Rheolwr Arholiadau

Cyflog: £40,847 - £43,267 per annum

Mae Coleg Caerdydd a'r Fro yn chwilio am Reolwr Arholiadau profiadol a threfnus iawn i arwain darpariaeth effeithiol pob arholiad ac asesiad allanol ar draws y Coleg.
Y rôl

Byddwch yn gweithredu fel prif bwynt cyswllt y Coleg ar gyfer pob gweithgaredd arholiadau, gan sicrhau bod prosesau'n cael eu cyflawni'n effeithlon, yn ddiogel, ac yn gwbl gydymffurfiol â rheoliadau JCQ a gofynion cyrff dyfarnu.

Bydd y prif gyfrifoldebau'n cynnwys:

• Arwain gweinyddiaeth arholiadau ac asesiadau allanol
• Sicrhau cydymffurfiaeth â'r holl ofynion rheoleiddiol
• Rheoli cofrestriadau ymgeiswyr, cofnodion mynediad a phrosesau canlyniadau
• Gweithio'n agos gyda thimau cwricwlwm, uwch arweinwyr a chyrff allanol
• Cynnal gweithdrefnau, polisïau a threfniadau wrth gefn cadarn
• Darparu hyfforddiant, cyngor a chymorth i staff
• Diogelu uniondeb a diogelwch y broses arholiadau

Amdanoch chi

Bydd gennych:

• Brofiad o reoli arholiadau neu mewn amgylchedd tebyg wedi'i reoleiddio
• Dealltwriaeth gadarn o ofynion cyrff dyfarnu a chydymffurfiaeth
• Y gallu profedig i arwain timau a darparu gwasanaethau o safon uchel
• Sgiliau trefnu rhagorol gyda sylw cryf i fanylion
• Y gallu i weithio dan bwysau a chwrdd â therfynau amser llym

Mae agwedd gadarnhaol a rhagweithiol ynghyd ag ymrwymiad i welliant parhaus yn hanfodol.

Y dyddiad cau ar gyfer derbyn ceisiadau cyflawn yw 2 Gorffennaf 2026 - 11:59yh.

I gael rhagor o wybodaeth neu i wneud cais, ewch i www.cavc.ac.uk neu cysylltwch â'r Adran Adnoddau Dynol drwy recruitment@cavc.ac.uk.

Rhaid cyflwyno ceisiadau gan ddefnyddio ffurflen gais Coleg Caerdydd a'r Fro yn unig. Mae'r Coleg yn croesawu ceisiadau yn Gymraeg. Ni chaiff ceisiadau a gyflwynir yn Gymraeg eu trin yn llai ffafriol na cheisiadau yn Saesneg. Os cewch eich gwahodd i gyfweliad, rhowch wybod i ni os hoffech i'r cyfweliad a'r broses asesu gael eu cynnal yn Gymraeg.

Mae pob swydd wag yn amodol ar wiriad y Gwasanaeth Datgelu a Gwahardd (DBS), ac ni fydd cyflogaeth yn dechrau heb wiriad DBS dilys a chyfredol. Mae hyn yn ofyniad cytundebol y mae'n rhaid ei fodloni cyn dechrau eich cyflogaeth. Mae gweithdrefn y Coleg ar gyfer Addasrwydd Cyn-droseddwyr ar gyfer Cyflogaeth ar gael ar gais.

Mae'r rhain yn ofynion cytundebol y mae'n rhaid eu bodloni cyn i'ch cyflogaeth ddechrau.

Rydym wedi ymrwymo i recriwtio a chadw pobl anabl ac rydym yn gyflogwr cynllun Hyderus o ran Anabledd.