Swyddog Lles CC/2959

Cyflog: £28,318 - £29,935

Disgrifiad Swydd a Manyleb Person

Coleg Cambria: Cyflwyniad

Yng Ngholeg Cambria, ein nod yw bod yn sefydliad addysg eithriadol.

Rydym yn rhoi croeso cynnes i holl fyfyrwyr a staff i wneud Coleg Cambria yn lle rydych chi eisiau bod yn rhan ohono. Er mwyn sicrhau bod ein myfyrwyr yn cael y profiad a'r canlyniadau gorau y gallant eu cael, rydym yn sicrhau fod y bobl rydym yn eu cyflogi yn hapus. Rydym yn meithrin amgylchedd gwaith cadarnhaol, gweithlu sy'n ehangu ac yn gwella'n gyson, ac yn cynnig y cyfle i chi herio'ch hun. Yn ogystal â hynny, mae gennym ystod eang o fudd-daliadau i sicrhau fod ein gweithwyr yn teimlo eu bod yn cael eu gwerthfawrogi, gan gynnwys gwyliau blynyddol hael, pecyn pensiwn gwych, ac aelodaeth â disgownt i'n campfeydd, ein salonau a'n bwytai hyfforddi proffesiynol.

Mae ein 5 safle, sydd wedi'u lleoli mewn ardal odidog yng Ngogledd Cymru, yn ehangu ac yn datblygu'n gyson. Gyda pherthnasoedd cryf gyda nifer o gwmnïau yn yr ardal, rydym yn helpu rhoi'r dechrau gorau i'n myfyrwyr i'w gyrfaoedd ac yn helpu'r economi leol i ffynnu. Mae gan Gymru ddiwylliant cadarn a balch, ac rydym yn parhau i ddatblygu'r gwerthoedd pwysig hynny trwy ymrwymo i hyrwyddo'r Gymraeg. Rydym yn falch iawn o'r hyn rydym wedi'i adeiladu yma ac rydym bellach yn chwilio am rywun i wella ein gweithlu sydd eisoes yn eithriadol.

Crynodeb o'r Swydd

Rhagori ar ddisgwyliadau drwy addysg, arloesedd ac ysbrydoliaeth...

Teitl y Swydd : Swyddog Lles

Lleoliad: Ffordd y Bers

Math o gontract: Llawn Amser / Tymor Penodol (30/6/2025)

Cyflog: £28,318 - £29,935

A r hyn o bryd mae gennym swydd wag ar gyfer swyddog lles, i fod yn gyfrifol fel y pwynt cyswllt cyntaf fel rhan o'r Tîm Diogelu ar gyfer atgyfeiriadau, ymyriadau a phryderon diogelu, gan gynnwys cysylltu ag asiantaethau allanol priodol. Bydd y swyddog lles hefyd yn gweithredu fel ffynhonnell cymorth, cyngor ac arbenigedd ar yr holl faterion sy'n ymwneud â lles.

Prif Dasgau:

• Ymdrin ag ymholiadau dysgwyr o ddydd i ddydd a rhoi gwybodaeth briodol mewn ymateb iddynt, gan gynnwys ymholiadau wyneb yn wyneb, ar y ffôn, sgwrsio ar-lein ac e-bost.
  
• Sicrhau bod yr holl ddysgwyr yn cael cymorth gyda materion iechyd a lles.
  
• Darparu cymorth a chyflenwi yn lle staff eraill ar unrhyw un o safleoedd y coleg.
  
• Gweithredu fel pwynt cyswllt cyntaf ar y cyd â'r Tîm Diogelu, ar gyfer yr holl atgyfeiriadau, ymyriadau a phryderon diogelu.
  
• Cysylltu ag asiantaethau allanol priodol a gwneud atgyfeiriadau a sicrhau eu bod yn ymdrin â holl bryderon diogelu yn brydlon ac yn briodol.
  
• Sicrhau eu bod yn cynnal yr holl gofnodion ac yn diweddaru gweithredoedd.
  
• Gweithredu fel ffynhonnell cymorth, cyngor ac arbenigedd i ddysgwyr a staff ar yr holl faterion sy'n ymwneud â llesiant.
  
