Gweinyddwr y Gofrestrfa

Cyflog: £24,424 - £25,199 / blwyddyn

Gweinyddwr y Gofrestrfa
Application Deadline: 24 October 2025

Department: Cofrestrfa

Employment Type: Contract / Dros dro

Location: Campws Graig

Compensation: £24,424 - £25,199 / blwyddyn

DescriptionMae gan Goleg Sir Gâr gyfle cyffrous ar gyfer Gweinyddwr y Gofrestrfa i ymuno â'n tîm prysur yn y gofrestrfa am dymor dros dro penodol, ar Gampws y Graig yn Llanelli.

Campws y Graig yw'r mwyaf o bum campws Coleg Sir Gâr. Lleolir y Campws ger pentref Pwll ar arfordir De-orllewin Cymru yn Llanelli. Gyda golygfeydd o benrhyn Gŵyr gerllaw, mae'r Campws yn lle gwych i weithio ac astudio gydag ystod o gyfleusterau addysgu ag adnoddau da a'r Hwb, sef ardal i'r myfyrwyr a ddyluniwyd ar gynllun cyfoes ar gyfer cymorth personol a chyfleoedd dysgu.

Fel Gweinyddwr y Gofrestrfa, byddwch yn chwarae rôl ganolog yn y gwaith o gasglu a chyflwyno data addysg bellach ac uwch, ac o hyn caiff y Coleg ei ariannu a'i berfformiad ei fonitro. Bydd y rôl yn rhoi cipolwg ardderchog i'r ymgeisydd llwyddiannus ar adran y gofrestrfa lle byddwch chi'n gweithio'n agos gydag adrannau amrywiol ar draws Coleg Sir Gâr a Choleg Ceredigion.

Y prif gyfrifoldebau yw cynorthwyo gyda phroses gofrestru dysgwyr yn y Coleg. Byddwch chi hefyd yn casglu a mewnbynnu data ar gyfer y Coleg a'r holl gyrff dyfarnu a chyllido allanol, gan sicrhau bod data cywir yn cael ei gynnal ar MIS y Coleg Byddwch hefyd yn cynorthwyo gyda gweinyddu gweithdrefnau cofrestru ac arholiadau, gan gynnwys derbyn a dosbarthu canlyniadau arholiadau a thystysgrifau.

Cyfrifoldebau Allweddol

• Gynorthwyo gyda'r broses o gofrestru dysgwyr yn y Coleg e.e. Addysg Bellach, Addysg Uwch, Cyswllt Ysgolion ac ati.
• Casglu a mewnbynnu data sydd ei angen ar gyfer rheolwyr y Coleg ac ar gyfer yr holl gyrff dyfarnu ac ariannu allanol; sicrhau bod data cywir yn cael ei gynnal ar MIS y Coleg.
• Cynorthwyo gydag ymarferion gwirio data sy'n ofynnol er mwyn paratoi ar gyfer dychwelyd ffurflenni cyllid MEDR mewn modd amserol.
• Cynorthwyo gyda gweinyddu cofrestriadau a gweithdrefnau arholiadau ble bo'n ofynnol.
• Cynorthwyo gyda derbyn a dosbarthu canlyniadau arholiadau a thystysgrifau mewn cysylltiad â swyddfa'r campws.
• Cyfrannu at gasglu a chofnodi data cyrhaeddiad i gefnogi ariannu a monitro perfformiad.
• Cefnogi'r broses o ddarparu cadarnhad o bresenoldeb a data hanes academaidd e.e. ceisiadau am eirdaon academaidd.
• Gweithredu fel pwynt cyswllt ar gyfer adran y gofrestrfa o ran gweinyddu cofnodion myfyrwyr, cofrestrau presenoldeb a rhestrau gwirio.
• Cyfathrebu ag amrywiaeth o adrannau yn fewnol ac yn allanol i sicrhau bod cofnodion myfyrwyr cywir yn cael eu cofnodi ar MIS y Coleg.
• Cyflawni unrhyw ddyletswyddau eraill yn ôl cyfarwyddyd y Pennaeth/Prif Weithredwr, yn gymesur â gradd y swydd, yn y gweithle cychwynnol neu leoliadau eraill yn y Coleg.

Manyleb Yr UnigolynHanfodol

• Cymwysterau Priodol hyd at Lefel 3 neu brofiad cyfwerth
• TGAU Saesneg neu Lefel O - o leiaf Gradd C neu (CSE Gradd 1 cyfwerth)
• TGAU Mathemateg neu Lefel O - o leiaf Gradd C neu (CSE Gradd 1 cyfwerth)
• Profiad perthnasol o weinyddu
• Cyfathrebwr da â diplomyddiaeth a thact
• Sgiliau rhyngbersonol a threfniadol da
• Y gallu i weithio'n gytûn gyda chydweithwyr
• Y gallu i weithio dan bwysau ac i derfynau amser tynn
• Sgiliau cyflwyno da
• Y gallu i ddefnyddio ystod o systemau a phecynnau TG yn gymwys

Dymunol

• Defnyddio cronfeydd data i gofnodi ac adrodd ar ddata
• Dealltwriaeth o faterion Addysg Bellach ac Addysg Uwch
• Profiad o weithio mewn partneriaeth gydag asiantaethau allanol

Yr Iaith Gymraeg:

• Llefaredd Cymraeg (Gwrando/Siarad) - Lefel 0/1 Dymunol
• Llythrennedd Cymraeg (Ysgrifennu/Darllen) - Lefel 0/1 Dymunol

(Gweler y Disgrifiadau manwl o Lefelau Iaith sy'n atodedig)

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Mae'r gwaith o lunio rhestr fer yn debygol o gael ei gwblhau yn yr wythnos sy'n dechrau ar 27ain Hydref 2025. Os ydych yn llwyddiannus yn ystod llunio'r rhestr fer, mae'n debygol y bydd cyfweliadau'n cael eu cynnal yn yr wythnos sy'n dechrau 10fed Tachwedd 2025.

Buddion

• Byddwch yn cael 28 diwrnod o wyliau, ynghyd â gwyliau banc a phum diwrnod cau sef cyfanswm o 41 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein