Cyfieithydd CC/3177

Cyflog: £33,912 - £36,981

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Cyfieithydd

Yn atebol i'r: Arweinydd Tîm Cyfieithu

Cyflog: £33,912-£36,981 (Rhan-amser, Parhaol, 0.6 Cyfwerth â llawn amser)

Lleoliad / Adran: Llysfasi

Rydym yn croesawu ymgeiswyr o bob cefndir i ymuno â'n tîm cefnogol yng Ngholeg Cambria. Yn y swydd hon, byddwch yn defnyddio eich sgiliau cyfathrebu eithriadol a'ch arbenigedd yn y Gymraeg i ddarparu gwasanaeth cyfieithu o ansawdd uchel, gan ein helpu i fodloni Safonau'r Gymraeg a hyrwyddo dwyieithrwydd ar draws cymuned ein coleg.

1. Yr Hyn Fyddwch Chi'n ei Wneud

Cyfieithu a Phrawfddarllen: Darparu gwasanaethau cyfieithu, prawf ddarllen, golygu a gwirio ar gyfer deunyddiau corfforaethol, marchnata, adnoddau addysgu, dyluniadau graffig, trawsgrifiadau a chynnwys fideo.

Arwain a Chynorthwyo Staff: Cynghori staff am ramadeg, terminoleg a materion cyfieithu, gan greu geirfaoedd penodol i bynciau i sicrhau cysondeb ar draws y coleg.

Cymorth Academaidd: Cyfieithu gwaith myfyrwyr a chynnig adborth adeiladol i diwtoriaid.

Cyfieithu ar y Pryd ac Archwilio: Cynorthwyo i ddarparu gwasanaethau cyfieithu ar y pryd yn ôl yr angen a helpu i archwilio gwefan y coleg ddwywaith y flwyddyn.

Safonau a Chynrychiolaeth: Cynorthwyo gyda rhwymedigaethau o dan Safonau'r Gymraeg a chynghori arnynt, a chynrychioli Coleg Cambria mewn digwyddiadau allanol yn ôl yr angen.

2. Hanfodion

Sgiliau Iaith: Sgiliau llafar ac ysgrifenedig rhagorol yn y Gymraeg a'r Saesneg, gyda'r gallu i siarad Cymraeg yn hanfodol ar gyfer y swydd hon.

Addysg a Chymwysterau: Gradd berthnasol neu gymhwyster proffesiynol cyfatebol mewn pwnc priodol, ynghyd â chymhwyster proffesiynol perthnasol (neu barodrwydd i weithio tuag at hynny).

Profiad: Profiad profedig mewn gwaith cyfieithu a gweithio o fewn y sector addysg neu faes arbenigol perthnasol arall.

Cymhwysedd Technegol: Sgiliau TGCh da, gan gynnwys profiad gyda meddalwedd cyfieithu a gweithle fel Wordfast, WPML, a Google Drive.

Sgiliau Allweddol: Y gallu i ymdrin ag amgylcheddau sy'n seiliedig ar derfynau amser (cyfieithu o leiaf 2,000 o eiriau'r dydd), blaenoriaethu eich llwyth gwaith eich hun, a chydweithio'n effeithiol o fewn tîm.

Gwerthoedd Craidd: Ymrwymiad amlwg i gydraddoldeb ac amrywiaeth, ochr yn ochr â'r awydd i hyrwyddo ac ymgorffori'r Gymraeg a diwylliant Cymru.

3. Hyblygrwydd ac Addasiadau

Dewisiadau Gweithio: Rydym yn cynnig trefniadau gweithio'n hyblyg, ac rydym yn croesawu trafodaethau am ddewisiadau rhan-amser neu rannu swydd.

Addasiadau ar gyfer y Cyfweliad: Rhowch wybod i ni os oes angen unrhyw addasiadau neu addasiadau digidol arnoch yn ystod y broses gyfweld.

Dewis Iaith: Rydym wedi ymrwymo i hyrwyddo'r Gymraeg, ac mae croeso mawr i geisiadau a gyflwynir yn y Gymraeg.

Eisiau rhagor o wybodaeth? Am sgwrs anffurfiol am y swydd ac am ein hamgylchedd gwaith, anfonwch e-bost at ein tîm recriwtio: recriwtio@cambria.ac.uk

Hanfodol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Rydyn ni'n adeiladu coleg sy'n adlewyrchu'r gymuned fywiog ac amrywiol rydyn ni'n ei gwasanaethu. Rydyn ni'n croesawu ac yn annog ceisiadau gan unigolion o bob cefndir, yn enwedig y rhai o grwpiau heb gynrychiolaeth ddigonol.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig