Cynorthwyydd Addysgu Lefel 2 (AAA) - Ysgol Bro Dinefwr

Cyflog: £27,459 - £30,722

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 3603

Sefydliad:

Ysgolion

Nifer y swyddi gwag:

6

Math o gontract:

Dros Dro/Secondiad - Yn Ystod y Tymor yn Unig

Dyddiad gorffen y contract:

31 Awst 2027

Lleoliad:

Sir Gaerfyrddin

Gradd:

Gradd E +4%

Cyflog:

£27,459 - £30,722

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£14.23 - £15.92

Oriau Contract:

30

Dewch i ymuno â'n tîm

Mae Ysgol Bro Dinefwr yn chwilio am Gynorthwyydd Addysgu Lefel 2 brwdfrydig, gofalgar ac ymroddedig i ymuno â'n tîm cefnogol o fewn Uned Arbenigol Canolfan Cothi.

Mae hwn yn gyfle gwerth chweil i gefnogi dysgwyr awtistig a phobl ifanc ag anghenion dysgu ychwanegol i gyflawni eu potensial llawn mewn amgylchedd meithringar, strwythuredig a chynhwysol.

Bydd yr ymgeisydd llwyddiannus yn gweithio'n agos gydag athrawon, rhieni, asiantaethau allanol a gweithwyr proffesiynol eraill i ddarparu cymorth o safon uchel sy'n hyrwyddo annibyniaeth, cyfathrebu, llesiant a llwyddiant academaidd.
Rydym yn Chwilio am rywun sydd yn:

• Meddu ar brofiad o weithio gyda phlant neu bobl ifanc ag Anhwylder Sbectrwm Awtistig (ASD) a/neu Anghenion Dysgu Ychwanegol (ADY).
• Yn dangos amynedd, empathi a gwydnwch.
• Yn meddu ar sgiliau cyfathrebu a gwaith tîm rhagorol.
• Yn gallu meithrin perthnasoedd cadarnhaol a phroffesiynol gyda disgyblion, cydweithwyr a theuluoedd.
• Yn gallu addasu i anghenion unigol dysgwyr.
• Yn meddu ar ddealltwriaeth dda o gyfrifoldebau diogelu.
• Yn ymrwymedig i addysg gynhwysol a disgwyliadau uchel ar gyfer pob dysgwr.

Gallwn Gynnig:

• Amgylchedd gwaith croesawgar a chefnogol.
• Cyfleoedd ar gyfer datblygiad proffesiynol a hyfforddiant arbenigol ASD.
• Y cyfle i wneud gwahaniaeth gwirioneddol i fywydau pobl ifanc.
• Mynediad at gymorth llesiant a chyfleoedd dysgu proffesiynol.
• Swydd werthfawr ac amrywiol o fewn darpariaeth arbenigol uchel ei pharch.

Bydd angen gwybodaeth sylfaenol o'r Gymraeg arnoch. Gellir darparu cymorth ar ôl penodi i'ch helpu i gyrraedd y lefel hon.

Am sgwrs anffurfiol cysylltwch â Deborah.lloyd@brodinefwr.org.uk - 01558 824800

Disgrifiad Swydd:

Teaching Assistant Level 2 - ALN (September 2026)English Medium.pdf - 342KB ~~EFORM_FILE_NEW_WINDOW~~

Dyddiad disgwyliedig y cyfweliad:

3 Medi 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 20/08/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.