Pennaeth Ysgol Y Ddwylan

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 3340

Sefydliad:

Ysgolion

Nifer y swyddi gwag:

1

Math o gontract:

Parhaol Amser Llawn

Lleoliad:

Castellnewydd Emlyn, Sir Gaerfyrddin

Gradd:

Penaethiaid/Penaethiaid Cynorthwyol/Dirprwy Benaethiaid - Cyflog ac Amodau

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyflog o:

L13 - £70,814

Cyflog i:

L19 - £82,067

Oriau Contract:

Llawn Amser

Dewch i ymuno â'n tîm

Mae Corff Llywodraethu Ysgol Y Ddwylan yn awyddus i benodi Pennaeth ysbrydoledig a blaengar i barhau â'n taith lwyddiannus. Credwn fod hwn yn gyfle cyffrous i ymuno â thîm ymroddedig mewn ysgol hapus, groesawgar, dwyieithog a meithringar.

Chwiliwn am Bennaeth sy'n:

• ymroi i ragoriaeth mewn addysg
• angerddol dros yr iaith Gymraeg a diwylliant Cymru
• cyfathrebu'n glir yn y Gymraeg a Saesneg
• feddyliwr strategol â gweledigaeth glir ar gyfer llwyddiant parhaus ac a fydd yn cydweithio'n agos ac yn effeithiol â Chorff Llywodraethu'r ysgol
• weithiwr proffesiynol gyda phrofiad o fedrau arwain, rheoli a rhyngbersonol (gan gynnwys rheolaeth effeithiol ac effeithlon o gyllideb ac adnoddau'r ysgol)
• arweinydd ysbrydoledig, yn cymell ac yn grymuso pobl eraill
• anelu at safonau a disgwyliadau uchel sy'n sicrhau bod pob plentyn yn derbyn yr addysg orau
• gyfathrebwr ardderchog a fydd yn ysbrydoli plant, rhieni a staff fel ei gilydd
• barod i ymrwymo i feithrin ymhellach y cydberthnasau sy'n bodoli eisoes gyda'n teuluoedd a'r gymuned ehangach.

Mae gan Ysgol y Ddwylan:

• tîm o staff hynod broffesiynol, dawnus, arloesol a hapus sy'n ymroi i gynnydd a dilyniant er mwyn parhau i ddatblygu'r ysgol
• Corff Llywodraethu ymroddgar a chefnogol, sy'n ymroi i weithio mewn partneriaeth i gyflawni'r gorau ar gyfer ein holl ddysgwyr.

Dyma gyfle cyffrous i'r person cywir i arwain ein hysgol i'r cam nesaf yn ei datblygiad.

Gwahoddwn darpar ymgeiswyr i ymweld â'r ysgol ar ddydd Mercher 3 Mehefin am 2 o'r gloch y prynhawn. Cysylltwch ag Emma James, swyddog gweinyddol yr ysgol, i gadarnhau eich presenoldeb.

Rhaid i ymgeiswyr sy'n gwneud cais am eu swydd Pennaeth gyntaf feddu ar y CPCP. Byddem yn ystyried ymgeiswyr sydd ar garfan bresennol y rhaglen CPCP .

Taith ysgol: Dydd Mercher,3ydd o Fehefin 2026 am 2 o'r gloch y prynhawn

Dyddiad Cau: Dydd Llun, 15fed o Fehefin 2026

Llunio'r Rhestr Fer: Dydd Iau, 18fed o Fehefin 2026

Cyfweliadau: Dydd Llun a Dydd Mawrth, 29ain a 30fed o Fehefin 2026

Mae'r ysgol hon wedi ymrwymo i ddiogelu a hyrwyddo lles plant ac yn disgwyl i'r holl staff rannu'r ymrwymiad hwn. Bydd yr ymgeisydd llwyddiannus yn destun gwiriad DBS manwl.

Am sgwrs anffurfiol, cysylltwch â Sioned Lleinau Thomas, Cadeirydd y Corff Llywodraethol ar 07855342908 neu Tomoss12@hwbcymru.net .

Disgrifiad Swydd:

26-05-22 - Pecyn Recriwtio Pennaeth - Y Ddwylan (006563).pdf - 395KB ~~EFORM_FILE_NEW_WINDOW~~

Dyddiad disgwyliedig y cyfweliad:

29 Mehefin 2025

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 15/06/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol.

Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.