Lecturer in Mechanical and Manufacturing Engineering CC/3069

Cyflog: £33,596 - £51,932

Disgrifiad Swydd

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Darlithydd Peirianneg Fecanyddol a Gweithgynhyrchu

Lleoliad: Glannau Dyfrdwy

Math o Gontract: Parhaol, Llawn Amser

Cyflog: £33,596 - £51,932 Mae pwyntiau ystod cyflog uwch UP2 ac UP3 yn amodol ar dystiolaeth o ddilyniant blaenorol i'r Raddfa Dâl Uwch.

Mae Coleg Cambria yn gyffrous i fod yn recriwtio Darlithydd Peirianneg Fecanyddol a Gweithgynhyrchu i gyflwyno ein cyrsiau Addysg Uwch ac Addysg Bellach yng Nglannau Dyfrdwy.

I gael eich ystyried ar gyfer y swydd hon, dylai fod gennych chi brofiad a chymhwysedd y gallwch chi eu profi mewn Peirianneg Fecanyddol a Gweithgynhyrchu a chymhwyster Lefel 6 o leiaf. Rydyn ni'n chwilio am unigolion sy'n gallu dangos empathi a dealltwriaeth am ystod o anghenion dysgu yn ogystal â dangos gwytnwch, amynedd a synnwyr digrifwch. Mae angen i'r ymgeisydd llwyddiannus allu bod yn hyblyg i addasu i ofynion amrywiol y swydd. Bydd yr ymgeisydd llwyddiannus yn gallu datblygu'r deunydd asesu a chyflwyno sy'n gysylltiedig â phynciau a gyflwynwyd ar ein cyrsiau Addysg Uwch ac Addysg Bellach. Byddwch chi'n cefnogi dysgwyr i ddatblygu eu sgiliau mewn amrywiol bynciau sy'n gysylltiedig â Pheirianneg fel cynnal a chadw systemau mecanyddol, turnio, melino, gosod ar fainc, rheoli busnes, rheoli prosiectau, mathemateg, cyfathrebu, technegau gweithgynhyrchu, ac ati... Byddwch chi'n barod i ymgymryd â hyfforddiant i helpu i ddatblygu cynnig yr adran.

Fel Darlithydd yng Ngholeg Cambria, bydd gofyn i chi gyflwyno gwaith dysgu ymarferol ac yn y dosbarth i'n myfyrwyr. Yn ddelfrydol bydd gennych chi brofiad blaenorol neu brofiad personol helaeth o gynnig cymorth i ddysgwyr sydd ag anghenion dysgu ychwanegol yn yr ystafell ddosbarth. Byddwch chi'n dangos y gallu i adeiladu perthnasau gwaith da gyda dysgwyr a staff a'r gallu i reoli grwpiau o ddysgwyr. Mae angen dangos dull cadarnhaol o ymateb i ymddygiadau heriol.

Gofynion Hanfodol

• Cymhwyster Lefel 6 o leiaf neu gymhwyster cyfwerth mewn pwnc proffesiynol perthnasol
• Cymhwyster addysgu Lefel 6 o leiaf (e.e.Tystysgrif Addysg/TAR) neu fod yn gweithio tuag at gymhwyster addysgu Lefel 6
• Sgiliau cyfathrebu gwych yn ysgrifenedig ac ar lafar
• Yn hunanysgogol, yn drefnus ac yn gallu gweithio'n annibynnol ar eich liwt eich hun
• Gwybod am bwysigrwydd safonau ansawdd mewn addysgu

Mae sgiliau Cymraeg yn ddymunol ar gyfer y swydd hon.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grŵp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn 'agored i niwed' yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn ni'n gofyn am wiriad DBS gan yr ymgeisydd llwyddiannus a fydd yn cael cynnig y swydd. Yn dibynnu ar y swydd y byddwch chi'n gwneud cais amdani ac os ydych chi'n llwyddiannus, efallai bydd gofyn i chi gofrestru gyda Chyngor y Gweithlu Addysg hefyd.

Sylwch fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn cael nifer fawr o geisiadau. Byddwn ni'n argymell eich bod chi'n cwblhau eich cais cyn gynted â phosibl os hoffech chi gael eich ystyried ar gyfer y swydd hon.

Buddion

Dull Gweithio Hyblyg - hyrwyddo cydbwysedd bywyd a gwaith i gefnogi a gwella llesiant gweithwyr

Gwyliau Hael - 59 gan gynnwys gŵyl y banc a'r cyfnod o gau dros y Nadolig (tua 10 diwrnod)

Cynllun Pensiwn Llywodraeth Leol Ardderchog / Pensiwn Athrawon

Defnyddio hwb buddion cambria - mae hwn yn cynnwys arbedion cludiant, siopa, bwyta allan, iechyd a harddwch. Yn ogystal â chynllun beicio i'r gwaith

Mynediad at ystod eang o raglenni E-ddysgu a Datblygiad Proffesiynol - o dan y Cynllun Datblygu Cyflogwr, mae staff yn gymwys am ostyngiad ar unrhyw gwrs gwerth hyd at £195.

Aelodaeth ratach i ystafelloedd ffitrwydd

Cyfleusterau Chwaraeon a Ffitrwydd ardderchog

Parcio am ddim ar bob safle

Triniaethau Harddwch a Thrin Gwallt Rhatach

Caffi a bwyty ar y safle

Darpariaeth Meithrinfa ar safle Glannau Dyfrdwy

Rhaglen Gymorth i Weithwyr yn ogystal â chymorthyddion cyntaf iechyd meddwl ar bob safle

Gwobrau Hir-wasanaeth