Cynorthwyydd Addysgu Lefel Uwch - Ysgol Waldo Williams

Cyflog: Grade 6 - £27,269 - £30,060 pro rata

Gradd 6 - £27,269 am 37.5 awr yr wythnos yn ystod y tymor yn unig am 45.8 wythnos y flwyddyn, sy'n cyfateb i £23,386.62 pro rata, gan godi i 46.8 wythnos y flwyddyn a £27,345.97 pro rata ar ôl pum mlynedd o wasanaeth.

Swydd tymor penodol yw hon tan 30 Awst 2026, gydag wythnos waith o 37.5 awr.

Mae Ysgol Gynradd Waldo Williams yn gymuned ysgol fywiog ac amrywiol lle mae pob rhanddeiliad wedi ymrwymo i sicrhau bod gan ddisgyblion yr offer a'r profiadau i fod mor llwyddiannus â phosibl.

Rydym yn chwilio am gynorthwyydd addysgu lefel uwch (CALU) ymroddedig a thosturiol i gynorthwyo teuluoedd ffoaduriaid a mudwyr wrth iddynt ymgartrefu yn yr ysgol ac ym mywyd cymunedol yr ardal.

Bydd yr ymgeisydd llwyddiannus yn arwain gweithgareddau dysgu wedi'u targedu i ategu datblygiad iaith, llesiant a chynnydd academaidd disgyblion. Gan weithio'n agos gydag athrawon, teuluoedd, a Thîm Cymorth i Ymfudo ac Adsefydlu Cyngor Sir Penfro, bydd y CALU yn chwarae rhan allweddol wrth helpu plant i gael mynediad at addysg a theimlo'n hyderus yn yr ysgol.

Mae'r rôl yn cynnwys gweithio gydag unigolion, grwpiau bach, ac weithiau dosbarthiadau cyfan. Bydd cysylltiad rheolaidd â theuluoedd, defnydd o offer cyfieithu i rannu gwybodaeth, a gwaith cydlynu gweithgareddau ar ôl ysgol ar gyfer disgyblion a'u brodyr a'u chwiorydd hŷn. Bydd rhan o'r rôl yn cynnwys teithio i ysgolion eraill neu ymweliadau achlysurol â chartrefi.

Dylai ymgeiswyr feddu ar statws CALU (neu fod yn barod i weithio tuag ato), profiad o weithio gyda disgyblion oedran cynradd neu deuluoedd agored i niwed, a sgiliau cyfathrebu a TGCh cryf. Mae profiad o gynorthwyo teuluoedd ffoaduriaid yn ddymunol.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.