Ymgynghorydd Cynorthwyol Addysg Ddewisol yn y Cartref

Cyflog: £35,412 - £39,862

Rydym yn mabwysiadu dull 'recriwtio dienw' wrth lunio'r rhestr fer. Ni fydd rheolwyr recriwtio yn cael mynediad at wybodaeth bersonol, gan gynnwys eich enw a'ch manylion cyswllt, hyd nes y bydd penderfyniad wedi'i wneud ynghylch y rhestr fer.

Rydym wedi ymrwymo i recriwtio, cadw a datblygu gweithlu sy'n adlewyrchu'r cymunedau rydym yn eu gwasanaethu. Mae rhannu eich data monitro cydraddoldeb yn ein galluogi i asesu effaith ein polisïau a'n harferion recriwtio a chyflogaeth ac yn rhoi cyfle i ni eu gwella lle bo modd. Nid yw rheolwyr recriwtio yn cael mynediad at wybodaeth monitro cydraddoldeb ar unrhyw adeg.

Ynglŷn â'r swydd wag

Cyfeirnod y Swydd Wag: 2738

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Dros Dro/Secondiad - Amser Llawn

Dyddiad gorffen y contract:

31 Mawrth 2026

Lleoliad:

Llanelli

Gradd:

Gradd H

Cyflog:

£35,412 - £39,862

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£18.36 - £20.66

Oriau Contract:

37

Dewch i ymuno â'n tîm

Ydych chi'n angerddol dros gefnogi teuluoedd a sicrhau'r canlyniadau addysgol gorau i blant? Ymunwch â'n tîm ymroddedig a chefnogol o fewn Gwasanaethau Addysg a Hamdden fel Ymgynghorydd Cynorthwyol Addysg Ddewisol yn y Cartref

Prif Ddyletswyddau:

• Cefnogi teuluoedd a dysgwyr i ddarparu addysg ddigonol ac effeithiol yn y cartref, yn unol â gofynion statudol.
• Rhoi cyngor i deuluoedd ar arferion addysgol, adnoddau, a chwricwlwm wedi'u teilwra i anghenion unigol.
• Cynnal adolygiadau rheolaidd ynghylch cynnydd addysgol, gan gynnig adborth ac arweiniad adeiladol.
• Cydweithio ag awdurdodau lleol, gwasanaethau cymdeithasol, a sefydliadau partner i gydgysylltu cymorth i blant a addysgir gartref.
• Cadw cofnodion cywir o'r holl ryngweithiadau, asesiadau a chynnydd.
• Hyrwyddo datblygiad cyfannol plant
• Cymryd rhan mewn cyfarfodydd tîm a sesiynau cynllunio i wella effeithiolrwydd y Tîm Lles Addysg.
• Cymryd rhan mewn datblygiad proffesiynol parhaus i gael y wybodaeth ddiweddaraf am y tueddiadau a'r polisïau addysgol.

Beth rydyn ni'n chwilio amdano:

• Gradd mewn gwaith cymdeithasol, addysg, neu faes cysylltiedig.
• Profiad o weithio ym maes addysg a chyda theuluoedd, gan gynnwys diogelu a chydweithredu amlasiantaethol.
• Meddu ar sgiliau rhagorol o ran cyfathrebu ac ysgrifennu.
• Gwybodaeth fanwl am bolisïau Llywodraeth Cymru ar ddiogelu ac addysg ddewisol yn y Cartref.
• Ymrwymiad i ddiogelwch a lles plant, gydag uniondeb a gwerthoedd moesegol cryf.

Pam ymuno â ni? Byddwch chi'n rhan o dîm cefnogol a chydweithredol iawn, sydd wedi ymrwymo i wneud gwahaniaeth mawr i blant a theuluoedd yn Sir Gaerfyrddin. Rydyn ni'n gwerthfawrogi datblygiad proffesiynol, gwaith tîm, ac amgylchedd gwaith cadarnhaol lle mae eich cyfraniadau yn cael eu cydnabod a'u hannog.

Gwybodaeth Ychwanegol:

• Angen gwiriad DBS manwl.
• Mae sgiliau iaith Gymraeg yn ddymunol.

Mae diogelu yn gyfrifoldeb ar bawb. Ymunwch â ni i hyrwyddo a chefnogi budd pennaf plant a theuluoedd ledled Sir Gaerfyrddin.

I gael rhagor o wybodaeth, cysylltwch â Becky Thomas ar RSThomas@sirgar.gov.uk neu Vicky Jeremy ar vjeremy@sirgar.gov.uk

Disgrifiad Swydd:

Assistant EHE Advisor (018098).pdf - 213KB ~~EFORM_FILE_NEW_WINDOW~~

Dyddiad disgwyliedig y cyfweliad:

19 Chwefror 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 3 - Bydd angen ichi fod â lefel dda o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 09/02/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd

Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.