Cynorthwyydd Addysgu (Lefel 2) - Ysgol Gynradd Arberth

Cyflog: Gradd 4 - £25,989 - £26,403

Swydd Wag Cynorthwyydd Addysgu

Cynorthwyydd Addysgu (rhan-amser - 4 diwrnod yr wythnos)

Ysgol Gynradd Arberth

Dydd Llun, Dydd Mawrth, Dydd Iau a Dydd Gwener
8.45am-3.15pm

Tymor penodol tan 31 Awst 2027

Gradd 4 - £25,989 am 23 awr yr wythnos am 45.8 wythnos y flwyddyn, sy'n cyfateb i £14,790.91 pro rata.

Mae Ysgol Gynradd Arberth yn ysgol gynradd ddwy ffrwd hapus, ofalgar a chynhwysol lle mae pob plentyn yn cael ei annog i gyflawni ei botensial llawn mewn amgylchedd meithringar a chefnogol. Rydym yn chwilio am Gynorthwyydd Addysgu brwdfrydig, ymrwymedig a thosturiol i ymuno â'n tîm ymroddedig.

Bydd yr ymgeisydd llwyddiannus yn gweithio yn ein dosbarth cyfrwng Cymraeg, gan gefnogi dysgu disgyblion yng ngham cynnydd 3. Bydd yn gweithio'n agos gyda'r athro dosbarth i ddarparu cefnogaeth ddysgu o ansawdd uchel, gan helpu disgyblion i gael mynediad at y cwricwlwm, datblygu annibyniaeth a ffynnu'n academaidd ac yn gymdeithasol.

Bydd y rôl hefyd yn cynnwys cefnogi disgyblion ag anghenion meddygol, felly mae hyder wrth ddilyn cynlluniau gofal iechyd a gweithio'n agos gyda staff yr ysgol a theuluoedd yn hanfodol. Darperir hyfforddiant priodol lle bo angen.

Rydyn ni'n chwilio am rywun sy'n bodloni'r canlynol:

• yn ymrwymedig i gynorthwyo plant i gyflawni eu gorau glas
• profiad o weithio gyda phlant oedran cynradd mewn ysgol neu leoliad tebyg
• yn gallu cyfathrebu'n effeithiol a gweithio'n gadarnhaol fel rhan o dîm
• yn ofalgar, yn amyneddgar, yn hyblyg ac yn gallu meithrin perthnasoedd cadarnhaol gyda phlant
• yn hyderus wrth gynorthwyo dysgu disgyblion yn yr ystafell ddosbarth.
• yn barod i gynorthwyo disgyblion ag anghenion meddygol a thoiled ac ymgymryd ag unrhyw hyfforddiant angenrheidiol
• profiad o gefnogi disgyblion ag anghenion dysgu ychwanegol (dymunol)
• yn gallu cyfathrebu drwy gyfrwng y Gymraeg neu'n hyderus yn gweithio mewn ystafell ddosbarth cyfrwng Cymraeg (hanfodol ar gyfer y swydd hon)

Gallwn gynnig y canlynol:

• Cymuned ysgol groesawgar, hapus a chynhwysol
• Plant brwdfrydig, sy'n ymddwyn yn dda, sy'n ofalgar ac yn mwynhau dysgu
• Tîm staff cefnogol a phrofiadol
• Cyfleoedd ar gyfer dysgu a datblygiad proffesiynol
• Amgylchedd gwaith cadarnhaol lle mae cyfraniad pawb yn cael ei werthfawrogi

Os ydych chi'n angerddol am wneud gwahaniaeth i fywydau plant ac yn dymuno dod yn rhan o'n tîm ymroddedig, byddem wrth ein bodd yn clywed gennych chi.

Mae Ysgol Gynradd Arberth wedi ymrwymo i ddiogelu a hyrwyddo llesiant plant a phobl ifanc. Bydd gofyn i'r ymgeisydd llwyddiannus gael gwiriad DBS manwl a gwiriadau cyn cyflogi boddhaol yn unol â gweithdrefnau recriwtio mwy diogel.

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.