Darlithydd Dysgu Gydol Oes

Cyflog: £21.72 - £33.57 yr awr sy'n cynnwys hawl gwyliau, yn ddibynnol ar gymwysterau a phrofiad

Mae hwn yn gyfle i unigolion cymwys, egniol a brwdfrydig i ymuno gyda Thím Addysg Oedolion Cymunedol - Potensial yng Ngwynedd, Môn, Conwy a Sir Ddinbych. Bydd yr ymgeisydd llwyddiannus yn gallu:

• • Addysgu i safon uchel er mwyn creu cyfleoedd dysgu effeithiol ac er mwyn galluogi'r holl ddysgwyr i gyflawni hyd eithaf eu gallu.

• • Addysgu, llythrennedd, rhifedd a llythrennedd digidol

• • Addysgu pwnc arbenigol arall e.e. Celf, Cyflogadwyeth, Cymdeithaseg, Gweinyddu Busnes neu unrhyw bwnc arbenigol arall

• • Cynorthwyo i ddatblygu'r ddarpariaeth Addysg Oedolion yng Ngwynedd, Môn, Conwy a Sir Ddinbych

Mae'n gyfnod cyffrous i'r sector Addysg Oedolion:mae iddi ran flaenllaw i gefnogi adfywiad economaidd a datblygiad sgiliau drwy ddarparu cyfleon hyfforddiant ac hefyd i ysgogi diwylliant o ddysgu gydol oes er budd unigolion a chymunedau.

Manylion Swydd
Cyfeirnod y Swydd
CM/071/25

Cyflog
£21.72 - £33.57 yr awr sy'n cynnwys hawl gwyliau, yn ddibynnol ar gymwysterau a phrofiad

Lleoliad Gwaith

• Lleoliad gwaith i'w gadarnhau

Hawl gwyliau
Bydd hawl i wyliau â thâl pro rata ym mhob blwyddyn academaidd (1 Medi i 31 Awst), sy'n cynnwys hawl pro-rata i 8 Gŵyl Banc a Gwyliau Cyhoeddus a welir fel arfer yng Nghymru a hawl pro-rata o hyd at 5 o wyliau effeithlonrwydd (sylwer y gall hyn newid yn flynyddol). Mae gwyliau blynyddol yn deillio o hawl pro rata cyfwerth ag amser llawn o 46 diwrnod sydd wedi'i gynnwys yn y gyfradd fesul awr a delir.

Patrwm gweithio
Hyd at 16 awr yr wythnos ar gael. Cytundeb rhan amser, telir fesul awr. Patrwm gwaith i'w gytuno yn ddibynnol ar argaeledd ond gall gynnwys nosweithiau a penwythnosau. Mae'r pwnc a lefel y ddarpariaeth yn seiliedig ar gymwysterau a phrofiad.

Bydd canran ychwanegol o rhwng 10% - 63.33% (yn amodol ar feini prawf) yn cael ei gymhwyso i'r oriau cytundebol a weithiwyd i adlewyrchu paratoi a marcio.

Wythnosau Gwaith I'w gytuno gyda'r Rheolwr Maes Rhaglen

Hawliau Pensiwn
Cynllun Pensiwn Athrawon

Math o gytundeb
Rhan Amser a Delir wrth yr Awr

Dyddiad cau
25 Tach 2025
12:00 YH(Ganol dydd)