Pennaeth Ysgol Gyfun Y Strade

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 2880

Sefydliad:

Ysgolion

Nifer y swyddi gwag:

1

Math o gontract:

Parhaol Amser Llawn

Lleoliad:

Llanelli, Sir Gaerfyrddin

Gradd:

Penaethiaid/Penaethiaid Cynorthwyol/Dirprwy Benaethiaid - Cyflog ac Amodau

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyflog o:

L30 - £107,442

Cyflog i:

L36 - £124,446

Oriau Contract:

Llawn Amser

Dewch i ymuno â'n tîm

Mae Ysgol Gyfun Y Strade yn ysgol uwchradd cyfrwng Cymraeg flaengar, uchelgeisiol ac uchel ei pharch ac fe'i lleolir yng nghalon cymuned Llanelli. Gyda bron i 1,300 o ddysgwyr (a disgwylir i'r nifer gyrraedd 1,400 erbyn Medi 2027) rhwng 11-18 oed a Chweched Dosbarth bywiog, mae'r ysgol dros gyfnod wedi chwarae rôl allweddol yn hyrwyddo addysg cyfrwng Cymraeg o safon uchel gan gyfrannu'n sylweddol at fywyd diwylliannol yr ardal.

Rydym yn chwilio am Bennaeth ysbrydoledig, ymrwymedig ac egniol a all adeiladu ar sail lwyddiannus bresennol yr ysgol a'i harwain gyda hyder i'r dyfodol.

Mae Ysgol Gyfun Y Strade yn ymfalchïo yn ei safonau academaidd a galwedigaethol rhagorol ynghyd â'r cyfleoedd allgyrsiol cyfoethog, ei hethos gynnes, holistaidd a chynhwysol lle rhoddir pwyslais ar werthfawrogi lles, cydweithredu a pharch. Mae'r ysgol yn flaenllaw iawn wrth ddatblygu a gweithredu'r Cwricwlwm i Gymru, ac yn cynnig cyfleoedd eithriadol i ddysgwyr ffynnu, boed hynny ar lwyfan yr eisteddfod, mewn cystadlaethau chwaraeon, drwy'r celfyddydau perfformio neu mewn prosiectau cymunedol.

Mae'r Corff Llywodraethol yn chwilio am Bennaeth sy'n:

• arweinydd profiadol i hyrwyddo addysg gynhwysol ac i sicrhau cynnydd cryf i bob dysgwr
• angerddol dros addysg Gymraeg ac yn ymrwymedig i gryfhau ethos a hunaniaeth ddiwylliannol Gymraeg a Chymreig yr ysgol ymhellach
• flaengar wrth arwain y cyfleoedd a gynigir gan y Ganolfan Iaith newydd i wella caffael iaith, cryfhau ymgysylltiad â'r gymuned, a chefnogi a hyrwyddo gweledigaeth addysg Gymraeg hirdymor yr ysgol
• meddu ar y weledigaeth, y creadigrwydd a'r ysgogiad i arloesi a chreu amgylchedd dysgu ysbrydoledig, sy'n edrych i'r dyfodol
• gallu datblygu potensial disgyblion a staff ac adeiladu ar lwyddiannau niferus yr ysgol
• ymrwymedig i sicrhau cyflawniadau academaidd a galwedigaethol uchel, ynghyd â lles pob dysgwr
• gallu ysbrydoli, cymell ac ymgysylltu â staff, disgyblion, teuluoedd a'r gymuned ehangach
• gyfathrebwr rhagorol yn y Gymraeg a'r Saesneg

Yr hyn a gynigiwn:

• Tîm staff hynod ymroddedig a Chorff Llywodraethol cefnogol
• Cymuned ysgol fywiog sy'n gwerthfawrogi cydweithio, uchelgais a chynhwysiant
• Dysgwyr balch o'u hysgol ac yn uchelgeisiol am eu dyfodol
• Amgylchedd sy'n annog addysgu arloesol, dysgu proffesiynol a phartneriaethau cryf ar draws y sector

Mae'r ysgol hon wedi ymrwymo i ddiogelu a hyrwyddo lles plant ac mae'n disgwyl i'r holl staff rannu'r ymrwymiad hwn. BYDD YR YMGEISYDD LLWYDDIANNUS YN DESTUN GWIRIAD MANWL GAN Y GWASANAETH DATGELU A GWAHARDD (DBS).

Llinell Amser y Cais:

Dyddiad cau: Dydd Llun, 9 Mawrth 2026, am hanner dydd

Rhestr fer: Dydd Mercher, 11 Mawrth 2026

Cyfweliadau: Dydd Mercher a Dydd Iau, 25 & 26 Mawrth 2026

Dyddiad cychwyn: Medi 2026

Rydym yn annog yn gynnes i ymgeiswyr darpar drefnu ymweliad â'r ysgol neu ofyn am sgwrs anffurfiol am y rôl. Cysylltwch â Rheolwr Busnes yr Ysgol ar 01554 745100 neu Bethan.Morris@ysgolystrade.org i wneud trefniadau.

Disgrifiad Swydd:

26-02-13 - Pecyn Recriwtio Pennaeth - Strade (006581).pdf - 1019KB ~~EFORM_FILE_NEW_WINDOW~~

Dyddiad disgwyliedig y cyfweliad:

25 Mawrth 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 5 - Bydd angen ichi allu cyfathrebu'n rhugl yn y Gymraeg. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 09/03/2026, 12:00

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.