Ymgynghorydd Adnoddau Dynol CC/3164

Cyflog: £33,912 - £37,644

Dogfen Proffil Swydd

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Ymgynghorydd Adnoddau Dynol

Lleoliad: Glannau Dyfrdwy (rhaid bod yn barod i deithio ar draws pob un o 5 safle Coleg Cambria)

Math o Gontract: Parhaol / Llawn Amser

Cyflog: £33,912 - £37,644

Ar hyn o bryd mae gennym ni swydd wag ar gyfer Ymgynghorydd Adnoddau Dynol parhaol i ymuno â thîm hynod groesawgar a chefnogol. Bydd y swydd wedi'i lleoli'n bennaf ar ein safle yng Nglannau Dyfrdwy, fodd bynnag, rhaid i ymgeiswyr fod yn barod i deithio'n rheolaidd i safleoedd eraill (gellir hawlio treuliau).

Rydyn ni'n chwilio am ymgeiswyr sydd â'r sgiliau i weithio mewn swydd hynod amrywiol mewn amgylchedd prysur. Byddwch chi'n dod ag ymagwedd ragweithiol at ddatrys heriau cymhleth sy'n ymwneud â phobl, yn chwilfrydig ac yn hyderus wrth feithrin perthnasoedd effeithiol ar draws y Coleg. Byddwch chi'n darparu cyngor proffesiynol ar ymholiadau dyddiol ar faterion AD gan reolwyr a gweithwyr, wrth gyflawni gweithgareddau sy'n gysylltiedig ag AD ar gyfer maes penodol o fewn y Coleg.

Byddwch chi'n gweithio ar draws ystod eang o dasgau a blaenoriaethau AD gan gynnwys rhoi cyngor ac arweiniad i reolwyr a gweithwyr ar bolisïau a gweithdrefnau sy'n gysylltiedig ag AD. Bydd rhan allweddol o'r swydd hon yn cynnwys cefnogi rheolwyr sydd â llwyth achosion cysylltiadau gweithwyr amrywiol, gan gynnwys absenoldeb, disgyblu, cwynion, materion gallu a pherfformiad, gan sicrhau bod cyngor yn cydymffurfio â'r gyfraith, yn bragmatig ac yn canolbwyntio ar atebion. Cefnogi rheolwyr gyda gweithgareddau sy'n gysylltiedig â recriwtio, gan gynnwys ysgrifennu disgrifiadau swyddi newydd, llunio rhestr fer, darparu cefnogaeth panel mewn cyfweliadau ac amrywiaeth eang o weithgareddau cyflogaeth gan sicrhau profiad rhagorol i ymgeiswyr drwy gydol y broses recriwtio.

Byddwch chi'n ymroddedig i ddarparu lefel uchel o wasanaeth cwsmeriaid a byddwch chi'n ymrwymedig i gadw i fyny â deddfwriaeth cyflogaeth ac arfer gorau AD. Byddwch chi'n meithrin perthnasoedd dibynadwy gyda rheolwyr a gweithwyr, gan ddarparu cyngor AD hyderus, credadwy a phroffesiynol.

Bydd y swydd hon yn gofyn i chi weithio'n rhagweithiol fel rhan o dîm ehangach, a bod yn hyblyg ac yn addasadwy pan fo angen. Byddwch chi hefyd yn hyderus yn gofyn y cwestiynau cywir, yn dadansoddi gwybodaeth yn wrthrychol ac yn herio'n adeiladol lle bo'n briodol i gefnogi gwneud penderfyniadau gwybodus.

Fel Ymgynghorydd AD byddwch chi'n cyfrannu at ddatblygu a gweithredu polisïau, prosesau a phrosiectau sy'n cefnogi gweledigaeth ehangach y Coleg ac yn hyrwyddo diwylliant o gydraddoldeb, amrywiaeth a chynhwysiant, ac yn eu cefnogi.

Mae'n bwysig eich bod chi'n gyfforddus yn gweithio gyda data a'ch bod chi'n gallu defnyddio data a dadansoddeg i ddeall a nodi cyfleoedd ar gyfer gwelliant pellach, nodi tueddiadau a chefnogi gwneud penderfyniadau sy'n seiliedig ar dystiolaeth i wella ein harferion pobl yn barhaus.

Gofynion Hanfodol

• Cymhwyster proffesiynol CIPD i Lefel 5
• Profiad o roi cyngor ac arweiniad i reolwyr ar faterion sy'n ymwneud ag AD
• Profiad o brosesu gweithdrefnau AD gweithrediadol

Hanfodol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Rydyn ni'n adeiladu coleg sy'n adlewyrchu'r gymuned fywiog ac amrywiol rydyn ni'n ei gwasanaethu. Rydyn ni'n croesawu ac yn annog ceisiadau gan unigolion o bob cefndir, yn enwedig y rhai o grwpiau heb gynrychiolaeth ddigonol.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig