Dirprwy Bennaeth - Ysgol Gynradd Gymunedol Saundersfoot

Cyflog: Pay Scale Within: £55,345 - £61,198

RYDYM YN GOFALU... RYDYM YN BAROD...

RYDYM YN DDIOGEL...

Dirprwy Bennaeth

Ysgol Gynradd Saundersfoot

ISR L3 - L7

Dyddiad dechrau: Medi 2026 neu cyn gynted â phosibl wedi hynny

Mae corff llywodraethu Ysgol Gynradd Saundersfoot yn chwilio am arweinydd rhagorol i'w benodi'n ddirprwy bennaeth. Byddai'r corff llywodraethu yn croesawu ceisiadau gan uwch-arweinwyr a phenaethiaid cynorthwyol presennol. Disgwylir i'r ymgeisydd llwyddiannus gyfrannu'n effeithiol at arweinyddiaeth, cyfeiriad strategol a chynnydd disgyblion ar draws cymuned yr ysgol gyfan.

Yr ysgol

Mae Ysgol Gynradd Saundersfoot (nifer ar y gofrestr: 160) wedi'i lleoli yn nhref arfordirol hardd Saundersfoot (Llanusyllt) ac mae hi'n angerddol dros helpu plant i ddatblygu sgiliau bywyd er mwyn bod yn ddinasyddion i'w hefelychu yn ein byd.

Yr ymgeisydd llwyddiannus

Byddwch yn arweinydd ysbrydoledig gyda hanes sylweddol o wella ysgolion. Bydd gennych weledigaeth, hyblygrwydd, brwdfrydedd ac angerdd i hwyluso llwyddiant ein disgyblion, ein staff a'n cymuned. Bydd gennych yr hygrededd i ysgogi, ysbrydoli a herio eraill.

• gweledigaeth glir ar gyfer rhagoriaeth addysgol ac angerdd am wella deilliannau disgyblion,
• gweledigaeth strategol, arloesol ar gyfer effeithiolrwydd, cynhwysiant a llesiant ysgolion; a dylanwad y rhain ar ddeilliannau disgyblion,
• cyfathrebwr rhagorol sy'n gallu ymgysylltu'n effeithiol â phlant, rhieni, staff a llywodraethwyr,
• y gallu i adeiladu ar gydberthnasau cyfredol a datblygu rhai newydd o fewn yr ysgol, yr awdurdod lleol a'r gymuned ehangach,
• y gallu i adnabod cryfderau a gwendidau, gan eu defnyddio i ddatblygu potensial disgyblion a staff ymhellach,
• y gallu i ysbrydoli, ysgogi ac ennyn brwdfrydedd disgyblion a staff,
• disgwyliadau uchel i sicrhau bod disgyblion yn llawn cymhelliant ac wedi'u hysbrydoli a'u herio er mwyn iddynt gyrraedd eu potensial llawn.

Rydym yn chwilio am arweinydd ysbrydoledig a deinamig a fydd yn esiampl ar gyfer dysgu yn ein hysgol a'n cymuned. Gydag ymrwymiad cryf i ragoriaeth addysgol, bydd gennych yr hyder i arwain, arloesi a sefydlu systemau newydd sy'n gwella addysgu a dysgu ar draws yr ysgol.

Fel Dirprwy Bennaeth, byddwch yn cynnig y canlynol:

• Gweledigaeth glir ac uchelgeisiol ar gyfer gwella canlyniadau disgyblion, meithrin safonau uchel, a sicrhau rhagoriaeth mewn addysg.
• Arweinyddiaeth strategol sy'n blaenoriaethu effeithiolrwydd, cynhwysiant a llesiant ysgolion, gan gydnabod eu heffaith hollbwysig ar gyflawniad disgyblion.
• Sgiliau cyfathrebu rhagorol, gan alluogi ymgysylltu effeithiol â phlant, rhieni, staff a llywodraethwyr.
• Dull cydweithredol, a fydd yn atgyfnerthu perthnasoedd presennol ac yn ffurfio partneriaethau newydd o fewn yr ysgol, yr awdurdod lleol, a'r gymuned ehangach.
• Gallu brwd i nodi cryfderau a meysydd i'w datblygu, gan eu defnyddio i ryddhau potensial disgyblion a staff.
• Ysbrydoliaeth, cymhelliant a brwdfrydedd, gan sicrhau amgylchedd dysgu cadarnhaol lle mae pob disgybl yn teimlo eu bod yn cael eu herio a'u cefnogi.
• Disgwyliadau uchel, gan rymuso disgyblion i geisio rhagoriaeth a chyflawni eu potensial llawn.

Mae'r rôl hon yn gyfle cyffrous i arweinydd â gweledigaeth sy'n hyblyg, yn frwdfrydig, ac yn teimlo'n angerddol am hwyluso llwyddiant i ddisgyblion, staff, a'r gymuned ehangach. Os ydych chi'n barod i ysgogi, ysbrydoli a herio eraill, byddwn yn croesawu eich cais.

Fe'ch gwahoddir i ysgrifennu llythyr cais (dim mwy na 1000 o eiriau) yn amlinellu eich rhesymau dros wneud cais a'r sgiliau perthnasol y gallwch eu cynnig i Ysgol Saundersfoot. Dychwelwch y ffurflen wedi'i chwblhau at: Damon McGarvie, Ymgynghorydd Gwella Ysgolion, mcgarvied@hwbmail.net

Byddwn yn falch o glywed gan rai â diddordeb a byddwn yn croesawu ymweliadau â'n hysgolion. Gellir trefnu'r rhain drwy gysylltu â swyddog gweinyddol yr ysgol - Miss R Harts hartsr5@hwbcymru.net

Dyddiad cau: 5 Chwefror 2026

Llunio'r rhestr fer: 9 Chwefror 2026

Arsylwadau gwersi 23/24 Chwefror 2026

Cyfweliadau: 25 Chwefror 2026

Fideo Addysgu Sir Benfro: Fideo - Cyngor Sir Penfro

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.


Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Nodyn Canllaw: Defnyddio Deallusrwydd Artiffisial a Chywirdeb Gwybodaeth:

• Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
• Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.


Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.

Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.