Aseswr Dysgu yn y Gweithle - Iechyd a Gofal Cymdeithasol, Cyfnod Penodol hyd at 31 Awst 2027 (2 swydd ar gael)

Cyflog: £29,878. - £32,423 y flwyddyn, yn ddibynnol ar gymwysterau a phrofiad

Golyga'r swydd hon fod yn gyfrifol am recriwtio, cadw a rheoli llwyth achosion safonol o ddysgwyr sydd wedi dewis cofrestru ar gymwysterau Iechyd a gofal cymdeithasol.

Mae'r Asesydd yn gyfrifol am ddarparu hyfforddiant, asesu, a sicrhau ansawdd gwaith y dysgwyr. Bydd yr asesydd yn goruchwylio dealltwriaeth a chymhwysedd ymarferol y dysgwyr yn y gweithle.

Bydd disgwyl i'r asesydd recriwtio dysgwyr a darparu amrywiaeth o gymwysterau.

O ddydd i ddydd bydd y swydd yn golygu cyfarfod â dysgwyr a chyflogwyr mewn lleoliadau gwaith gwahanol. Ar y cyfan, bydd hyn yn digwydd yn ddigidol ond bydd peth teithio'n ddisgwyliedig, gan weithio'n annibynnol i sicrhau cydymffurfiaeth â gofynion cymwysterau. Bydd gofyn i'r asesydd feddu ar y sgiliau i gynllunio ymweliadau mewn modd rhesymegol o ran cyfyngu ar deithio a gwneud y defnydd gorau o amser. Yn ogystal, bydd yn darparu adnoddau a chefnogaeth i fodloni anghenion unigol pob dysgwr yn ei ddewis iaith.

Bydd yr asesydd yn cynrychioli tîm aseswyr Iechyd a Gofal Cymdeithasol o fewn busnes@gllm a bydd disgwyl iddo hyrwyddo'r cyrsiau a gynigir er mwyn annog dysgwyr i gofrestru arnynt. Byddai'r gallu i addysgu grwpiau bach mewn sesiynau gweithdy ym maes Iechyd a Gofal Cymdeithasol yn fanteisiol. Bydd yr asesydd yn sicrhau bod y gwasanaeth a ddarperir i'r dysgwyr:

• O'r ansawdd uchaf posibl

• Yn darparu gwerth am arian

• Yn diwallu anghenion y cyflogwr ac anghenion y myfyrwyr sy'n derbyn hyfforddiant

Yn adlewyrchu cenhadaeth, gwerthoedd ac amcanion y coleg

Manylion Swydd
Cyfeirnod y Swydd
BD/324/25

Cyflog
£29,878. - £32,423 y flwyddyn, yn ddibynnol ar gymwysterau a phrofiad

Lleoliad Gwaith

• Wedi ei nodi yn y Swydd Ddisgrifiad

Hawl gwyliau

• 28 diwrnod y flwyddyn, yn codi i 32 diwrnod ar ôl pum mlynedd lawn o wasanaeth di-dor (01 Medi i 31 Awst).

• Yr holl wyliau cyhoeddus arferol, i'w pennu'n flynyddol.

• Hyd at 5 diwrnod effeithlonrwydd / diwrnod y trefnwyd i'r safle fod ar gau bob blwyddyn, i'w pennu'n flynyddol.

Patrwm gweithio
37 awr yr wythnos

Hawliau Pensiwn
Cynllun Pensiwn Llywodraeth Leol

Math o gytundeb
Llawn Amser Cyfnod Penodol

Dyddiad cau
04 Medi 2026
12:00 YH(Ganol dydd)