Aseswr Dysgu yn y Gweithle mewn Sgiliau Hanfodol, 0.5

Cyflog: £14,939 - £16,211y flwyddyn, yn ddibynnol ar gymwysterau a phrofiad

Golyga'r swydd hon fod yn gyfrifol am recriwtio, cadw a rheoli llwyth achosion safonol o ddysgwyr sydd wedi dewis cofrestru ar gymwysterau Sgiliau Hanfodol Cymru.

Mae'r Asesydd yn gyfrifol am ddarparu hyfforddiant, asesu, a sicrhau ansawdd gwaith y dysgwyr. Bydd yr asesydd yn goruchwylio dealltwriaeth a chymhwysedd ymarferol y dysgwyr yn y gweithle.

O ddydd i ddydd bydd y swydd yn golygu cyfarfod â dysgwyr a chyflogwyr mewn lleoliadau gwaith gwahanol. Ar y cyfan, bydd hyn yn digwydd yn ddigidol ond bydd peth teithio'n ddisgwyliedig, gan weithio'n annibynnol i sicrhau cydymffurfiaeth â gofynion cymwysterau. Bydd gofyn i'r asesydd feddu ar y sgiliau i gynllunio ymweliadau mewn modd rhesymegol o ran cyfyngu ar deithio a gwneud y defnydd gorau o amser. Yn ogystal, bydd yn darparu adnoddau a chefnogaeth i fodloni anghenion unigol pob dysgwr yn ei ddewis iaith.

Bydd yr asesydd yn cynrychioli tîm aseswyr sgiliau hanfodol Cymru o fewn Busnes@gllm a bydd disgwyl iddo hyrwyddo'r cyrsiau a gynigir er mwyn annog dysgwyr i gofrestru arnynt. Bydd yr asesydd yn sicrhau bod y gwasanaeth a ddarperir i'r dysgwyr:

• O'r ansawdd uchaf posibl

• Yn darparu gwerth am arian

• Yn diwallu anghenion y cyflogwr ac anghenion y myfyrwyr sy'n derbyn hyfforddiant

Yn adlewyrchu cenhadaeth, gwerthoedd ac amcanion y coleg

Manylion Swydd
Cyfeirnod y Swydd
BD/323/26

Cyflog
£14,939 - £16,211y flwyddyn, yn ddibynnol ar gymwysterau a phrofiad

Lleoliad Gwaith

• Bangor

Hawl gwyliau

• 28 diwrnod y flwyddyn, yn codi i 32 diwrnod ar ôl pum mlynedd lawn o wasanaeth di-dor (01 Medi i 31 Awst).

• Yr holl wyliau cyhoeddus arferol, i'w pennu'n flynyddol.

• Hyd at 5 diwrnod effeithlonrwydd / diwrnod y trefnwyd i'r safle fod ar gau bob blwyddyn, i'w pennu'n flynyddol.

• Bydd gan y rhai ar gontractau Rhan-amser hawl pro rata i'r hyn a nodir uchod.

Patrwm gweithio
18.5 awr yr wythnos (efallai y bydd mwy o oriau ar gael)

Hawliau Pensiwn
Cynllun Pensiwn Llywodraeth Leol

Math o gytundeb
Rhan Amser Parhaol

Dyddiad cau
02 Medi 2026
12:00 YH(Ganol dydd)