Darlithydd mewn Amaethyddiaeth

Cyflog: £25,372 - £49,934 / blwyddyn

Darlithydd mewn Amaethyddiaeth
Application Deadline: 13 August 2025

Department: Amaethyddiaeth

Employment Type: Llawn Amser

Location: Campws Y Gelli Aur

Compensation: £25,372 - £49,934 / blwyddyn

DescriptionMae Bwrdd Cyfarwyddwyr Coleg Sir Gâr a Choleg Ceredigion wedi ymrwymo i benodi'r staff gorau posibl sy'n cyflawni rhagoriaeth yn eu gwaith. Gan weithio i'r gwerthoedd a'r ymddygiadau sy'n tanategu cynllun strategol a busnes y sefydliad, mae'r Coleg yn ceisio staff sy'n arddangos creadigrwydd ac arloesedd, tra'n gyrru eu perfformiad eu hunain, a pherfformiad eraill, i ddarparu'r profiad a'r gwasanaeth gorau posibl i ddysgwyr.

Mae'r maes Cwricwlwm Amaethyddiaeth yn ffurfio rhan o'r gyfadran Adeiladu ac Amaethyddiaeth. Lleolir y ddarpariaeth ar Gampws y Gelli Aur ac mae'n cynnwys cyrsiau Amaethyddiaeth, Peirianneg Ar Dir, Garddwriaeth, Coedwigaeth a Rheolaeth Cefn Gwlad a gyflwynir i ddysgwyr Addysg Uwch, Addysg Bellach, Dysgu Seiliedig Ar Waith a dysgwyr Ysgol 14-16. Mae gan dîm y Maes Cwricwlwm dros 15 o staff addysgu, asesu a staff cymorth llawn amser a rhan-amser. Hefyd mae'n cynnig gweithgareddau masnachol, cymunedol a phrosiect sylweddol ac mae ganddo hanes clodwiw o ddatblygu sgiliau. Mae gan y Maes Cwricwlwm gysylltiadau helaeth â diwydiant a grwpiau budd-ddeiliaid cysylltiedig.

Y Coleg yw'r prif ddarparwr ar gyfer darpariaeth Amaethyddol ar lefel tri yng Nghymru, ac mae ganddo Gampws pwrpasol yn y Gelli Aur sy'n cynnwys labordy gwyddoniaeth, ystafelloedd seminar, switiau TGCh a gweithdai peirianneg. Ein nod yw sicrhau bod myfyrwyr yn mwynhau profiad dysgu gwerthfawr ac ysgogol sy'n eu paratoi ar gyfer cyflogaeth am oes yn y sector ar dir.

Mae'r swydd yn darparu cyfle i berson rhagweithiol gyflwyno addysgu a dysgu o ansawdd uchel ar raglenni Ar Dir ar Gampws y Gelli Aur.

Cyfrifoldebau Allweddol

• Ymgymryd â'r gwaith o addysgu, asesu a chydlynu rhaglenni astudio sy'n arwain at gymwysterau mewn ystod eang o gyrsiau Amaeth o Lefel 1 i Radd Anrhydedd. Bydd angen i chi allu cyflwyno mewn ystafell ddosbarth ac arddangos systemau gweithio diogel wrth gyflwyno sesiynau ymarferol.
• cyfrannu at reoli'r maes pwnc hwn;
• darparu cymorth, fel aelod o'r tîm, o ran gweinyddu a datblygu adnoddau o fewn yr Adran yn y Gelli Aur a chynorthwyo gyda datblygu deunyddiau addysgu a dysgu;
• cynorthwyo gyda'r gwaith o ddarparu astudiaethau Amaeth trwy gysylltu â'r diwydiant a datblygu cyrsiau masnachol;
• cyfrannu at ansawdd y ddarpariaeth trwy'r system dilysu mewnol;
• paratoi deunyddiau addysgu a dysgu perthnasol ar gyfer pynciau penodedig;
• paratoi deunyddiau adnodd a chyfleusterau i ategu'r gwaith addysgu penodedig;
• cyfrannu at ofynion swyddogaethol tîm y cwrs;
• ymgymryd â'r holl weithgarwch asesu ar gyfer pynciau penodedig;
• sicrhau bod yr holl ystafelloedd dosbarth a chyfleusterau hyfforddiant ymarferol yn cydymffurfio ag iechyd a diogelwch a gofynion deddfwriaethol eraill;
• cysylltu â budd-ddeiliaid trydydd parti fel y'i nodwyd gan reolwyr y gyfadran, gan gynnwys cynghorau sgiliau sector, sefydliadau AU, cyrff diwydiannol, cyflogwyr ac ati;
• ymgymryd â rôl y tiwtor personol ar gyfer grŵp o ddysgwyr;
• cyflawni unrhyw ddyletswyddau eraill yn ôl cyfarwyddyd y Pennaeth/Prif Weithredwr, yn gymesur â gradd y swydd, yn y gweithle cychwynnol neu leoliadau eraill yn y Coleg.

Sgiliau Gwybodaeth ac ArbenigeddHanfodol:

• Gradd berthnasol neu gymhwyster addysg uwch/lefel uwch cyfwerth
• Cymhwyster addysgu (Os nad ydych yn meddu ar gymhwyster addysgu ar ddyddiad dechrau'r swydd, bydd hi'n ofynnol i chi ennill TAR o fewn 2 flynedd i'r dyddiad hwn)
• Cymhwyster cysylltiedig ag amaethyddiaeth Lefel 3 neu gyfwerth
• Profiad addysgu perthnasol
• Profiad Diwydiant Amaethyddol Perthnasol
• Sgiliau llythrennedd a rhifedd da a'r gallu i gyfathrebu'n effeithiol ar bob lefel ar lafar ac yn ysgrifenedig
• Dealltwriaeth gadarn o lythrennedd digidol
• Sgiliau rhyngbersonol a threfniadol ardderchog
• Y gallu i weithio'n gytûn gyda dysgwyr a chydweithwyr
• Y gallu i weithio dan bwysau ac i derfynau amser tynn
• Prydlondeb ardderchog a'r gallu i weithio'n hyblyg

Dymunol:

• Dealltwriaeth dda o faterion perthnasol mewn addysg ôl 16
• Hanes profedig o lefelau uchel o gyrhaeddiad dysgwyr
• Ymwybyddiaeth o ddangosyddion perfformiad allweddol
• Tystiolaeth o weithgareddau addysgu a dysgu arloesol
• Tystiolaeth o olrhain a monitro perfformiad dysgwyr yn effeithiol
• Profiad o gymryd rhan weithredol yng ngofal bugeiliol pobl ifanc
• Trwydded yrru gyfredol
• Parodrwydd i yrru bws mini'r coleg
• Parodrwydd i gyfrannu at ddatblygu gweithgareddau allgyrsiol

Yr Iaith Gymraeg:

• Llefaredd Cymraeg (Gwrando/Siarad) - Lefel 3/4
• Llythrennedd Cymraeg (Ysgrifennu/Darllen) - Lefel 3/4

(Gweler disgrifiadau iaith manwl ynghlwm.

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Am ddisgrifiad swydd llawn, cliciwch ynghlwm.

Buddion

• Byddwch yn cael 46 diwrnod o wyliau, ynghyd â gwyliau banc a phum diwrnod cau sef cyfanswm o 59 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 28.68% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein