Technegydd Peirianneg Fodurol 0.8

Cyflog: £18,959 - £21,238 / blwyddyn

Technegydd Peirianneg Fodurol 0.8
Application Deadline: 3 August 2026

Department: Cerbydau Modur

Employment Type: Parhaol

Location: Campws Pibwrlwyd

Reporting To: Pennaeth Cwricwlwm

Compensation: £18,959 - £21,238 / blwyddyn

DescriptionRydym yn chwilio am unigolyn rhagweithiol a brwdfrydig i ymuno â'n tîm Modurol yng Nghyfadran y Celfyddydau Creadigol a Choginiol, Gwyddor Anifeiliaid, Modurol a Thechnoleg.

Mae ein darpariaeth Modurol yn cynnig cwricwlwm eang o Lefel Mynediad i Lefel 3, gan gynnwys rhaglenni astudio llawn amser, darpariaeth cyswllt ysgolion a phrentisiaethau. Mae'r adran wedi ymrwymo i ddarparu profiad dysgu rhagorol, gyda dysgwyr yn elwa o raglen diwtorial gref, cyfleoedd cyfoethogi a'r cyfle i arddangos eu sgiliau trwy ddigwyddiadau'r Coleg a digwyddiadau allanol.

Fel Technegydd Modurol, byddwch yn chwarae rhan allweddol wrth gefnogi'r gwaith o gyflwyno dysgu ymarferol o ansawdd uchel. Gan weithio'n agos gyda staff addysgu, byddwch yn sicrhau bod gweithdai, cerbydau, offer a chyfarpar yn cael eu cynnal a'u paratoi i safon uchel, gan ddarparu amgylchedd dysgu diogel, trefnus a pherthnasol i'r diwydiant i'n dysgwyr.

Bydd gan yr ymgeisydd llwyddiannus ymrwymiad cryf i iechyd a diogelwch, sgiliau trefnu rhagorol a'r gallu i gydweithio fel rhan o dîm cwricwlwm prysur. Dyma gyfle gwych i gyfrannu at ddatblygiad dysgwyr a chefnogi'r gwaith o gyflwyno cwricwlwm modurol uchelgeisiol a diddorol.

Cyfrifoldebau AllweddolBydd disgwyl i'r Technegydd:

• ddarparu cefnogaeth a chymorth technegol ar gyfer gwaith dysgu ac addysgu o fewn eich maes, gan ymateb i anghenion myfyrwyr, staff academaidd a'r arweinydd (arweinwyr) cwrs perthnasol;
• cynnal a chadw amgylchedd gwaith glân a diogel yn y gweithdai modurol, gan gydymffurfio â rheoliadau Iechyd a Diogelwch;
• paratoi, cynnal a diweddaru dogfennau Iechyd a Diogelwch perthnasol megis Asesiadau Risg, Systemau Gwaith Diogel, cofnodion COSHH a chofnodion cynnal a chadw cyfarpar, trwy gysylltu â thimau cwrs;
• cynnal a chadw, uwchraddio a gwasanaethu cyfarpar a cherbydau gan gynnwys ailadeiladu ac atgyweirio, yn ôl y bwriad, y gofyn neu ar gais;
• sicrhau bod cyfarpar cwrs, deunyddiau a stoc yn derbyn y gofal priodol a'u bod yn cael eu rheoli, eu cynnal a'u cadw a'u diogelu, a bod offer a chyfarpar yn cael eu storio o'r neilltu ar ôl pob sesiwn;
• cadw stocrestr stordai ar gyfer nwyddau traul, cyfarpar ac adnoddau cyflwyno;
• mynd ati i archebu stoc yn unol â gweithdrefnau ariannol y coleg a diweddaru'r gronfa ddata archebu ar-lein;
• darparu gwasanaeth cyflenwi o'r stordai ar gyfer nwyddau traul y cwrs a gwasanaeth benthyca a dychwelyd ar gyfer yr holl gyfarpar adrannol ac eitemau cwrs eraill;
• cymryd rhan yng nghyfarfodydd tîm y cwrs; pwyllgorau ymgynghorol myfyrwyr; a chyfarfodydd y maes cwricwlwm yn ôl y gofyn;
• cyflawni dyletswyddau sy'n cefnogi gwaith marchnata a hyrwyddo rhaglen y cwrs;
• cynorthwyo darlithwyr a myfyrwyr wrth iddynt ymgymryd â gweithgareddau mewn gweithdy, yn unol ag amserlen y cytunwyd arni;
• cyflawni unrhyw ddyletswyddau eraill yn ôl cyfarwyddyd y Pennaeth/Prif Weithredwr, yn gymesur â gradd y swydd, yn y gweithle cychwynnol neu leoliadau eraill yn y Coleg.

Sgiliau Gwybodaeth ac ArbenigeddHanfodol

• Cymhwyster VCQ / NVQ Lefel 3 o leiaf a/neu gymhwyster cyfatebol ym maes Cynnal a Chadw ac Atgyweirio Cerbydau Modur
• TGAU Saesneg - o leiaf Gradd C neu Lefel O cyfwerth
• TGAU Mathemateg - o leiaf Gradd C neu Lefel O cyfwerth
• IOSH Rheoli'n Ddiogel (Os nad oes gennych gymhwyster IOSH, bydd disgwyl i chi ymgymryd â hyfforddiant cyn gynted â phosibl)
• Hyfforddiant Iechyd a Diogelwch priodol (neu barodrwydd i ymgymryd â hyfforddiant priodol)
• Cymhwyster Cymorth Cyntaf (Os nad oes gennych gymhwyster Cymorth Cyntaf, bydd disgwyl i chi ymgymryd â hyfforddiant cyn gynted â phosibl)
• Profiad diweddar a pherthnasol o'r maes/meysydd technegol dan sylw
• Dealltwriaeth dda o'r rôl cymorth technegol ym maes Addysg Bellach ac Addysg Uwch.
• Profiad o weithio mewn amgylchedd gweithdy modurol yn y diwydiant
• Bod yn gymwys wrth ddefnyddio'r cyfarpar canlynol: Cyfarpar gweithdy modurol e.e. aliniwr pedair olwyn, offer sganio diagnostig.
• Cyfathrebwr da â diplomyddiaeth a thact
• Sgiliau rhyngbersonol a threfniadol da
• Y gallu i weithio'n gytûn gyda myfyrwyr a chydweithwyr
• Y gallu i weithio dan bwysau ac i derfynau amser tynn
• Y gallu i weithio'n hyblyg

Dymunol

• Gallu gyrru bws mini'r coleg

Yr Iaith Gymraeg:

• Llefaredd Cymraeg (Gwrando/Siarad) - Lefel 0/1 Dymunol
• Llythrennedd Cymraeg (Ysgrifennu/Darllen) - Lefel 0/1 Dymunol

(Gweler disgrifiadau iaith manwl ynghlwm)

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Buddion

• Byddwch yn cael 28 diwrnod o wyliau, ynghyd â gwyliau banc a phum diwrnod cau sef cyfanswm o 41 diwrnod o wyliau y flwyddyn.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein