Pennaeth - Ysgol Gynradd Nantyffyllon

Cyflog: ISR 15-21* £74,384 - £85,329 per annum

Mae Ysgol Gynradd Nantyffyllon wedi'i lleoli ym Maesteg, ac mae'r ysgol yn gwasanaethu dalgylch eang ac mae'n ysgol leol uchel ei pharch a phoblogaidd gyda thua 198 o blant ar y gofrestr.

Rydym yn chwilio am Bennaeth â gweledigaeth glir i barhau'r ymgyrch i sicrhau safonau uchel yn yr ysgol. Bydd yn ofynnol ichi roi arweiniad i'r ysgol er mwyn cynnal ei llwyddiant ac i sicrhau addysg o safon uchel i bob disgybl a pharhau i godi safonau cyflawniad a llesiant tra'n cadw'r ethos a chynwysoldeb cryf.

A chithau'n Bennaeth, Dirprwy Bennaeth, arweinydd ysgol neu'n weithiwr proffesiynol addysg profiadol, bydd gennych brofiad rheoli gyda sgiliau arweinyddiaeth, sefydliadol a rhyngbersonol amlwg. Byddwch yn ymroddedig i weithio mewn partneriaeth â disgyblion, staff, rhieni a llywodraethwyr, y Gwasanaeth Cynhwysiant, asiantaethau allanol a'r gymuned leol i ddarparu amgylchedd lle mae'r staff a'r disgyblion yn cael eu cynorthwyo i gyflawni eu potensial llawn.

Gwahoddir ymgeiswyr i fynychu taith o amgylch yr ysgol ddydd Mawrth 20 Ionawr am 16:45. Os hoffech fynychu, cysylltwch â Mrs Nicola Treasure ar 01656 815740 neu admin@nantyffyllonps@bridgend.cymru

Rhaid i ymgeiswyr sy'n gwneud cais am eu penodiad cyntaf yn Bennaeth feddu ar y CPCP.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 04 Mawrth 2026

Dyddiad Llunio'r Rhestr Fer: 05 Mawrth 2026

Dyddiad y Cyfweliad: 18 & 19 Mawrth 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person