Seicolegydd Addysg

Cyflog: £46,525 - £61,848 Graddfa Soulbury A 3-8 a hyd at 3 phwynt Asesiad Proffesiynol Strwythuredig (SPA)

Seicolegydd Addysg

Disgrifiad Swydd
GWASANAETH SEICOLEG ADDYSG

Seicolegydd Addysg 1.0 Llawn Amser (Cyfnod Mamolaeth)

Dyddiad Dechrau - Chwefror 2025

Graddfa Soulbury A 3-8 a hyd at 3 phwynt Asesiad Proffesiynol Strwythuredig (SPA). Bydd pwyntiau SPA blaenorol yn cael eu hystyried.

Mae Gwasanaeth Seicoleg Addysg Cyngor Rhondda Cynon Taf yn wasanaeth deinamig ac arloesol sy'n cynorthwyo pobl ifainc a'u teuluoedd ac ysgolion mewn ardal ddaearyddol amrywiol. Rydyn ni'n ymrwymo i barhau i weithio gyda rhieni/gwarcheidwaid, ysgolion ac asiantaethau partner er mwyn helpu pob plentyn a pherson ifanc i 'adeiladu dyfodol gwell'.

Mae'r gwasanaeth yn darparu model gwasanaeth hyblyg sy'n sicrhau bod cymorth seicolegol yn cael ei ddarparu yn y ffordd fwyaf effeithiol ac effeithlon.

Rydyn ni'n darparu ystod eang o gymorth er mwyn ymateb i geisiadau (cymorth systemig, datrys problemau a myfyrio, ymgynghori a llunio a chysylltiad uniongyrchol â Phlant a Phobl Ifainc) ac mae holl aelodau'r garfan yn cymryd rhan weithredol mewn gwaith amlasiantaeth, gwaith rhyngddisgyblaethol, gwaith prosiect ac ymchwil sy'n seiliedig ar weithredu.

Mae ein gwasanaeth yn gwerthfawrogi pwysigrwydd arferion myfyriol yn benodol ac yn darparu amrywiaeth o gyfleoedd i staff dderbyn sesiynau goruchwylio i unigolion ac yn rhan o grŵp yn rheolaidd yn ogystal â sesiynau myfyrio wythnosol gyda chyfoedion i'ch cefnogi yn eich rôl. Bydd eich proses sefydlu wedi'i theilwra i chi a byddwch chi'n derbyn mentora parhaus.

Byddwch chi'n mwynhau gweithio gyda charfan fawr a chyfeillgar o Seicolegwyr Addysg cymwys sydd ag ystod eang o arbenigeddau a diddordebau. Mae'r garfan yn hyblyg o ran sut mae’n mynd ati i gwrdd ag anghenion amrywiol y gymuned ac ar hyn o bryd, mae gyda nhw nifer o is-grwpiau arbenigol gan gynnwys;

• Cyfathrebu Cymdeithasol ac ASA
• Lleferydd ac Iaith
• Plant sy'n derbyn gofal/Disgyblion sy'n agored i niwed
• Ôl-16
• Lles
• Y Blynyddoedd Cynnar
• Gwrth-hiliaeth
• LGBTQ+
• Osgoi’r Ysgol ar sail Emosiynol
• Yr Iaith Gymraeg a Diwylliant
• Ymateb i Ddigwyddiadau Critigol
• Llais y Disgybl a Rhiant
• Ysgolion Arbennig
• Anghenion Cymhleth

Mae holl aelodau'r garfan yn cael anogaeth a chefnogaeth i ddatblygu eu meysydd diddordeb arbenigol ac i gydweithio'n agos â chydweithwyr mewn asiantaethau partner yn hyn o beth. Byddwch chi hefyd yn derbyn ystod o gyfleoedd DPP gwych fel unigolion ac fel carfan trwy gydol y flwyddyn i gefnogi eich Datblygiad Proffesiynol a'ch Gyrfa.

Mae Gwasanaeth Seicoleg Addysg RhCT yn cynnig cynllun gweithio hyblyg i hyrwyddo balans cydbwysedd cadarnhaol rhwng gwaith a’ch bywyd personol.

Mae modd cael sgwrs anffurfiol gyda Rob Kempson, Pennaeth Gwasanaeth Seicoleg Addysg - RhCT ar (01443) 744333.

Rhaid bod ymgeiswyr wedi cofrestru ac yn gymwys yn broffesiynol gyda'r Cyngor Proffesiynau Iechyd a Gofal.

Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.

Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, fe'ch gwahoddir i gyfweliad os byddwch chi'n dewis cymryd rhan yn y cynllun.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i'r sawl sy'n penodi sicrhau bod ymgeiswyr sydd wedi datgan eu bod nhw'n aelodau o'r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy'n cwrdd â'r meini prawf hanfodol yn y fanyleb person, yn cael cynnig cyfweliad.