Athro/Athrawes - Ysgol Gynradd Nantymoel

Cyflog: Graddfa Cyflog Athrawon

Athro/Athrawes - Ysgol Gynradd Nantymoel
Disgrifiad swydd
32.5 awr yr wythnos

Mae Llywodraethwyr Ysgol Gynradd Nantymoel yn dymuno penodi athro/athrawes ysgol gynradd llawn cymhelliant, creadigol ac ysbrydoledig sydd â phrofiad o addysgu ar draws y sector cynradd i ymuno â'n tîm cyfeillgar, gofalgar a phroffesiynol.

Rydym yn chwilio am ymarferydd eithriadol sy'n ymrwymedig i wneud gwahaniaeth yn ein cymuned ysgol ac a fydd yn dangos ymrwymiad diwyro i ddarparu'r cyfleoedd dysgu gorau posibl i bob un o'n disgyblion.

Bydd angen i'r ymgeisydd llwyddiannus ddangos arfer rhagorol yn yr ystafell ddosbarth a byddant yn angerddol, yn uchelgeisiol, yn hunanfyfyriol ac yn frwdfrydig i gyfrannu at ein cymuned ysgol hapus, lwyddiannus a chynhwysol. Byddant yn darparu profiadau dysgu ysbrydoledig i'n disgyblion sy'n eu galluogi i ddatblygu fel dysgwyr annibynnol, chwilfrydig, myfyriol, cydweithredol, a gwydn. Bydd angen iddynt ddangos disgwyliadau uchel o ran cyflawniad, safonau ac ymddygiad ac yn gallu gweithio fel rhan o dîm ymroddedig a bod yn gwbl gefnogol i werthoedd ac ethos ein hysgol gynhwysol.

Rydym am benodi athro/athrawes ragorol i gymryd cyfrifoldeb fel arweinydd Maes Dysgu a Phrofiad (MDPh) ac rydym yn eich annog i amlinellu eich cryfderau a'ch profiadau yn eich cais. Rydym yn chwilio am weithiwr proffesiynol uchelgeisiol a galluog sydd â photensial arweinyddiaeth, ac yn gallu cyfrannu'n sylweddol at ddatblygiad yr ysgol. Bydd angen i'r ymgeisydd llwyddiannus feddu ar sgiliau trefnu a rhyngbersonol rhagorol a bydd yn gweithio ochr yn ochr â'r Uwch Dîm Arweinyddiaeth i weithredu systemau, arferion a gweithdrefnau ysgol gyfan, i gefnogi gwerthoedd a gweledigaeth yr ysgol.

Os ydych yn teimlo bod hon yn ysgol sydd â'r heriau proffesiynol cywir i chi a'ch bod yn credu y gallwch ateb yr her, rydym yn croesawu eich cais.

Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 4 Mehefin 2025

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person