Gofalwr Rhan-Amser

Cyflog: £25,959 - £26,207 / blwyddyn

Gofalwr Rhan-Amser
Application Deadline: 11 March 2026

Department: Ystadau

Employment Type: Parhaol

Location: Campws Graig

Reporting To: Rheolwr Campws

Compensation: £25,959 - £26,207 / blwyddyn

DescriptionMae'r Bwrdd Corfforaethol wedi ymrwymo i benodi staff a fydd yn dangos menter a brwdfrydedd, ac a fydd yn ychwanegu ymhellach at enw da'r coleg trwy ymrwymiad i weithio fel aelod o dîm a chynhyrchu gwaith o ansawdd uchel. Mae'r swydd yn darparu cyfle cyffrous a llawn her i berson rhagweithiol a dyfeisgar.

Mae rôl y Gofalwr yn chware rhan hanfodol o ran sicrhau bod y campysau'n gweithredu'n ddidrafferth ac yn effeithlon o ddydd i ddydd er mwyn darparu'r amgylchedd dysgu gorau posibl i'n dysgwyr a'n staff ar gyfer cyflawni eu potensial. Mae gofalwyr yn rhan hanfodol o dîm y coleg, yn darparu gwasanaeth cynnal gwerthfawr o fewn y Brifathrawiaeth Cyllid ac Ystadau.

Mae'n rôl ymdrechgar a chorfforol gyda swm sylweddol o amser yn cael ei dreulio'n cerdded o gwmpas yr adeiladau a'r safleoedd.

Mae swydd Gofalwr yng Ngholeg Sir Gâr yn cynnig rôl ddiddorol ac amrywiol i berson sy'n meddu ar y sgiliau priodol, brwdfrydedd, hyblygrwydd ac agwedd gadarnhaol tuag at waith.

Cyfrifoldebau AllweddolBydd disgwyl i'r Gofalwr:-

• Sicrhau diogelwch y safle ynghyd â chynnwys y safle; gan gynnwys cyfrifoldebau daliwr allweddi a gweithredu systemau larwm diogelwch.
• Gweithredu systemau gwresogi a golau ar y campysau.
  Rhoddir hyfforddiant a chyfarwyddyd llawn ar weithredu'r systemau rheoli gwres a dŵr poeth cyfrifiadurol. Ymgymryd â gwiriadau i sicrhau bod yr holl systemau yn gweithio'n gywir a bod tymereddau ystafelloedd yn cael eu cynnal. Adrodd wrth y Rheolwr Campws am unrhyw ddiffygion / faterion ar unwaith. Rhoddir hyfforddiant
• Cynnal profion larwm tân wythnosol a diweddaru rhestrau gwirio cofnodion yn ôl yr angen
• Gwirio cyfarpar ymladd tân yn rheolaidd a sicrhau bod yr holl ddrysau allanfa'n cael eu cadw'n glir.
• Cynorthwyo'r Rheolwr Campws / Rheolwr Cynorthwyol y Campws gyda gwacáu'r campws.
• Cymryd darlleniadau rheolaidd o'r mesuryddion cyflenwadau trydan, nwy a dŵr.
• Gwagio biniau gwastraff a sicrhau bod yr holl fagiau wedi eu lleoli yn yr ardaloedd priodol ar gyfer eu casglu gan y casglwyr sbwriel penodedig.
• Sicrhau bod gwastraff yn cael ei storio'n gywir ar y safle a bod ardaloedd cadw gwastraff yn cael eu cadw mewn cyflwr da.
• Cynorthwyo'r Coleg i ailgylchu eitemau a deunyddiau ar y safle. Mae'r Coleg wedi llwyddo i gadw gwobr Lefel 5 Safon Amgylcheddol y Ddraig Werdd am y 4 blynedd diwethaf ac mae arferion ailgylchu rhagorol y Coleg wedi cyfrannu'n sylweddol at y gamp hon.
• Ymgymryd â gwiriadau o bryd i'w gilydd o ddarnau gosod a gosodiadau mewn ystafelloedd a chwblhau'r ddogfennaeth berthnasol.
• Sicrhau bod cyfleusterau toiled yn gweithio bob amser ac yn rhydd o rwystrau.
• Archebu, trwy'r Rheolwr Campws, cyflenwadau hylendid personol a sicrhau bod y cyflenwadau yn cael eu storio'n gywir a'u dosbarthu ar y campws.
• Sicrhau glendid ardaloedd awyr agored gan gynnwys cysgodfeydd ysmygu, symud sbwriel, cerrig, gwydr, papur, ayb.
• Cadw'r ystafelloedd boeler mewn cyflwr glân a thaclus.
• Sicrhau nad oes deunyddiau hylosg yn cael eu gadael mewn ardaloedd anaddas ac annog pobl i fod yn gymen ar draws y campws.
• Glanhau gylïau a chafnau yn achlysurol yn ôl cyfarwyddyd yr Adran Ystadau.
• Cynorthwyo gyda gwaith cynnal a chadw'r tiroedd yn ôl cyfarwyddyd yr Adran Ystadau.
• Tynnu sylw'r Adran Ystadau trwy'r Rheolwr Campws/Rheolwr Cynorthwyol y Campws at unrhyw waith atgyweirio neu gynnal a chadw sydd ei angen ar y safleoedd, sydd y tu hwnt i allu'r staff gofalu.
• Gwneud mân waith cynnal a chadw ac atgyweirio i adeiladau, gosodiadau, ffitiadau a chyfarpar nad ydynt y tu hwnt i allu crefftwr.
• Newid bylbiau golau, tiwbiau, ffitiadau cychwyn ayb.
• Ymgymryd ag ailaddurno / peintio ardaloedd yn ôl cyfarwyddyd yr Adran Ystadau.
• Cyfeirio gweithwyr, contractwyr ac ymwelwyr i ardaloedd perthnasol ar y safle.
• Defnyddio cerbydau'r coleg yn ôl y gofyn ar gyfer amrywiol ddyletswyddau gan gynnwys mynd â cherbydau am wasanaeth, MOT, gwaith atgyweirio, newid teiars ayb. Bydd rhaid ymgymryd ag asesiad gyrru bws mini.
• Gwneud gwiriadau wythnosol o gerbydau'r coleg a rhestrau gwirio cofnodion.
• Glanhau cerbydau'r coleg ar gais y Rheolwr Campws.
• Cynorthwyo gyda rheoli a monitro traffig
• Ymgymryd â dyletswyddau cludiant.
• Adrodd wrth y Rheolwr Campws/Rheolwr Cynorthwyol y Campws ar unwaith am unrhyw ddifrod i eiddo neu unrhyw ddiffygion i gyfleusterau.
• Hysbysu'r Rheolwr Campws/Rheolwr Cynorthwyol y Campws am unrhyw faterion iechyd a diogelwch gwirioneddol neu bosibl
• Perfformio'r holl ddyletswyddau gan amharu cyn lleied â phosibl ar waith y coleg neu ddosbarthiadau bob amser.
• Cwblhau'r holl waith papur angenrheidiol a ofynnir a'i anfon ymlaen fel y bo'n briodol, gan gadw at derfynau amser penodol yn unol â chais y Rheolwr Campws.
• Ymgymryd ag asesiadau Iechyd a Diogelwch COSHH ac asesiadau risg.
• Bod yn hyddysg mewn TG (defnydd o gyfrifiadur) i weithredu systemau TG a dyfeisiau symudol sy'n berthnasol i arferion gwaith.
• Bod yn barod i gyflenwi fel gofalwr ar safleoedd eraill - weithiau gofynnir am hyn ar fyr-rybudd.
• Ymgymryd ag unrhyw ddyletswyddau eraill yn ôl cyfarwyddyd y Rheolwr Campws sy'n gymesur â gradd y swydd yn y gweithle cychwynnol neu mewn lleoliadau eraill yn y Coleg.
• Oherwydd natur y swydd, rhaid i'r Rheolwr Campws / Rheolwr Cynorthwyol y Campws allu cysylltu â staff Gofalu bob amser tra yn y gwaith neu "ar alw", ac felly rhaid i ddeilydd y swydd gario dull penodedig o gyfathrebu (ffonau symudol y Coleg neu radio dwy ffordd).

