Darlithydd Tâl Awr- Gwaith Saer

Cyflog: £23.59 - £46.42 yr awr

Darlithydd Tâl Awr - Gwaith Saer
Swydd ddisgrifiad
25 awr yr wythnos (Amser Tymor)

Cyfnod Penodol - 30/06/27

Rydym yn dymuno recriwtio darlithydd cymwys, brwdfrydig a phrofiadol mewn Gwaith Saer.

Bydd gan yr ymgeisydd llwyddiannus lefel uchel o wybodaeth a dealltwriaeth broffesiynol o'r maes pwnc.

Bydd angen i chi feddu ar y cymhwyster perthnasol mewn Gwaith Saer neu bwnc cysylltiedig ar Lefel 2 neu uwch. Yn ogystal, bydd angen i chi feddu ar gymhwyster addysgu perthnasol. Mae'r gallu i gymell ac ennyn diddordeb dysgwyr a gwneud cyfraniad cadarnhaol i'r tîm hefyd yn rhan annatod o'r rôl.

Mae'r gallu i ddefnyddio'r Gymraeg ar lefel sylfaenol (neu barodrwydd i ymgymryd â hyfforddiant) yn ddymunol

Gellir cyflwyno ceisiadau yn Gymraeg ac ni fyddant yn cael eu trin yn llai ffafriol na cheisiadau a gyflwynir yn Saesneg.

Gofynion a Chydymffurfiaeth

• Diogelu: Mae'r penodiad yn amodol ar ddal gwiriad DBS Manwl boddhaol a bod yn gofrestredig gyda'r CGA (rhaid i'r ymgeisydd dalu'r costau).
• Cymwysterau: Rhaid i ddarlithwyr feddu ar gymhwyster addysgu neu fod yn barod i'w gyflawni (e.e. TAR) o fewn cyfnod penodol.

Cydraddoldeb, Amrywiaeth a Chynhwysiant

Cyflogwr gwrth-hiliol a Hyderus o ran Anabledd yw Coleg Gwent, sydd wedi ymrwymo i gydraddoldeb o dan Ddeddf Cydraddoldeb 2010. Rydym yn croesawu pob math o hunaniaeth a dawn niwroamrywiol, ac anogwn geisiadau oddi wrth grwpiau heb gynrychiolaeth ddigonol (Lleiafrifoedd Ethnig, Benywod, pobl LHDTC+ a phobl ag anableddau) yn arbennig. Mae'r gefnogaeth yn cynnwys chwe rhwydwaith staff (Hil, LHDTC+, Anabledd, ayyb) a Grŵp Llywio Cydraddoldeb, Amrywiaeth a Chynhwysiant.

Llesiant Staff

Rydym yn darparu cefnogaeth iechyd gynhwysfawr sy'n cynnwys:

• Mynediad i'r gampfa a gweithgareddau lles â chymhorthdal.
• Mynediad i ap Headspace a hyrwyddwyr iechyd meddwl.
• Campysau ac ystafelloedd gweddïo hygyrch.

Dyddiad Cau: 30/09/2026

Dyddiad Cyfweliad: 08/10/2026