• Mynd i gyfarfodydd Strategol Diogelu Plant amlasiantaethol, cyfarfodydd Plant mewn Angen yn ôl y gofyn.
  
• Cynnal Asesiadau Risg Dysgwyr ar gyfer dysgwyr unigol sy'n datgelu bod ganddynt Euogfarn Droseddol neu Rybudd gan yr Heddlu.
  
• Mynd i gyfarfodydd allanol ar ran y coleg sy'n ymwneud â dysgwyr sy'n cael cymorth gan Wasanaeth Cyfiawnder Ieuenctid/Gwasanaeth Prawf.
  
• Cynnal gwybodaeth berthnasol ddiweddar am faterion Diogelu allweddol gan gynnwys Radicaleiddio ac iechyd meddwl.
  

Gofynion Hanfodol

• Safon dda o addysg (TGAU Gradd C ac uwch mewn llythrennedd a rhifedd)
  
• Lefel 4 mewn Cyngor ac Arweiniad
  
• Lefel 2 Cymhwyster Diogelu
  
• Lefel 3 Cymhwyster
  

Mae'r Gymraeg yn ddymunol ar gyfer y swydd hon

Mae Coleg Cambria wedi ymrwymo i hyrwyddo proffil y Gymraeg.

Mae hyrwyddo'r Gymraeg yn rhan hanfodol o'n gwaith. Mae croeso i ymgeiswyr gyflwyno cais yn Gymraeg. Nid ydym yn trin cais a gyflwynwyd yn Gymraeg yn llai ffafriol na chais a chyflwynwyd yn Saesneg.

Bydd ffurflenni cais, deunydd esboniadol, gwybodaeth am y broses gyfweld a dulliau asesu a disgrifiadau swydd i gyd ar gael yn Gymraeg.

Mae Coleg Cambria yn gyflogwr 'Hyderus o ran Anableddau'.

Mae hyrwyddo Cydraddoldeb ac Amrywiaeth yn rhan hanfodol o'n gwaith, ac mae'r coleg wedi ymrwymo i gael grwp staff amrywiol fel rhan o hynny.

Mae diogelwch plant, pobl ifanc ac oedolion y nodwyd eu bod yn 'agored i niwed' yn hollbwysig ac mae Coleg Cambria wedi ymrwymo'n llwyr i ddiogelu a hyrwyddo lles yr unigolion hyn ac i weithredu gweithdrefnau a threfniadau'r Gwasanaeth Datgelu a Gwahardd (DBS) yn drwyadl. Byddwn yn gofyn am wiriad DBS gan yr ymgeisydd llwyddiannus a fydd yn cael cynnig y swydd. Byddai gofyn i chi hefyd gofrestru gyda'r Cyngor Gweithlu Addysg fel Athro Addysg Bellach.

Fel arfer mae swyddi'n cael eu hysbysebu gydag ystod cyflog. Os cewch gynnig swydd yn y coleg, bydd profiad perthnasol yn cael ei ystyried er mwyn pennu eich cyflog cychwynnol.

Sylwer fod Coleg Cambria yn cadw'r hawl i gau'r rhestr ymgeiswyr yn gynnar ar gyfer unrhyw swydd pe byddwn yn derbyn nifer fawr o geisiadau. Byddwn yn argymell eich bod yn cwblhau eich cais cyn gynted â phosibl os hoffech gael eich ystyried ar gyfer y swydd hon.

Buddion

Cynllun(iau) pensiwn ardderchog

Hawl gwyliau blynyddol hael

Darpariaeth feithrin ar ein safle yng Nglannau Dyfrdwy

Gostyngiadau ar ystod o gyrsiau gyda'r nos y coleg

Mynediad i ystod eang o gyrsiau e-ddysgu a datblygiad proffesiynol

Disgownt ar aelodaeth ystafell ffitrwydd

Cyfleusterau chwaraeon a ffitrwydd ardderchog

Parcio am ddim ar bob safle

Cynllun Beicio

Cyfraddau gostyngol ar gyfer trin gwallt a thriniaethau harddwch

Cyfraddau gostyngol yn ein bwytai

Absenoldeb mamolaeth, mabwysiadu a thadolaeth estynedig