Cynorthwy-ydd Goruchwylio (Dros dro) - Ysgol Gynradd Oldcastle

Cyflog: £6,006 y flwyddyn

10 awr yr wythnos

Dros dro tan 31 Awst 2027

Tymor yr Ysgol

1 x swydd ar gael

Mae Ysgol Gynradd Oldcastle yn ceisio penodi Cynorthwyydd Goruchwylio Amser Cinio i weithio yn ystod amser cinio, rhwng 11.30am a 1.30pm o ddydd Llun i ddydd Gwener, yn ystod y tymor yn unig.

Gan weithio fel rhan o dîm, bydd yn ofynnol i'r ymgeisydd llwyddiannus oruchwylio'r plant ym mhob un o ardaloedd yr ysgol gan gynnwys ffreutur yr ysgol a meysydd chwarae'r ysgol. Bydd dyletswyddau'n cynnwys dyletswyddau gwasanaeth bwyd cyffredinol ac ymgysylltu'n weithredol â disgyblion mewn gemau a gweithgareddau maes chwarae.

Byddai profiad o weithio gyda phlant, a'r gallu i annog ymddygiad da a chwarae ymhlith disgyblion yn fantais, ond nid yw'n hanfodol oherwydd darperir hyfforddiant.

Mae Ysgol Gynradd Oldcastle yn ysgol gynradd fywiog ym Mhen-y-bont ar Ogwr, sy'n ymroddedig i ysbrydoli, cymell, ac addysgu dros 400 o blant 3 i 11 oed. Rydym yn ysgol uchelgeisiol lle mae gwerthoedd dysgu yn sail i ragoriaeth, mae unigolion yn cael eu gwerthfawrogi, mae cyflawniadau'n cael eu dathlu, ac mae ein cymuned yn ffynnu mewn amgylchedd dysgu diogel, hapus ac arloesol. Rydym wedi ein cydnabod gan Estyn fel ysgol gynhwysol a chroesawgar, ac rydym yn ymfalchïo yn ein hethos cryf o lesiant disgyblion, parch, ac ymgysylltu â'r gymuned. Yn Ysgol Gynradd Oldcastle, mae addysg yn fwy na dysgu yn unig - mae'n ymwneud â meithrin dysgwyr hunanhyderus sy'n barod i wynebu'r byd.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 18 Mehefin 2026

Dyddiad Llunio'r Rhestr Fer: 22 Mehefin 2026

Dyddiad y Cyfweliad: 29 Mehefin 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person