Athro/Athrawes - Ysgol Portfield

Cyflog: Graddfa Gyflog o fewn: £33,731 - £51,942

Rydym yn recriwtio tri Athro ADY profiadol parhaol (dyddiad cychwyn mis Medi, hanner tymor yr Hydref neu fis Ionawr 2027 - yn dibynnu ar y cyfnod rhybudd sydd ei angen).

Prif Raddfa - uwch raddfa gyflog a lwfans ADY.

Ydych chi'n athro anghenion arbennig rhagorol sy'n chwilio am her newydd, dechrau newydd, a'r cyfle i wneud gwahaniaeth gwirioneddol bob dydd?

Rydym ni yn Ysgol Portfield yn chwilio am dri athro ADY eithriadol a phrofiadol i ymuno â'n tîm ymroddedig ac uchelgeisiol. Mae hon yn fwy na dim ond swydd addysgu - dyma gyfle i fod yn rhan o rywbeth gwirioneddol arbennig.

Dewch i newid bywydau yn Ysgol Portfield, Sir Benfro

Pam dewis Ysgol Portfield?

• Adeilad ysgol newydd syfrdanol.
• Byddwch yn gweithio yn ein cyfleusterau o'r radd flaenaf, sydd wedi'u cynllunio i ddarparu'r amgylchedd dysgu gorau i ddisgyblion a staff.
• Disgyblion a theuluoedd anhygoel.
• Mae ein plant yn ysbrydoledig, yn wydn ac yn llawn potensial.

Byddwch yn gweithio ochr yn ochr â theuluoedd cefnogol a thîm angerddol sydd wedi ymrwymo i helpu pob dysgwr i ffynnu.

Byw a gweithio ym mhrydferthwch Sir Benfro - dychmygwch orffen eich gwaith a chael mynd i rai o draethau, llwybrau arfordirol a chefn gwlad mwyaf godidog y DU. Mae Sir Benfro yn cynnig ansawdd bywyd rhagorol a lle gwych i'w alw'n gartref.

Rydym yn cynnig pecyn adleoli deniadol o hyd at £8,000 i ymgeiswyr llwyddiannus sy'n symud i ymuno â'n tîm.

Dyddiad dechrau hyblyg - Rydym yn chwilio am y bobl gywir a gallwn gynnig dyddiad cychwyn ym mis Medi, mis Hydref neu fis Ionawr.

Rydym yn chwilio am athrawon sydd:

• Â phrofiad o weithio â phlant ag anghenion dysgu ychwanegol/AAAA
• Yn angerddol am addysg gynhwysol
• Â disgwyliadau uchel ac ymrwymiad i helpu pob plentyn i gyflawni ei botensial
• Yn greadigol, yn wydn ac yn frwdfrydig
• Eisiau bod yn rhan o gymuned ysgol gefnogol a blaengar

Yr hyn yr ydym yn ei gynnig:

• Swyddi addysgu parhaol
• Cyfleoedd proffesiynol eithriadol ar gyfer dysgu a datblygu gyrfa
• Tîm arwain cefnogol
• Cyfleusterau ac adnoddau rhagorol
• Cymuned ysgol gynnes, groesawgar a gofalgar
• Y cyfle i wneud gwahaniaeth parhaol i fywydau plant a'u teuluoedd

A'i hon fydd eich antur nesaf?

Os ydych chi'n athro/athrawes ADY profiadol sy'n chwilio am yrfa werth chweil a ffordd o fyw anhygoel, byddem wrth ein bodd yn clywed gennych chi.

Dewch i ddarganfod pam fod Ysgol Portfield yn lle mor arbennig i weithio ynddi.

Pecyn adleoli £8,000 ar gael.

Ymgeisiwch nawr a helpwch ni i greu dyfodol eithriadol i bobl ifanc eithriadol.

Fideo Addysgu Sir Benfro: Fideo - Cyngor Sir Penfro

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.