Darlithydd Ffotograffiaeth a Delir Fesul Awr

Cyflog: Digymhwyster: £25,371 - £29,942  y flwyddyn (pro rata, a delir fesul awr)Cymwysedig: £32,304 - £49,934 y flwyddyn (pro rata, a delir fesul awr)

Darlithydd Ffotograffiaeth a Delir Fesul Awr

Sylwch, contract a delir fesul awr yw hon, sy'n golygu na ellir gwarantu diwrnodau ac oriau penodol - cânt eu cynnig yn achlysurol, yn ôl yr angen, ac i gyd-fynd ag anghenion y gwasanaeth ac felly gallant amrywio.

Digymhwyster: £25,371 - £29,942 y flwyddyn (pro rata, a delir fesul awr)
Cymwysedig: £32,304 - £49,934 y flwyddyn (pro rata, a delir fesul awr)

Rydym yn chwilio am Ddarlithydd Ffotograffiaeth ymroddedig a brwdfrydig i ymuno â'r adran celfyddydau creadigol yng Ngholeg Penybont. Mae'r rôl hon yn cynnwys cynllunio, paratoi a chyflwyno gwersi ymarferol a damcaniaethol o ansawdd uchel ar draws ystod o'n rhaglenni AB.

Bydd yr ymgeisydd llwyddiannus yn gyfrifol am addysgu pob agwedd ar ffotograffiaeth, gan gynnwys arbenigedd mewn llifau gwaith digidol (Adobe Creative Suite, cipio digidol), prosesau ystafell dywyll analog traddodiadol, a goleuo a defnyddio stiwdios proffesiynol.

Byddwch yn asesu gwaith myfyrwyr, rhoi adborth adeiladol, a sicrhau bod holl gynnwys y cwricwlwm yn berthnasol ac yn cyd-fynd â safonau cyfredol y diwydiant.

I ragori yn y rôl hon, rhaid i chi feddu ar gymhwyster lefel gradd (BA Anrh neu gyfwerth) mewn Ffotograffiaeth neu faes cysylltiedig, ochr yn ochr â phrofiad sylweddol, profedig yn y diwydiant. Bydd angen cymhwyster addysgu cydnabyddedig arnoch, fel TAR neu gyfwerth, neu fod yn barod i gyflawni un ar ôl eich penodi. Rydym yn chwilio am rywun a all nid yn unig reoli cyfarwyddiadau technegol ond hefyd ysgogi ac ysbrydoli grwpiau amrywiol o fyfyrwyr, gan feithrin amgylchedd dysgu creadigol a chynhwysol.

• Gwybodaeth am gyflwyno sesiynau ymarferol, wedi'u hategu gan wybodaeth feirniadol a damcaniaethol
• Ymwybyddiaeth a gwybodaeth gref am arferion digidol.
• Ffotograffydd gweithredol gydag ymarfer proffesiynol priodol.

I gael rhagor o wybodaeth, gwelwch becyn gwybodaeth y swydd .

Mae Coleg Penybont yn cydnabod ei gyfrifoldeb dros sicrhau diogelwch a lles pob myfyriwr. Rydym yn defnyddio proses drylwyr i wirio addasrwydd staff a gwirfoddolwyr i weithio â phlant ac oedolion sy'n agored i niwed. Mae'r swydd uchod yn amodol ar Wiriad Manylach gan y Gwasanaeth Datgelu a Gwahardd (DBS) ar gyfer y gweithlu plant ac oedolion a bydd rhaid i chi gofrestru fel Athro Addysg Bellach gyda Chyngor y Gweithlu Addysg.

Mae Coleg Penybont yn deall gwerth darparu gwasanaethau yn Gymraeg a'r angen i dyfu ei weithlu dwyieithog. Rydym felly'n annog ceisiadau gan ymgeiswyr sydd â sgiliau Cymraeg da. Nodwch yn eich datganiad personol a fyddai'n well gennych i'ch asesiad/cyfweliad gael ei gynnal yn Gymraeg.

Rydym wrthi'n ceisio gwella cynrychiolaeth o bob rhan o'r gymuned a hyrwyddo cyfleoedd cyfartal. Rydym yn croesawu ceisiadau gan bawb, gan gynnwys pobl o wahanol gefndiroedd a chymunedau, ac o wahanol oedrannau.

Rydym yn falch o fod yn Arweinydd Hyderus o ran Anabledd ac rydym yn gwarantu cyfweld ag unrhyw un sydd ag anabledd cyn belled â bod eu cais yn bodloni meini prawf hanfodol y swydd, a'u hystyried ar eu galluoedd. Gallwn hefyd gynnig addasiadau rhesymol trwy gydol y broses recriwtio.

Bydd gofyn i'r ymgeisydd llwyddiannus ddarparu tystiolaeth o'i hunaniaeth a'i gymhwystra i weithio yn y DU.

Nid yw'r Coleg yn cymryd rhan yng Nghynllun Noddi Fisa'r DU, felly bydd rhaid i ymgeiswyr ddarpar u tystiolaeth o'u hawl i weithio yn y DU os cynigir rôl iddynt gyda ni.

Sylwch, efallai y bydd gofyn am gyfweliad neu asesiad ail gam.