Darlithydd Peirianneg - Trydanol ac Electroneg

Cyflog: £33,595 - £51,931 y flwyddyn, yn ddibynnol ar gymwysterau a phrofiad

Pwrpas y Swydd

Mae Adran Beirianneg Coleg Menai, Llangefni, yn adran hynod lwyddiannus, uwch-dechnolegol ac arloesol sy'n cynnig cyrsiau ar draws amrywiaeth o ddisgyblaethau a lefelau, o Lefel 1 Sylfaen hyd at Lefel 5 Addysg Uwch.

Cynhelir y broses ddysgu ac addysgu gan ddefnyddio offer sy'n cydymffurfio â safonau'r diwydiant ac mewn cyfleusterau a gweithdai modern. Rydym yn chwilio am unigolyn sydd wedi'i hyfforddi a'i gymhwyso'n briodol i ymuno â'r Adran a'n cynorthwyo i addysgu ac hyfforddi gweithlu'r dyfodol ar gyfer Ynys Môn a thu hwnt.

Rydym yn awyddus i benodi unigolyn brwdfrydig, trefnus ac ymroddedig sydd â phrofiad ym maes peirianneg drydanol ac electronig, gan gynnwys theori a sgiliau ymarferol. Byddai cefndir ym maes awyrenol neu ynni niwclear yn fantais fawr i unrhyw ymgeisydd, wrth i ni ymdrechu i ddiwallu anghenion y diwydiant lleol nawr ac yn y dyfodol.

Heb ddysgu o'r blaen? Peidiwch â phoeni; byddwch yn dysgu wrth wneud y gwaith ac yn dilyn cwrs PGCE neu gymhwyster addysgu cyfatebol fel rhan o'ch datblygiad proffesiynol. Yr hyn sydd ei angen arnom o'r cychwyn cyntaf yw brwdfrydedd a hyder i addysgu pobl ifanc am y pynciau sy'n ofynnol yn eich maes arbenigedd.

Mae'r adran yn darparu ystod eang o gyfleoedd, gan gynnwys cyrsiau amser llawn, cyrsiau rhan-amser,

prentisiaethau a chwricwlwm 14-16 mewn partneriaeth ag ysgolion uwchradd lleol. Ar hyn o bryd, mae gennym dîm cryf o ddarlithwyr mewn meysydd fel Peirianneg Fecanyddol a Thrydanol, Technoleg Modurol, a Weldio a Ffabriceiddio, ynghyd â goruchwylwyr sgiliau ymarferol.

Bydd rôl y Darlithydd yn cynnwys darparu addysg o ansawdd uchel i ddysgwyr ar draws amrywiaeth o gymwysterau a lefelau, ar raglenni amser llawn, rhan-amser a phrentisiaethau. Bydd y rôl yn cynnwys cyflwyno sesiynau damcaniaethol yn yr ystafell ddosbarth, rhoi hyfforddiant ymarferol yn y gweithdy pan fo angen, a darparu cymorth tiwtorial parhaus i sicrhau bod dysgwyr yn llwyddo ac yn cyrraedd eu graddau targed.

Disgwylir i'r ymgeisydd llwyddiannus hefyd chwarae rhan ragweithiol wrth arwain a datblygu'r cyrsiau, gan sicrhau bod dysgwyr yn parhau i fod wrth wraidd popeth a wnawn.

Disgwylir i'r ymgeisydd llwyddiannus ddarparu safonau uchel o addysgu a dysgu a darparu cymorth, cyngor ac arweiniad parhaus sy'n hyrwyddo llwyddiant dysgwyr. Rydym yn awyddus i weithio gyda chi i ddatblygu eich sgiliau proffesiynol er mwyn darparu'r profiad gorau posibl i ddysgwyr ac i gefnogi datblygiad parhaus yr adran.

Disgwyliadau allweddol y rôl:

1. Darparu addysgu o ansawdd uchel, creu cyfleoedd dysgu effeithiol a galluogi pob dysgwr i gyflawni hyd eithaf ei allu.

2. Darparu profiadau allgyrsiol rhagorol i'n dysgwyr.

3. Cynnal safonau uchel y ddarpariaeth o ran y cymorth a roddir i'r dysgwyr.

4. Sicrhau bod polisïau a gweithdrefnau'r Grŵp yn cael eu dilyn.

5. Cefnogi dysgwyr i lwyddo i gyrraedd eu targedau neu'n uwch, gan herio ac ymestyn ein dysgwyr.




Manylion Swydd
Cyfeirnod y Swydd
CM/330/26

Cyflog
£33,595 - £51,931 y flwyddyn, yn ddibynnol ar gymwysterau a phrofiad

Lleoliad Gwaith

• Llangefni

Hawl gwyliau
• 46 diwrnod o wyliau yn flynyddol

• Pob gwyliau cyhoeddus a arsylwir fel arfer, yn cael eu pennu'n flynyddol.

• Hyd at 5 diwrnod o ddiwrnodau cau effeithlonrwydd y flwyddyn, a bennir yn flynyddol.

Patrwm gweithio
37 awr yr wythnos

835 awr o amser addysgu blynyddol - 24 i 26 awr yr wythnos.

Hyd at 5 awr yr wythnos o weithio oddi ar safle gyda chytundeb y rheolwr.

Hawliau Pensiwn
Cynllun Pensiwn Athrawon

Math o gytundeb
Llawn Amser Parhaol

Dyddiad cau
15 Medi 2026
12:00 YH(Ganol dydd)