Anogwr Swyddi CC/3085

Cyflog: £29,451 - £32,236

Disgrifiad Swydd a Manyleb Yr Unigolyn

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Anogwr Swyddi

Lleoliad: Ysbyty Wrexham Maelor Hospital/ Ial

Math o Gontract: Amser tymor yn unig: Tymor penodol hyd at 18/06/2027. 77% 37 awr yr wythnos

Cyflog: £29,451 - £32,236 (cyflog llawn amser yw hwn, bydd y cyflog yn pro rata yn dibynnu ar y patrwm gwaith)

Ydych chi'n angerddol am rymuso pobl ifanc a'u helpu nhw i gyflawni eu breuddwydion gyrfa? Os felly, mae gennym ni gyfle cyffrous i chi ymuno â'n tîm Sgiliau Byw'n Annibynnol yn Ysbyty Maelor Wrecsam fel Anogwr Swyddi.

Eich prif nod yw hwyluso hyfforddi ac integreiddio interniaid â chymorth i gylchdroi adrannau ar y safle a/neu amgylchedd gwaith cystadleuol, i sicrhau eu bod nhw'n ffynnu ac yn llwyddo.

Fel anogwr swyddi byddwch chi'n cynorthwyo wrth recriwtio interniaid i'r busnes sy'n eu gwahodd, gan gynnwys cyfweliadau, asesiadau cychwynnol, a phrosesau ymuno ac ymsefydlu. Byddwch chi'n defnyddio technegau anogwr swyddi i gynorthwyo datblygiad pobl ifanc tuag at gyflogaeth.

Bydd yn hanfodol darparu hyfforddiant a chymorth wedi'u teilwra, gan gynnwys technegau anogwr swyddi, adeiladu cymorth naturiol, a nodi addasiadau rhesymol a thechnolegau cynorthwyol.

Mae disgwyl i Anogwr Swyddi gofnodi cynnydd intern ar systemau cymeradwy i sicrhau bod taith yr intern yn bodloni targedau unigol.

Bydd yr ymgeisydd llwyddiannus yn gweithio gydag interniaid, cyflogwyr, teuluoedd, y tiwtor a'r Cyfarwyddwr Cwricwlwm, partneriaid y grŵp llywio a phobl briodol eraill i ddatrys materion sy'n ymwneud â hyfforddiant a chyflogaeth lle bo angen.

Gofynion Hanfodol

• Cymwysterau Lefel 2 mewn Saesneg a Mathemateg (neu gymwysterau cyfwerth) gradd 4 (C) neu uwch.
  
• Cymhwyster Llythrennedd Digidol Lefel 2 neu'n fodlon gweithio tuag at hynny.
  
• Cymhwyster Lefel 3 perthnasol.
  
• Profiad y gellir ei brofi fel anogwr swyddi.
  
• Profiad mewn gweithredu cynlluniau cyflogaeth.
  
• Gwybodaeth a phrofiad o gefnogi a gweithio gyda phobl ifanc ag anghenion dysgu ychwanegol.
  
• Dangos lefel dda o gymhwysedd TG. Rhaid gallu defnyddio'r Rhyngrwyd a'r Mewnrwydi yn ogystal â bod yn fodlon dysgu sut i ddefnyddio rhaglenni a systemau TG newydd.
  
• Gallu gweithio fel rhan o dîm ehangach, a bod yn hyblyg a gallu addasu pan fo angen.
  
• Gallu cynllunio a rheoli llwyth gwaith personol, gan sicrhau bod gwaith yn cael ei gwblhau mewn pryd.
  
• Sgiliau cyfathrebu gwych yn ysgrifenedig ac ar lafar.
  
• Gallu i ysbrydoli a chymell.
  

Dymunol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Rydyn ni'n adeiladu coleg sy'n adlewyrchu'r gymuned fywiog ac amrywiol rydyn ni'n ei gwasanaethu. Rydyn ni'n croesawu ac yn annog ceisiadau gan unigolion o bob cefndir, yn enwedig y rhai o grwpiau heb gynrychiolaeth ddigonol.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig