Improvement Adviser - Secondary/ Special Schools

Cyflog: Soulbury 20-23 plus 3 SPA

Ymgynghorydd gwella ar gyfer ysgolion (Uwchradd / Arbennig)

Cyngor Sir Penfro
Rhan-amser (0.4 cyfwerth ag amser llawn), tymor penodol - un flwyddyn (yn y lle cyntaf)

Mae Cyngor Sir Penfro am benodi ymgynghorydd gwella profiadol ar gyfer ysgolion i gefnogi, herio a sicrhau gwelliant mewn ysgolion uwchradd. Byddai'n ddymunol meddu ar brofiad o ysgol arbennig neu ddarpariaeth arbenigol.

Swydd ran-amser (0.4 cyfwerth ag amser llawn), tymor penodol am un flwyddyn yn y lle cyntaf yw hon, wedi'i hariannu i gryfhau gallu'r cyngor i gefnogi ysgolion sy'n peri pryder a'r rhai sy'n destun ymyrraeth statudol.

Diben y rôl ywmonitro, cefnogi a herio perfformiad ysgolion ac arweinwyr ysgolion, gan weithredu fel asiant newid i feithrin gallu arweinyddiaeth a gwella canlyniadau ar gyfer

dysgwyr. Bydd deiliad y swydd yn chwarae rhan allweddol wrth gefnogi ysgolion sydd mewn anhawster a sicrhau cynnydd effeithiol yn erbyn argymhellion Estyn.

Prif gyfrifoldebau

• Gweithredu fel ymgynghorydd gwella i grŵp o ysgolion uwchradd, gan ddarparu her, cefnogaeth a chyfarwyddyd proffesiynol o ansawdd uchel
• Monitro a gwerthuso perfformiad ysgolion ac effeithiolrwydd arweinyddiaeth
• Cynorthwyo gallu yr ysgolion i hunanwerthuso a chynllunio gwelliant cadarn
• Broceru, comisiynu a gwerthuso cefnogaeth i sicrhau gwelliant cynaliadwy
• Gweithio'n agos gyda phenaethiaid, cyrff llywodraethu, yr awdurdod lleol ac asiantaethau partner
• Cyfrannu at weithgarwch ehangach y tîm gwella ysgolion, gan gynnwys adolygiadau, arolygiadau a dysgu proffesiynol

Manyleb y person

Bydd yr ymgeisydd llwyddiannus yn:

• Meddu ar statws athro cymwysedig a bod â chymwysterau hyd at lefel gradd (neu gyfwerth)
• Meddu ar brofiad sylweddol a llwyddiannus mewn lleoliad ysgol uwchradd (hanfodol)
• Dangos hanes llwyddiannus o wella ysgolion, naill ai:
• Fel uwch-arweinydd o fewn ysgol, a/neu
• Fel gweithiwr proffesiynol gwella ysgolion neu ymgynghorydd
• Meddu ar ddealltwriaeth gref o addysgu effeithiol, dylunio cwricwlwm ac arweinyddiaeth ar gyfer gwelliant
• Meddu ar sgiliau dadansoddol, cyfathrebu a rhyngbersonol rhagorol

Dymunol:

• Profiad o weithio gydag ysgolion arbennig, Unedau Cyfeirio Disgyblion neu ddarpariaeth arbenigol
• Profiad o gefnogi ysgolion mewn mesurau arbennig neu gategorïau statudol eraill

Mae hon yn rôl heriol a gwerth chweil sy'n gofyn am hygrededd, gwydnwch a phwrpas moesol cryf i wella canlyniadau i ddysgwyr.

• Dyddiad cau'r hysbyseb - 29 Mehefin
• Llunio rhestr fer 30 Mehefin (pm)
• Cyfweliadau 14 Gorffennaf

Buddion i Weithwyr

Mae ein buddion i weithwyr wedi'u cynllunio i helpu i fuddsoddi yn eich dyfodol ac maent yn ychwanegol at fyw a gweithio yn Sir Benfro, un o'r siroedd mwyaf prydferth a dymunol yn y DU.

Mae gwefan Ymweld â Sir Benfro https://www.visitpembrokeshire.com/cy-gb yn ffynhonnell wybodaeth ardderchog, ac mae'n arddangos yr amrywiaeth eang o weithgareddau, amwynderau ac anturiaethau sy'n aros amdanoch.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Mae'r Rhaglen Cyflogaeth â Chymorth yn grŵp o fentrau sy'n seiliedig ar awdurdodau lleol sy'n cyflogi dros 75 o bobl ag anabledd neu gyflwr iechyd sy'n cyfyngu ar eu gallu i weithio, ewch i'r ddolen isod am ragor o wybodaeth: Rhaglen Cyflogaeth a Chymorth - Cyngor Sir Benfro

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.