Cwnselydd Ysgol (Cyfnod Mamolaeth)

Cyflog: Gradd 7 - £32,061 – £35,412 pro rata

Mae gan Wasanaeth Cwnsela mewn Ysgolion Sir Benfro gyfle cyffrous i gwnselydd cymwys ac ymroddedig i ennill profiad amhrisiadwy o weithio gydag ystod amrywiol o bobl ifanc.

Ydych chi'n gwnselydd tosturiol a medrus sy'n ymroddedig i gynorthwyo plant a phobl ifanc i ffynnu?

Rydym yn chwilio am Gwnselydd Ysgol brwdfrydig i weithio gyda disgyblion Blwyddyn 4 hyd at Blwyddyn 13 ar draws ein cymuned ysgol gefnogol a meithringar. Byddwch yn gweithio yn ôl y canllawiau a nodir gan fframwaith moesegol Cymdeithas Cwnsela a Seicotherapi Prydain a Phecyn cymorth gweithredu cwnsela mewn ysgolion a Gweithdrefnau Diogelu Cymru Gyfan 2025.

Mae hwn yn gyfle gwerth chweil i wneud gwahaniaeth gwirioneddol ym mywydau pobl ifanc drwy ddarparu cymorth therapiwtig o ansawdd uchel o fewn lleoliad addysgol.

Y rôl

Byddwch yn gyfrifol am y canlynol:

• Darparu cymorth cwnsela unigol i ddisgyblion 8-18 oed
• Magu perthnasoedd cryf, ymddiriedus gyda phlant a phobl ifanc
• Gweithio ar y cyd â staff yr ysgol, rhieni, a gweithwyr proffesiynol allanol lle bo'n briodol
• Cynnal cofnodion cywir a chynnal cyfrifoldebau diogelu yn unol â deddfwriaeth yr awdurdod lleol a Llywodraeth Cymru.
• Cynorthwyo disgyblion gyda llesiant emosiynol

Rydym yn chwilio am rywun sydd â'r canlynol:

• cymhwyster cwnsela cydnabyddedig o gwrs achrededig Cymdeithas Cwnsela a Seicotherapi Prydain (Lefel 4 o leiaf) yn ddelfrydol gyda hyfforddiant mewn Plant a Phobl Ifanc Lefel 5.
• profiad helaeth o weithio gyda phlant a phobl ifanc
• profiad o sgiliau chwarae
• profiad a dealltwriaeth dda o weithio gyda thrawma yn effeithiol
• yn gynnes, yn empathig, yn frwdfrydig ac yn hawdd mynd ato
• yn deall diogelu a chyfrinachedd mewn ysgolion
• yn gallu gweithio'n annibynnol ac hefyd bod yn rhan o dîm bugeiliol ehangach
• sgiliau rheoli amser rhagorol ac yn cynnal ffiniau cadarn ynghylch sesiynau cwnsela
• profiad o weithio ar blatfformau ar-lein fel Microsoft

Yr hyn yr ydym yn ei gynnig:

• pum diwrnod yr wythnos, amser tymor yn unig
• rôl ystyrlon lle mae eich gwaith yn wirioneddol bwysig
• amgylchedd tîm croesawgar a chefnogol
• lefelau uchel o gymorth a goruchwyliaeth reolaidd gan reolwr llinell profiadol
• goruchwyliaeth glinigol reolaidd i fodloni gofynion llwyth achosion a Chymdeithas Cwnsela a Seicotherapi Prydain
• cyfleoedd ar gyfer datblygiad proffesiynol a hyfforddiant.
• lwfans milltiroedd ar gyfer sesiynau ysgol gynradd

Os ydych chi'n angerddol am wella llesiant emosiynol plant a phobl ifanc ac os hoffech ymuno â thîm gofalgar ac ymroddedig, byddem wrth ein boddau yn clywed gennych.

Byddem yn ystyried rhannu swydd.

I wneud cais neu am ragor o wybodaeth, cysylltwch â ni heddiw.

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.