Sgiliau Gwybodaeth ac ArbenigeddHanfodol

• Crefft briodol neu brofiad perthnasol
• Gallu trefnu a chynllunio gwaith fel y caiff ei ddyrannu
• Profiad blaenorol o waith cynnal a chadw ac atgyweirio
• Hyddysg mewn TG a hyderus wrth ddefnyddio systemau TG a dyfeisiau symudol
• Sgiliau dadansoddi da
• Lefel uchel o hunangymhelliant
• Diplomyddiaeth a thact
• Y gallu i ddeall a dilyn cyfarwyddiadau
• Gallu cynhyrchu gwaith o ansawdd uchel
• Gallu gweithio dan bwysau
• Gallu cynnal cyfrinachedd llwyr
• Sgiliau rhyngbersonol a chyfathrebu da
• Gallu i arddangos hyder a sefydlu perthynas gadarnhaol â phobl
• Ffordd hawdd mynd ato, hyblyg a phroffesiynol
• Y gallu i weithio ar ei ben ei hun neu fel rhan o dîm
• Trwydded yrru ddilys i yrru cerbydau cynnal a chadw y coleg

Dymunol

• TGAU Saesneg - o leiaf Gradd C neu Lefel O cyfwerth
• TGAU Mathemateg - o leiaf Gradd C neu Lefel O cyfwerth
• Cymhwyster Cymorth Cyntaf (Os nad oes gennych gymhwyster Cymorth Cyntaf, bydd disgwyl i chi ymgymryd â hyfforddiant cyn gynted â phosibl)

Yr Iaith Gymraeg:

• Llefaredd Cymraeg (Gwrando/Siarad) - Lefel 0/1 Dymunol
• Llythrennedd Cymraeg (Ysgrifennu/Darllen) - Lefel 0/1 Dymunol

(Gweler disgrifiadau iaith manwl ynghlwm)

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Buddion

• Byddwch yn cael 28 diwrnod o wyliau, ynghyd â gwyliau banc a phum diwrnod cau sef cyfanswm o 41 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein