Ymgynghorydd - Cymraeg Ail Iaith - Partneriaeth

Cyflog: Soulbury 13 £58,400 - 15 £61,271 plus 3 SPA (or equivalent to the terms and conditions of employment if secondment)

Ymgynghorydd - Cymraeg Ail Iaith:

• Ar gael ar sail barhaol neu secondiad
• Ystyrir opsiynau gweithio yn llawn amser a rhan amser / hyblyg (hyd at un swydd cyfwerth ag amser llawn)
• Cyflog - Soulbury 13 - 15 ynghyd â 3 SPA (neu gyfwerth â thelerau ac amodau cyflogaeth os yw'r gweithiwr ar secondiad)
• Dylai'r rhai sy'n dymuno cael eu hystyried ar gyfer secondiad gael cymeradwyaeth gan eu pennaeth/corff llywodraethu cyn gwneud cais
• Dyddiad dechrau - Cyn gynted â phosibl

Nod Partneriaeth yw darparu dysgu proffesiynol o ansawdd uchel i bob arweinydd, athro a staff cymorth er mwyn gwella canlyniadau i bob dysgwr ar draws awdurdodau lleol Sir Benfro, Sir Gaerfyrddin ac Abertawe.

Rydym am benodi athro/athrawes hynod effeithiol i swydd fel ymgynghorydd pwnc ar gyfer Cymraeg Ail Iaith (Uwchradd). Gan weithio fel rhan o dîm, bydd yr ymgeisydd llwyddiannus yn gyfrifol am ddatblygu cydweithio effeithiol gydag ysgolion ac awdurdodau lleol i sicrhau bod staff addysgu a dysgu yn cael eu cefnogi'n dda mewn meysydd fel Cwricwlwm i Gymru, datblygu a chyflwyno cymwysterau, addysgeg a hunanwerthuso.

Bydd angen i ymgeiswyr fod â llwyddiant blaenorol o addysgu rhagorol. Disgwylir i'r ymgeisydd llwyddiannus ddarparu dysgu proffesiynol o ansawdd uchel ar draws Partneriaeth yn ogystal â chymorth pwrpasol effeithiol wedi'i deilwra i ysgolion a chlystyrau.

Darperir manylion llawn sy'n ymwneud â'r rôl yn y disgrifiad swydd sydd ynghlwm. Os hoffech drafod y cyfle ymhellach, cysylltwch â Greg Morgan, Arweinydd Gweithredol yn greg.morgan@partneriaeth.cymru

Y dyddiad cau ar gyfer ceisiadau yw 26 Chwefror 2026

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn hanfodol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.