Cynghorydd Adnoddau

Cyflog: £32,074 - £35,629

Cynghorydd Adnoddau
Swydd ddisgrifiad
37 awr yr wythnos

Helpwch ni i ddenu'r rhai sy'n ysgogi'r dyfodol.

Yn Coleg Gwent, ein staff yw'r rhai sydd wrth wraidd popeth a wnawn. Mae pob rôl yn y Coleg yn cyfrannu at greu cyfleoedd, trawsnewid bywydau a chefnogi ein dysgwyr i gyflawni eu huchelgeisiau.

Rydym yn chwilio am Gynghorydd Adnoddau AD profiadol a rhagweithiol i ymuno â'n tîm AD. Dyma gyfle cyffrous i chwarae rhan allweddol wrth ddarparu gwasanaeth recriwtio ac adnoddau rhagorol sy'n denu cydweithwyr talentog ac amrywiol a ysgogir gan werthoedd i helpu i lunio dyfodol addysg ledled y Coleg.

Gan weithio'n agos gyda rheolwyr ledled y Coleg, byddwch yn rhoi cyngor recriwtio arbenigol, yn hyrwyddo arferion recriwtio cynhwysol a mwy diogel, ac yn sicrhau bod pob ymgeisydd yn cael profiad cadarnhaol o'r cam ymgeisio hyd at benodiad.

Dyma gyfle i wneud gwahaniaeth gwirioneddol drwy ein helpu ni i ddenu pobl dalentog sy'n rhannu ein hangerdd dros drawsnewid bywydau drwy addysg.

Os ydych chi'n chwilio am rôl ble gallwch ddylanwadu ar strategaeth recriwtio, hyrwyddo arferion cynhwysol a chyfrannu at lwyddiant y Coleg yn y dyfodol, carem glywed oddi wrthych.

Rydym yn croesawu ceisiadau yn y Gymraeg, ac ni fydd y rhain yn cael eu trin yn llai ffafriol na cheisiadau cyfrwng Saesneg.

Gofynion a Chydymffurfiaeth

• Diogelu: Mae'r penodiad yn amodol ar feddu ar wiriad DBS Manwl boddhaol a bod yn gofrestredig gyda'r CGA (rhaid i'r ymgeisydd dalu'r costau).
• Cymwysterau: Rhaid i ddarlithwyr feddu ar gymhwyster addysgu neu fod yn barod i ennill un (e.e. TAR) o fewn cyfnod penodol.

Cydraddoldeb, Amrywiaeth a Chynhwysiant

Mae Coleg Gwent yn Gyflogwr gwrth-hiliol a Hyderus o ran Anabledd sydd wedi ymrwymo i gydraddoldeb o dan Ddeddf Cydraddoldeb 2010. Rydym yn croesawu pob math o hunaniaeth a dawn niwroamrywiol, ac anogwn geisiadau gan grwpiau heb gynrychiolaeth ddigonol (Lleiafrifoedd Ethnig, Benywod, pobl LHDTC+ a phobl ag anableddau) yn arbennig. Mae'r gefnogaeth yn cynnwys chwe rhwydwaith staff (Hil, LHDTC+, Anabledd, ayyb) a Grŵp Llywio Cydraddoldeb, Amrywiaeth a Chynhwysiant.

Llesiant Staff

Rydym yn darparu cefnogaeth iechyd gynhwysfawr sy'n cynnwys:

• Mynediad i'r gampfa a gweithgareddau llesiant â chymhorthdal.
• Mynediad i ap Headspace a hyrwyddwyr iechyd meddwl.
• Campysau ac ystafelloedd gweddïo hygyrch.

Dyddiad Cau: 23/08/26

Dyddiad Cyfweld: 01/09/26