Cynorthwy-ydd Cymorth Dysgu (Lefel 1) - Ysgol Gynradd Llandyfái

Cyflog: Grade 3 - £24,027 pro rata

Gradd 3 - £24,027.00 am 28 awr yr wythnos ar 45.8 wythnos y flwyddyn sy'n cyfateb i £15,553.20 pro rata.

Mae'r swydd hon yn un cyfnod penodol tan 31 Awst 2025.

Cynorthwyydd Cymorth Dysgu - Lefel 1

Yn Ysgol Gynradd Llandyfái, rydym yn ymfalchïo mewn creu amgylchedd dysgu cefnogol a chynhwysol lle mae pob plentyn yn cael ei annog i gyrraedd ei lawn botensial. Mae ein tîm wedi ymrwymo i feithrin cariad at ddysgu a darparu'r dechrau gorau posibl i'n disgyblion.

Rôl a chyfrifoldebau:

• Gweithio'n agos gydag athrawon y dosbarth derbyn a meithrin i gefnogi dysgu a datblygiad pob disgybl.
• Cynorthwyo i ddarparu gweithgareddau atyniadol sy'n briodol i'w hoedran.
• Darparu cymorth unigol i ddisgyblion, gan eu helpu i oresgyn heriau a chyflawni eu nodau.
• Meithrin amgylchedd ystafell ddosbarth cadarnhaol a chynhwysol.
• Cydweithio â chydweithwyr i sicrhau dull tîm cydlynol a chefnogol.
• Monitro ac adrodd ar gynnydd disgyblion i athrawon a rhieni yn ôl yr angen.

Mae addysg hyd at safon dda a dealltwriaeth o anghenion a hawliau plant / pobl ifanc, ynghyd â sgiliau cyfathrebu rhagorol, yn hanfodol i'r rôl hon.

Bydd rhaid i chi fod wedi cofrestru â Chyngor y Gweithlu Addysg (CGA) ar gyfer y swydd hon.

I gael trafodaeth anffurfiol am y rôl, cysylltwch â Mr S. Thomas, Pennaeth.

Cyfeiriwch at y disgrifiad swydd uchod am ragor o fanylion am y swydd wag hon a manyleb y person.

Gwiriadau Cyflogaeth

Mae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.

Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.

Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.

Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.

Diogelu

Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.

Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.

Cymorth a Gwybodaeth Ychwanegol

• Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
• Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
• Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
• Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.

Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.