Hwylusydd Llyfrgell a Sgiliau Academaidd CC/3047

Cyflog: £23,907 - £27,587

Disgrifiad Swydd a Manyleb Yr Unigolyn

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd: Hwylusydd Llyfrgell a Sgiliau Academaidd

Lleoliad: Iâl/Bersham

Math o Gontract: Llawn Amser / Parhaol

Cyflog: £27,936 - £32,236

Mae Coleg Cambria ar hyn o bryd yn chwilio am Hwylusydd Llyfrgell a Sgiliau Academaidd i ymuno â'n tîm yn Iâl a Bersham.

Dyma gyfle arbennig i weithio â thîm cadarn yng Ngholeg Cambria. Byddwch yn cynorthwyo i gyflwyno sgiliau astudio sy'n galluogi dysgwyr i wneud cynnydd a chyflawni. Bydd gan yr ymgeisydd llwyddiannus ddealltwriaeth o'r rhwystrau y gall dysgwyr eu hwynebu, gan ddefnyddio strategaethau cymorth a all wneud gwahaniaeth. Byddwch yn darparu sesiynau grŵp ar sgiliau astudio allweddol ac yn hwyluso ystod o weithgareddau dysgu. Agwedd bwysig o'r swydd fydd cynorthwyo dysgwyr mewn sefyllfa un i un, gan annog deialog a datblygu strategaethau ar gyfer creu amcanion cadarnhaol drwy ymyrraeth ofalus.

Byddwch yn gweithio'n agos gydag Anogwyr Cynnydd, tiwtoriaid a staff allweddol eraill a byddwch yn darparu adborth ar gynnydd dysgwyr, yn diweddaru adroddiadau a data yn ôl yr angen. Bydd deiliad y swydd yn gweithio fel rhan o dîm. Byddwch yn cynorthwyo â gweithgareddau mewn amgylchedd dysgu prysur a chymryd cyfrifoldeb dros agweddau allweddol y gwasanaeth. Bydd gennych sgiliau TG ardderchog a byddwch yn gyfforddus wrth ddefnyddio technolegau addysgol ac yn annog eraill i ddatblygu eu cymwyseddau digidol eu hunain. Byddwch yn mwynhau gweithio a chynorthwyo ystod amrywiol o ddysgwyr ac yn gyfforddus gyda dysgwyr o bob gallu.

Os ydych yn angerddol am drawsnewid bywydau pobl ifanc, a'r rhai sy'n dychwelyd i addysg, yna hoffem glywed gennych chi.

Gofynion Hanfodol

• Cymhwyster Lefel 3 neu uwch
  
• Profiad amlwg o gynorthwyo dysgwyr mewn cyd-destun addysgol
  
• Profiad o ddarparu hyfforddiant a sesiynau cymorth diddorol
  
• Gwybodaeth am strategaethau dysgu a gwahaniaethu i gynorthwyo cynnydd dysgwyr unigol
  
• Defnyddio technolegau yn effeithiol i gynorthwyo dysgu
  
• Mae'n hanfodol bod gennych sgiliau llythrennedd a rhifedd cadarn Lefel 2 neu'n uwch
  
• Byddwch yn gallu defnyddio rhaglenni MS Office ac yn ddelfrydol rhaglenni Google a defnyddio'r rhyngrwyd
  
• Bydd disgwyl i chi ddangos brwdfrydedd dros rymuso a galluogi pobl ifanc
  
• Mae'n hanfodol fod gennych sgiliau cyfathrebu a rhyngbersonol ardderchog, eich bod yn aelod cadarn o dîm a'ch bod yn dangos egni a brwdfrydedd yn yr amgylchedd dysgu
  

Dymunol ydy sgiliau'r Gymraeg ar gyfer y swydd hon. Rydym yn chwilio am ymgeiswyr sy'n gallu ein helpu ni i ehangu ein darpariaeth a'n gwasanaethau dwyieithog.

Nod Coleg Cambria ydy hyrwyddo ac ymgorffori'r Gymraeg a diwylliant Cymru yn rhagweithiol. Rydym wedi ymrwymo i ddarparu cyfleoedd a chefnogi ein cydweithwyr i ddatblygu eu sgiliau Cymraeg mewn lleoliadau ffurfiol ac anffurfiol. Mae hyn yn cynnwys gallu dilyn cynlluniau hyfforddiant Cymraeg yn ogystal â thaliadau anogaeth ar gyfer darpariaeth a gwasanaethau dwyieithog.

Rydym yn annog ceisiadau yn y Gymraeg yn fawr. Ni fydd ceisiadau a gyflwynwyd yn y Gymraeg yn cael eu trin yn llai ffafriol na cheisiadau a gyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grwp staff amrywiol fel rhan o hynny.

Mae Coleg Cambria wedi ymrwymo i ddiogelu pob dysgwr, ac rydym yn disgwyl i bob aelod o staff rannu'r ymrwymiad hwn.

Mae'r rôl hon wedi'i chynnwys o dan Orchymyn Deddf Adsefydlu Troseddwyr 1974 (Eithriadau) ac wedi'i dosbarthu fel gweithgaredd rheoleiddiedig.

Mae'n ofynnol felly cael gwiriad DBS Uwch gyda Rhestr Waharddedig, ac mae'n rhaid i ymgeiswyr ddatgelu pob rhybudd a chollfarn yn cynnwys unrhyw rai sydd wedi darfod. Mae'n drosedd gwneud cais os ydych wedi'ch gwahardd rhag gweithio gyda phlant. Ni fydd datgelu yn atal cyflogaeth yn awtomatig; cynhelir asesiad risg ond efallai y byddwn yn ystyried bod rhai euogfarnau / rhybuddion yn golygu eu bod nhw'n anaddas i weithio gyda phlant.

Yn dibynnu ar y swydd, efallai y bydd angen i ymgeiswyr llwyddiannus gofrestru gyda Chyngor y Gweithlu Addysg hefyd.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai