Darlithydd mewn Busnes - Arweinyddiaeth a Rheolaeth ILM Lefel 2-7

Cyflog: £25,370 - £49,934 / blwyddyn

Darlithydd mewn Busnes - Arweinyddiaeth a Rheolaeth ILM Lefel 2-7
Department: Busnes

Employment Type: Rhan Amser

Location: Campws Pibwrlwyd

Compensation: £25,370 - £49,934 / blwyddyn

DescriptionMae Bwrdd Cyfarwyddwyr Coleg Sir Gâr|Coleg Ceredigion wedi ymrwymo i benodi staff sy'n dangos menter, brwdfrydedd a rhagoriaeth yn eu gwaith. Gan weithio i'r gwerthoedd a'r ymddygiadau sy'n tanategu cynllun strategol y sefydliad, mae'r Coleg yn ceisio staff sy'n arddangos creadigrwydd ac arloesedd, tra'n gyrru eu perfformiad a pherfformiad eraill. Yn benodol, staff a all ddatblygu ein cenhadaeth ymhellach, sef: Ysbrydoli Dysgwyr, Cyflawni Potensial ac Ennill Rhagoriaeth.

Mae'r coleg yn ymrwymedig i gyflawni rhagoriaeth a darparu'r gwasanaeth gorau un i'n dysgwyr. Mae'r ymgyrch i wella ansawdd, addysgu a dysgu wrth wraidd ei swyddogaeth. Wedi'i lleoli ar Gampws Pibwrlwyd, mae'r gyfadran yn arbennig o weithgar wrth weithio gyda phartneriaid allanol a chyflwyno darpariaeth yn y gymuned a chyda diwydiannau lleol.

Mae'r maes Cyfadran yn bwriadu penodi darlithydd blaengar, dynamig sydd â'r weledigaeth a'r ysfa i ehangu cyfeiriad y ddarpariaeth busnes a rheolaeth yng Ngholeg Sir Gâr|Coleg Ceredigion yn y dyfodol.Gan ymgymryd â'r gwaith o gynllunio a chyflwyno cwricwlwm ILM Lefel 2 - Lefel 7, bydd yr ymgeisydd llwyddiannus yn paratoi deunyddiau dysgu, yn asesu gwaith dysgwyr, yn monitro cynnydd ac yn cyfrannu at y gwaith o sicrhau ansawdd y ddarpariaeth.

Rydym yn chwilio am ddarlithydd ILM brwdfrydig a phenderfynol a fydd yn ennyn diddordeb dysgwyr yn y pwnc ac yn eu paratoi ar gyfer asesu. Mae gradd mewn Busnes neu bwnc cysylltiedig yn hanfodol. Byddai ymgeiswyr sydd â phrofiad o addysgu dysgwyr sy'n oedolion mewn lleoliadau tebyg ac sydd â statws athro cymwys yn cael eu ffafrio.

Cyfrifoldebau AllweddolBydd hi'n ofynnol i chi:

• Ymgymryd â'r gwaith o gynllunio, addysgu, asesu a chydlynu cymwysterau ILM Lefel 2-7.
• Ymgymryd â dyletswyddau sydd eu hangen ar gyfer y rôl hon, e.e. sicrhau ansawdd, ysgrifennu Rhaglen Ddysgu/Adolygiad Rhaglen Blynyddol, gofynion dilysu, ac ati.
• Cwblhau cymhwyster dilysydd o fewn blwyddyn i gael eich penodi (os nad ydych yn gymwys eisoes).
• Cymryd rôl fel Tiwtor Cwrs os yw'n briodol.
• Cyfrannu at ddatblygu a chyflwyno cyrsiau newydd a chreu diwylliant o arloesi.
• Cyflawni unrhyw ddyletswyddau eraill yn ôl cyfarwyddyd y Pennaeth/Prif Weithredwr, yn gymesur â gradd y swydd, yn y gweithle cychwynnol neu leoliadau eraill yn y Coleg.

Bydd hi'n ofynnol i chi:-

• Gyfrannu at bob math o waith addysgol, gan gynnwys addysgu yn y dosbarth, gwaith tiwtorial a dyletswyddau estyn allan cysylltiedig, cyrsiau preswyl, agored a dysgu o bell a lleoliadau gwaith dysgwyr. Bydd hyn fel rheol yn golygu gwaith trefniadol a gweinyddu cysylltiedig, paratoi ac asesu, dilysu mewnol, targedau dysgwyr ac olrhain, cefnogi dysgwyr, lles priodol a chyfrifoldebau cynghori academaidd.
• Cyfrannu at reoli'r cwricwlwm o fewn maes eich rhaglen i gynnwys cyfweld a rhoi arweiniad, cynefino, asesu cychwynnol, a bodloni targedau ar gyfer cadw myfyrwyr, presenoldeb a chwblhau'n llwyddiannus.
• Cyfranogi a chyfrannu at agweddau ar ddatblygu'r cwricwlwm o fewn y gyfadran, y coleg a gydag ysgolion partner, sefydliadau addysgol eraill, budd-ddeiliaid a chyflogwyr.
• Cymryd rhan ym mhob agwedd ar systemau a chylch rheoli ansawdd y maes cwricwlwm a chadw atynt, gan gynnwys dilysu/cymedroli gwaith asesedig yn fewnol a sicrhau bod terfynau amser yn cael eu bodloni.
• Cyfrannu at adroddiad gwerthuso'r rhaglen ddysgu a diweddaru'r cynllun datblygu ansawdd yn rheolaidd.
• Ble bo'n briodol gweithredu rôl Cydlynydd Rhaglen e.e. Cydlynydd Rhaglen Ddysgu ac Arweinydd ,Cwrs.
• Cymryd rhan mewn asesu, cofnodi ac adrodd am waith a chynnydd dysgwyr a chyfathrebu ac ymgynghori â rhieni/gofalwyr dysgwyr a/neu gyflogwyr pan fo angen.
• Ble bo'n briodol, cysylltu â'r gofrestrfa/swyddfa arholiadau/swyddfa'r campws i weinyddu arholiadau ac asesiadau allanol yn effeithiol.
• Ble bo'n briodol, arolygu arholiadau ac asesiadau.
• Cynnal trefn a disgyblaeth dda ymhlith yr holl ddysgwyr y tu mewn a'r tu allan i'r ystafell ddosbarth. Cofnodi a monitro'r ymddygiad hwn yn unol â systemau a pholisïau'r coleg.
• Nodi unrhyw bryderon yn ymwneud â diogelu dysgwyr neu bobl berthynol sydd mewn perygl ac adrodd amdanynt wrth berson priodol.
• Cadw at weithdrefnau a phrotocolau iechyd a diogelwch y coleg ar y safle ac i ffwrdd o'r safle, gan gynnwys protocolau a gweithdrefnau ymweliadau addysgol ble bo angen, a chwblhau a diweddaru asesiadau risg priodol yn brydlon.
• Cymryd rhan mewn cyfarfodydd sy'n ymwneud â materion cwricwlaidd, ansawdd, gweinyddol neu drefniadol.
• Cymryd rhan mewn gweithgareddau marchnata a derbyn allanol a mewnol, gan gynnwys nosweithiau agored a chyfweliadau dysgwyr.
• Sicrhau bod y wybodaeth am y rhaglen/cwrs yr ydych yn gyfrifol amdani/amdano yn cael ei diweddaru gan ddefnyddio cronfa ddata'r coleg a chynhyrchu deunyddiau marchnata addas.
• Cyfathrebu straeon newyddion da gyda'r adran farchnata i gynnal proffil uchel ar gyfer eich maes a'r coleg, gan gynnwys defnyddio cyfryngau cymdeithasol.

Sgiliau Gwybodaeth ac ArbenigeddHanfodol:

• Gradd neu gymhwyster cyfwerth
• Cymhwyster addysgu (Os nad ydych yn meddu ar gymhwyster addysgu ar ddyddiad dechrau'r swydd, bydd hi'n ofynnol i chi ennill TAR o fewn 2 flynedd i'r dyddiad hwn)
• TGAU Saesneg a Mathemateg - o leiaf Gradd C neu Lefel O cyfwerth
• Tystiolaeth ddogfennol o Ddatblygiad Proffesiynol parhaus, priodol
• Sgiliau llythrennedd/rhifedd/llythrennedd digidol da
• Sgiliau rhyngbersonol a threfniadol ardderchog
• Y gallu i weithio'n gytûn gyda dysgwyr a chydweithwyr
• Y gallu i weithio dan bwysau ac i derfynau amser tynn
• Prydlondeb ardderchog a'r gallu i weithio'n hyblyg

Dymunol:

• Profiad addysgu perthnasol
• Dealltwriaeth dda o faterion perthnasol mewn addysg ôl 16
• Hanes profedig o lefelau uchel o gyrhaeddiad dysgwyr
• Ymwybyddiaeth o ddangosyddion perfformiad allweddol
• Tystiolaeth o weithgareddau addysgu a dysgu arloesol
• Tystiolaeth o olrhain a monitro perfformiad dysgwyr yn effeithiol
• Profiad o gymryd rhan weithredol yng ngofal bugeiliol pobl ifanc

Yr Iaith Gymraeg:

• Llefaredd Cymraeg (Gwrando/Siarad) - Lefel 0/1
• Llythrennedd Cymraeg (Ysgrifennu/Darllen) - Lefel 0/1

(Gweler disgrifiadau iaith manwl ynghlwm.

Mae croeso i bobl wneud cais am swyddi yn Gymraeg, ac ni fydd ceisiadau a wneir yn Gymraeg yn cael eu trin yn llai ffafriol na chais a wneir yn Saesneg.

Buddion

• Byddwch yn cael 46 diwrnod o wyliau, ynghyd â gwyliau banc a phum diwrnod cau sef cyfanswm o 59 diwrnod o wyliau y flwyddyn. Hefyd byddwch yn cael 4 diwrnod ychwanegol ar ôl 5 mlynedd o wasanaeth.
• Cynllun pensiwn hynod o hael gyda 20% o gyfraniadau cyflogwr.
• Rhaglen dysgu a datblygu proffesiynol wobrwyedig.
• Cynllun seiclo i'r gwaith
• Maes parcio ceir am ddim ar y safle
• Disgowntiau mewn siopau adwerthu ac ar-lein