Swyddog Gweinyddol (Lefel 3) - Ysgol Gynradd Arberth

Cyflog: Gradd 5 - £26,824 - £27,694 pro rata

Gradd 5 - £26,824 am 37.5 awr yr wythnos yn ystod y tymor yn unig, sef am 45.8 wythnos y flwyddyn, sy'n cyfateb i £23,880.73 pro rata.

Rydyn ni'n chwilio am rywun sy'n bodloni'r canlynol:

Yn gyfeillgar, yn hawdd mynd ato ac yn broffesiynol, gyda sgiliau cyfathrebu a rhyngbersonol rhagorol. Fel y pwynt cyswllt cyntaf i lawer o ymwelwyr, byddwch yn gallu sgwrsio'n hyderus, yn gwrtais ac yn broffesiynol â phlant, rhieni, ymwelwyr a chydweithwyr, gan greu argraff gyntaf gynnes a chroesawgar o'n hysgol.

Byddwch yn drefnus iawn, yn gallu blaenoriaethu eich llwyth gwaith a gweithio'n effeithlon mewn swyddfa ysgol brysur. Bydd gennych sgiliau TG da, byddwch yn hyderus wrth ddefnyddio amrywiaeth o feddalwedd swyddfa a systemau rheoli, a byddwch yn gallu cynnal cyfrinachedd wrth drin gwybodaeth sensitif gyda disgresiwn. Mae'r gallu i weithio'n annibynnol ac fel rhan o dîm cefnogol yn hanfodol.

Byddai profiad blaenorol o weithio mewn amgylchedd ysgol yn fantais, yn ogystal â phrofiad o waith gweinyddol ariannol, gan gynnwys prosesu archebion, anfonebau a chyllidebau. Byddai'r gallu i gyfathrebu drwy gyfrwng y Gymraeg, neu barodrwydd i ddatblygu eich sgiliau Cymraeg, hefyd yn ddymunol.

Yn bwysicach, rydym yn chwilio am rywun sy'n ymroddedig i ddarparu gwasanaeth gweinyddol effeithlon o ansawdd uchel sy'n cefnogi'r gwaith o redeg yr ysgol yn esmwyth ac yn cyfrannu'n gadarnhaol at brofiad ein disgyblion, teuluoedd a staff.

Yn gyfnewid, gallwn gynnig... ...y cyfle i weithio yn Ysgol Gynradd Arberth, ysgol gynradd ddwy ffrwd hapus, ofalgar a chynhwysol lle mae llesiant disgyblion a staff wrth wraidd popeth a wnawn. Byddwch yn ymuno â thîm croesawgar, cyfeillgar a chefnogol sy'n gweithio ar y cyd i ddarparu'r cyfleoedd gorau i'n plant.

Mae ein disgyblion yn frwdfrydig, yn gwrtais ac yn awyddus i ddysgu, ac maen nhw'n falch iawn o fod yn rhan o gymuned ein hysgol. Rydym wedi ymrwymo i greu amgylchedd gwaith cadarnhaol a gwerth chweil lle mae pob aelod o staff yn cael ei barchu, ei werthfawrogi a'i annog i ddatblygu'n broffesiynol. Mae hwn yn gyfle cyffrous i chwarae rhan allweddol ym mywyd ein hysgol, gan gefnogi'r gwaith o'i rhedeg o ddydd i ddydd wrth wneud gwahaniaeth ystyrlon i'n plant, teuluoedd a'r gymuned ehangach.

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg ddim yn hanfodol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.