchaf ar draws y Dyniaethau.

Fel Pennaeth Dyniaethau, byddwch yn gyfrifol am arweinyddiaeth, rheolaeth a datblygiad y MDPh o ddydd i ddydd, gan osod gweledigaeth glir ar gyfer datblygu'r cwricwlwm a gwella safonau. Byddwch yn gweithio'n agos gyda'r Uwch Dîm Arwain ac yn rheoli llinell staff o fewn y maes, gan ddarparu arweiniad, hyfforddiant, cefnogaeth ac adborth er mwyn datblygu arfer rhagorol.

Byddwch yn:

• Arwain, rheoli a datblygu Maes Dysgu a Phrofiad y Dyniaethau, gan sicrhau gweledigaeth strategol glir a disgwyliadau uchel.
• Arwain datblygiad y cwricwlwm, gan adolygu darpariaeth a nodi cyfleoedd i wella addysgu, dysgu a chyrhaeddiad.
• Monitro safonau a chynnydd dysgwyr a defnyddio tystiolaeth a data i lywio blaenoriaethau gwella.
• Modelu arfer dosbarth rhagorol a chefnogi staff i ddatblygu addysgu a phedagogeg o ansawdd uchel.
• Rheoli llinell a chefnogi datblygiad proffesiynol staff, gan feithrin diwylliant o gydweithio, myfyrio a gwelliant parhaus.
• Sicrhau bod gwerthoedd, gweledigaeth ac ethos yr ysgol yn cael eu cynrychioli'n gryf ar draws y MDPh.
• Cyfrannu at ddatblygiad strategol yr ysgol gyfan a gwneud cyfraniad cadarnhaol at fywyd ac ethos ehangach Ysgol Bro Dinefwr.

Mae cyfrifoldeb y Pennaeth Dyniaethau yn cwmpasu darpariaeth y maes, gan gynnwys Crefydd, Gwerthoedd a Moeseg; Busnes a Manwerthu; Daearyddiaeth; Hanes; Astudiaethau Crefyddol; Cymdeithaseg; Llywodraeth a Gwleidyddiaeth; a Thwristiaeth. Bydd y deiliad swydd hefyd yn rheolwr llinell i'r Cydlynydd Crefydd, Gwerthoedd a Moeseg.

Dull Penodi

Bydd y broses benodi yn asesu gallu'r ymgeisydd i arwain y Dyniaethau yn strategol ac i gynnal safonau uchel o addysgu a dysgu. Bydd manylion penodol y broses ddethol yn cael eu cadarnhau i ymgeiswyr ar y rhestr fer. Am fwy o fanylion dylid cysylltu a'r swyddog busnes Mr Emyr Davies, emyr.davies@brodinefwr.org.uk.

Os ydych yn frwdfrydig am addysg Dyniaethau a gwneud effaith barhaol ar brofiadau dysgwyr, byddem wrth ein bodd yn clywed gennych.

Disgrifiad Swydd:

Pecyn Recriwtio Pennaeth Dyniaethau - Head of Humaniaties Recruitment Pack 2026.pdf - 4402KB ~~EFORM_FILE_NEW_WINDOW~~

Dyddiad disgwyliedig y cyfweliad:

15 Hydref 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 04/10/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Hawl i weithio: Rhaid i bob cyflogwr yn y DU gynnal gwiriad Hawl i Weithio cyn i weithiwr newydd ddechrau gwaith. Mae hyn yn ofyniad cyfreithiol o dan Ddeddf Mewnfudo, Lloches a Chenedligrwydd 2006 ac mae'n berthnasol i bob gweithiwr, waeth beth fo'u cenedligrwydd.

Gofynnir i bob ymgeisydd am ei genedligrwydd ac a ganiateir iddo weithio yn y Deyrnas Unedig yn gyfreithlon. Pwrpas hyn yw cadarnhau a ydych yn gymwys i wneud cais am y swydd wag ac i weithio i'r Cyngor neu ei sefydliadau partner.

Mae gan Gyngor Sir Caerfyrddin drwydded nawdd ddilys. Fodd bynnag, rhaid i ymgeiswyr sydd angen nawdd o dan y llwybr Gweithiwr Medrus fodloni'r holl feini prawf cymhwysedd a nodir gan Lywodraeth y DU o dan y system fewnfudo sy'n seiliedig ar bwyntiau. Cyn cyflwyno cais, dylech wirio a yw'r rôl yn bodloni'r meini prawf cymhwysedd yng nghanllawiau Llywodraeth y DU: Skilled Worker visa: Overview - GOV.UK . Sylwer: Os nad ydych chi'n bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach nad ydych chi'n gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.