Technegydd Weldio

Cyflog: £15,780 - £17,677 / blwyddyn

Technegydd Weldio
Application Deadline: 4 August 2026

Department: Peirianneg

Employment Type: Parhaol

Location: Campws Graig

Reporting To: Pennaeth Cwricwlwm

Compensation: £15,780 - £17,677 / blwyddyn

DescriptionRydyn ni'n chwilio am Dechnegydd Weldio ymroddgar a medrus i ymuno â'n Hadran Beirianneg ddeinamig yng Ngholeg Sir Gâr a Choleg Ceredigion. Mae'r rôl hon yn hanfodol o ran sicrhau gweithrediad didrafferth a diogel ein gweithdai weldio ar gampws y Graig.

Mae'r swydd hon yn chwarae rôl hanfodol wrth ddarparu cymorth technegol o ansawdd uchel i fyfyrwyr a staff academaidd yn ystod sesiynau addysgu ymarferol. Chi fydd yn bennaf gyfrifol am gadw trefn ar y gweithdy, cydymffurfio ag iechyd a diogelwch, a chynnal a chadw cyfarpar arbenigol, gan gynnwys MIG, TIG, MMA, ac offer ocsi-asetylen.

Gan weithio'n agos gyda Phennaeth y Cwricwlwm, arweinwyr cwrs, a staff darlithio, byddwch yn cefnogi cyfathrebu ac yn sicrhau bod pob gweithgarwch sy'n seiliedig ar weithdai yn cael ei gyflwyno'n effeithiol ac yn ddiogel. Bydd eich gwaith yn helpu i gynnal amgylchedd dysgu glân, trefnus lle mae prosesau iechyd a diogelwch statudol—megis Asesiadau Risg a chofnodion COSHH—yn cael eu dilyn yn fanwl.

Daw'r rôl o fewn yr Adran Beirianneg ac mae'n cynnwys ystod eang o ddyletswyddau technegol, o baratoi metel gan ddefnyddio gilotinau a thorwyr plasma i reoli stocrestr storfeydd ac archebu nwyddau traul. Fel rhan o'n tîm cydweithredol technegol, byddwch yn cyfrannu at amgylchedd dysgu cadarnhaol a chynhwysol ac yn ategu ymrwymiad y Coleg i ragoriaeth a phroffesiynoldeb.

Dyma gyfle ardderchog i rywun â phrofiad technegol diweddar a pherthnasol mewn weldio sy'n drefnus iawn, ymwybodol o ddiogelwch, ac sy'n ymrwymedig i ddarparu cefnogaeth neilltuol o fewn lleoliad addysgol.

Cyfrifoldebau AllweddolBydd disgwyl i'r Technegydd:

• Ddarparu cefnogaeth a chymorth technegol ar gyfer gwaith addysgu a dysgu o fewn eich maes, gan ymateb i anghenion myfyrwyr, staff academaidd a'r arweinydd (arweinwyr) cwrs perthnasol;
• Cynnal a chadw amgylchedd gwaith glân a diogel yn y gweithdai weldio, gan gydymffurfio â rheoliadau Iechyd a Diogelwch;
• Paratoi, cynnal a diweddaru dogfennau Iechyd a Diogelwch perthnasol megis Asesiadau Risg, Systemau Gwaith Diogel, cofnodion COSHH a chofnodion cynnal a chadw cyfarpar, trwy gysylltu â thimau cwrs;
• Cynnal a chadw a thrin cyfarpar weldio, gan gynnwys MIG, TIG, MMA a chyfarpar ocsi-asetylen;
• Sicrhau bod cyfarpar cwrs, deunyddiau a stoc yn derbyn y gofal priodol a'u bod yn cael eu rheoli, eu cynnal a'u cadw a'u diogelu, a bod offer a chyfarpar yn cael eu storio o'r neilltu ar ôl pob sesiwn;
• Cadw stocrestr stordai ar gyfer nwyddau traul, cyfarpar ac adnoddau cyflwyno;
• Mynd ati i archebu stoc yn unol â gweithdrefnau ariannol y coleg a diweddaru'r gronfa ddata archebu ar-lein;
• Paratoi deunyddiau metel mewn modd cywir a diogel. Gweithredu amrywiol beiriannau torri gan gynnwys gilotinau, cylchlifiau, a thorwyr plasma.
• Cymryd rhan yng nghyfarfodydd tîm y cwrs; pwyllgorau ymgynghorol myfyrwyr; a chyfarfodydd y maes cwricwlwm yn ôl y gofyn;
• Cyflawni dyletswyddau sy'n cefnogi gwaith marchnata a hyrwyddo rhaglen y cwrs;
• Cynorthwyo darlithwyr a myfyrwyr wrth iddynt ymgymryd â gweithgareddau yn y gweithdy, yn unol ag amserlen y cytunwyd arni;
• Cyflawni unrhyw ddyletswyddau eraill yn ôl cyfarwyddyd y Pennaeth/Prif Weithredwr, yn gymesur â gradd y swydd, yn y gweithle cychwynnol neu leoliadau eraill yn y Coleg.

Sgiliau Gwybodaeth ac ArbenigeddHanfodol

• Cymhwyster galwedigaethol perthnasol mewn weldio neu ddisgyblaeth beirianneg gysylltiedig
• TGAU Saesneg a Mathemateg - o leiaf Gradd C neu Lefel O cyfwerth
• IOSH Rheoli'n Ddiogel (Os nad oes gennych gymhwyster IOSH, bydd disgwyl i chi ymgymryd â hyfforddiant cyn gynted â phosibl)
• Hyfforddiant Iechyd a Diogelwch priodol (neu barodrwydd i ymgymryd â hyfforddiant priodol)
• Cymhwyster Cymorth Cyntaf (Os nad oes gennych gymhwyster Cymorth Cyntaf, bydd disgwyl i chi ymgymryd â hyfforddiant cyn gynted â phosibl)
• Profiad diweddar a pherthnasol o'r maes/meysydd technegol dan sylw
• Dealltwriaeth dda o'r rôl cymorth technegol mewn Addysg Bellach ac Addysg Uwch
• Bod yn gymwys i ddefnyddio peiriannau weldio a thorri
• Cyfathrebwr da â diplomyddiaeth a thact
• Sgiliau rhyngbersonol a threfniadol da
• Y gallu i weithio'n gytûn gyda myfyrwyr a chydweithwyr
• Y gallu i weithio dan bwysau ac i derfynau amser tynn
• Y gallu i weithio'n hyblyg

Yr Iaith Gymraeg:

• Llefaredd Cymraeg (Gwrando/Siarad) - Lefel 3/4 Hanfodol
• Llythrennedd Cymraeg (Ysgrifennu/Darllen) - Lefel 3/4 Hanfodol

(Gweler disgrifiadau iaith manwl ynghlwm)

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Buddion

• Byddwch yn cael 28 diwrnod o wyliau, ynghyd â gwyliau banc a phum diwrnod cau sef cyfanswm o 41 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein