Rheolwr Adfer Dysgu - Ysgol Bryn Castell

Cyflog: £25,097 - £26,502 y flwyddyn

Rheolwr Adfer Dysgu - Ysgol Bryn Castell
Disgrifiad swydd
32.5 awr yr wythnos

Yn ystod tymor yr ysgol

Mae Llywodraethwyr Ysgol Arbennig Bryn Castell yn dymuno penodi Rheolwr Adfer Dysgu sydd â'r rhinweddau priodol i weithio gyda chymuned Ysgol Bryn Castell i hyrwyddo rheoli ymddygiad cadarnhaol, llesiant, presenoldeb ac ymgysylltu disgyblion, beth bynnag yw eu hanghenion, gan eu cefnogi i weithio tuag at gyflawni hunanreoli ac annibyniaeth.

Mae Ysgol Bryn Castell yn ysgol gymunedol arbennig a gynhelir gan Gyngor Bwrdeistref Sirol Pen-y-bont ar Ogwr sy'n darparu addysg i ddisgyblion 7 i 19 oed sydd ag Anawsterau Ymddygiad, Emosiynol a Chymdeithasol (AYECh) cymhleth gan gynnwys awtistiaeth ochr yn ochr ag anawsterau dysgu penodol ac anghenion dysgu ychwanegol eraill.

Bydd yr ymgeisydd llwyddiannus yn ymarferydd ysgol arbennig profiadol gyda dealltwriaeth wych o ddisgyblion ag Anawsterau Ymddygiadol, Emosiynol a Chymdeithasol (AYECh) gan gynnwys awtistiaeth ynghyd ag anawsterau dysgu penodol ac anghenion dysgu ychwanegol eraill. Bydd yn defnyddio dull sy'n ystyriol o drawma, rheoli ymddygiad cadarnhaol, PBS i gydlynu a gweithredu rhaglenni, darpariaeth a gofal arbenigol y cytunwyd arnynt i ddisgyblion. Bydd yn ofynnol i'r ymgeisydd llwyddiannus helpu disgyblion sydd ag ymddygiad cymhleth a heriol i oresgyn rhwystrau i ddysgu, gan gynnwys datblygu eu potensial drwy godi safonau ymddygiad ar gyfer dysgu, presenoldeb ac ymgysylltu. Bydd y gofal, cymorth ac arweiniad arbenigol hyn yn cael eu cynnig i ddisgyblion a'u rhieni/gofalwyr/teuluoedd, yn Ysgol Bryn Castell a thu hwnt.

Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 4 Gorffennaf 2025

Dyddiad Llunio'r Rhestr Fer: Wythnos yn Dechrau 07 Gorffennaf 2025

Dyddiad y Cyfweliad: Wythnos yn Dechrau 14 Gorffennaf 2025

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person